Afilipi 4:6 - Mawu a Mulluku

⁶ Muhikhupanyeke erive ello koma mumulleelleke Mulluku erive ello munapaalleenyu moovekella. Enthawi ddittheddene muvekeke ni murima woothokoza.

Afilipi 4:6 Iomraidhean Croise

1 Mamwene 8:28

Nyu Apwiya Mullukwaaka, mi tti oorumeyellaanyu, iwani nivekello naka ni okhuwa waka vamiitthoni vanyu ollello.

2 Epilli 32:20

Vano mwene Hezekiya ni namallotella Yesaya mwaana a Amozi yaavekella ekaamba ya yeella nave yaakhuwella oddullu.

Masalimo 51:15

Apwiya hullani vayanoni vaka wi yuutitimiheni nyuwaano.

Masalimo 55:17

Misikuwa, ohinase ni otthaana kinnakhupanya ni winlla, alliwa eneerewiiwa mawaaka.

Masalimo 55:22

Areye Apwiya ddookhupanya ddawo, alliwa eneerewuuseera, kheyaakhullella wi oolungamiiwa atikheye.

Masalimo 62:8

Nyu athu, hiyani murimaanyu va olliye enthawi ettheene, mumulleelle ddittheddene dda m'murimani mwanyu. Mulluku sika woothawella wahu.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Miyambo 16:3

Velleella mitteko ddawo wa Apwiya nave ddoolinga ddawo ddineerokeraattheya.

Nchipo na Solomoni 2:14

We tti ekhundaaka, yookhalla m'mittharini dda malluku, mwawiipittheya phaama ni mooserereya. Koone ekhovaawo nave kiiwe mawaawo. Valle mawaawo tti ooddiva nave ekhovaawo tti yooreera.

Yeremiya 32:16

Kimwinnyalle Baruki mwaana a Neriya, makalataalle, kahaamba ovekella wa Apwiya wi,

Yeremiya 33:3

‘Kiithane miyaano nave kineerowaakhulla. Kineerewuulleella ddoovittheya dduullupalli nnddo ohinaddidduwelleewe.

Daniele 3:16

Shadrake, Meshaki ni Abedenego yaamwaakhulla mwene Nebukadinezara wi, “Khe woopaalleya wi niwaakhulleni va mwaha yoolla.

Daniele 6:10

Daniele iiwalleeye wi lamulonna nookeraatthihiwa aavollowa mpa mwaye. Mu echipindaaye yavaddullu mwaakhalla mawindo ooweha o Yerusalemu. Nave mwemmo aanakokhora vatthi oraru vanllaponi anavekella ni omutitimiha Mullukwaaye moollikana ni mmo eerelleeye khalle.

Mateyu 10:19

Yuukusellani omillatuni, muhikhupanyeke wi munaaye mwallote tini apaalle munaallote mwawiidde vawi enthawi yeeyo Mulluku eneerewuulleellani yawi mullote.

Mateyu 13:22

Mmiddo wamorenlle variyari va miiwa onaphwanaphwana ni athu ayo eniiwa othenga. Koma kaambiiwa ennaviheeriwa ni dda va ellapo ni okonda eyuuma, othengooyo onnakhuneelliwa sika khoniimma ezipaso.

Mateyu 6:34

Vano muhikhupanyeke ni ddoosiisello vawi osiisello oneerewiikhupanyella mwa weekhiiwa mookwakhwanella. Nirive nllapo nookhalla ni ddookatamiha ddaye ddookwakhwanella.

Mateyu 6:8

Sika muhinaphwanaphwanaka ni yaayo. Attiitthaanyu ennadduwella khalle ddoopaalla ddanyu naari muhinaambe oveka.

Luka 10:41

Apwiya yaamwaakhulla mutthiyanooyo wi, “Marita, Marita, onimoona oviheeriwa ohoosiwaka ni ddeko ddinchichi.

Luka 12:22

Vano Yesu aallota ni oohudderaaye wi, “Sika tti kaambiiwa kinuulleelleemini nyuwaano wi muhikhupanyeke dda okumaanyu wi munaache tini apaalle dda mwiillaanyu wi munaaware tini?

Luka 12:29

“Sika muhinakhupanyaka wi munaache tini apaalle munaawirye tini apaalle ddeko ddimodda.

Luka 18:1

Yesu ahaalleella oohudderaaye niphwanaphwaniho nowaahuddiha wi enaphwanella wi evekelleke mallapo mattheene, oohitopa.

Luka 18:7

Koma Mulluku aneeroweeruzella millatu wi ddiweetelle phaama athu ootthoolliwaaye ayo enamuveka otthaana ni mahiiyu wi ddiweetelle phaama. Nave khaselliha nikavihero naye.

1 Akorinto 7:21

Ethiyo wiithaniweewe ni Mulluku waari ori kaporo? Ohikhupanye koma wakhalla ni ekari yoottaphulliwa, opharihe mutteko.

1 Akorinto 7:32

Kinapaalla wi nyuwaano muhihoosiweke. Mullopwana oohitthella anallipana ni ophara mutteko wa Apwiya nave anneeseesa waahakallalliha Apwiya.

2 Akorinto 1:11

Nyuwaano munaphwanella munikaviherekettho voovekellani. Vano athu anchichi eneeromuthokoza Mulluku ekaamba yoonidalisa vawaakhullellani mavekellwaahwaalla.

Aefeso 5:20

Mumuthokozeke Mulluku Attiitthiihu enthawi ddittheddene ni ekaamba ya ddittheddene mu nnddina na Apwiihu Yesu Khrisitu.

Aefeso 6:18

Mweereke ddenndda mu nivekello. Muvekelleke va ddirive ddaweereya, moohoollelliwa ni Munepa. Mukhalleke oowehera nave muvekelleke moohihiyerera, mwaavekellellekettho athu a Mulluku enthawi ettheene.

Akolose 3:15

Murendelle oyo Khrisitu anavaheeye wuuhoollellekeni m'murimani mwanyu vawi Mulluku awiithanani wi mukhalle nimodda mu murendelle yoolla vawi muri mwiilli mmodda. Nave muthokozeke.

Akolose 3:17

Vano erive ello muneereenyu apaalle munalloteenyu enaphwanella yeeriwe mu nnddina na Apwiya Yesu, mwaamuthokozaka Mulluku Attiitthaanyu oweella mwa olliyooyo.

Akolose 4:2

Vekellani moohihiyerera, muwehereke mwaavekellaka nave mumuthokozeke Mulluku.

1 Timoteo 2:1

Vawaambellella kinuuvekani nyuwaano wi yeeriweke mavekello ooveka ni oomuthokoza Mulluku ekaamba ya athu attheene,

1 Timoteo 5:5

Oyo ari naamukhwellekhwelle navettho khanna oomukavihera, akeraatthihe etiyerellwaaye mwa Mulluku navettho avirellelle ovekella otthaana ni mahiiyu wi amukavihere.

1 Petro 4:7

Omalla wa ddeko ddittheddene wohaatamella. Munaphwanella mwiihiiheeke nave muchenjere sika wi muworeke ovekella.

1 Petro 5:7

Muhiyereni ddookhupanya ddanyu ddittheddene kaambiiwa olliye annuuweherani.

1 Samuele 1:15

Koma Hana aamwaakhulla wi, “Mi Apwiya ngimuwiryalle vinyo apaalle yoowirya yoowalli. Kinamoriwa ethakaraka yinchichi vawi kookhalla kinllellaka wa Apwiya ekaamba ya ethakaraka ddakanndda kivekellaka wa Apwiya waakuthullella ddookatamiha kiriimina.”

1 Samuele 30:6

Davide aahoowa wunchichi vawi athu yaamushella murima enapaalla omuvokha malluku vawi mirima dda athu attheene ddaamoriwa ethakaraka ekaamba yawi aniiwa aallopwana ni aatthiyana. Koma Davide ahiillipiha murima mwa Apwiya Mullukwaaye.

1 Samuele 7:12

Enre ddiiddo, Samuele aakusa nlluku aniimesa variyari va Mizipa ni Shene aninnya nnddina nawi Ebenezeri ottaphullella wi, “Nlluku na nikavihero,” Vawi aallota wi, “Ophiyera ollello Apwiya ennanikavihera.”