Afilipi 4:3 - Mawu a Mulluku

³ Nave weyaanottho, mukhwaaka oororomelleya, kinapaalla wi waakavihereke atthiyanaalla; vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na akumi.

Afilipi 4:3 Iomraidhean Croise

Masalimo 69:28

Mwaavenyihemo mu nibukhu na akumi, ehilembiwe nimodda ni athwaanyu.

Eksodo 32:32

Koma vano pepaani mwaakhululukelle machimwiiwa. Mwaahaakhululukella, pepaani muvenyihemo nnddina naka munibukhuni mmo mwaalembilleenyu manddina a athwaanyu.”

Yesaya 4:3

Vano oohalla o Ziyoni, ootthoolliwa ni Mulluku wi ekhalle ni okumi o Yerusalemu, eneeroromolliwa oopatuleya.

Ezekiele 13:9

Kineerewaallaka anamallotella ayo enoona m'masomphenya awoottha ni awoombesa moohollosa. Khekhallana va mutthukumano wa athwaaka. Kheyeerengelliwa nimodda ni Aisraele nave khehokollweella mu ellapo ya Israele. Sika muneerodduwella wi mi tti Apwiya Mulluku.’

Daniele 12:1

Va enthawi yeeyo Mikaele, mungelo muullupalli oyo anaawehera athwaawo, aneerophiya. Enthawi yeeyo enaakhalle ya ddoohoosa ddawoopiha awi khenooneyeke ovenyera khalle, ephatuwello ya mutundu wawaamba wa athu ophiyera enthawi yeeyo. Va enthaweeyo athwaawo attheene ayo manddiniiwa elembiwe mu nibukhu eneerovulluwa.

Luka 10:20

Nave muhihakallalle kaambiiwa minepa ddoonanara ddinnawiiwellellani koma muhakallalle kaambiiwa manddinaanyu aalembiwa oddullu.”

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Aroma 16:12

Mooni wa Trifena ni Trifosa ayo enaarumeyella Apwiya. Moonittho wa Perisi, mukhwaaka kinamukondeemi oyo allipihenlle ophara mutteko mwawaarumeyella Apwiya.

Aroma 16:9

Mumuvahe mooni Urbano, oorumeyella oororomelleya mukhwiihu mu eyaattano ni Khrisitu. Navettho mooni wa Stakisi, mukhwaaka kinamukondeemi.

Afilipi 1:12

Asinnaka ni arokoraka, kinapaalla mudduwelle wi ddeko ddeereye wa miyaano ddookavihera ovuwiha othenga waphaama.

Afilipi 1:16

nave enneera ddiidda ovenyera mu echikondi kaambiiwa ennadduwella wi Mulluku aakitthoolla oteteza othenga waphaama.

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

Afilipi 1:5

ekaamba ya mmo mukikaviherelleenyu ovuwiha othenga waphaama ovenyera nllapo mwaambilleenyu okhulupilila ophiyera ollello.

Afilipi 1:7

Kinnawuupuwellani enthawi ddittheddene! Nave vano nginalakwiha oganiza mwawi ddiidda dda nyuwaano attheene kaambiiwa nyuwaano munnakeerengella. Vawi nyuwaano mookikaviherana mutteko yoolla Mulluku akivahilleeye mu echisomwaaye, kiriimi mundende ni enthawi kaariimi oottaphulliwa wi koonihe ddawoona dda othenga waphaama ni owuteteza ni owuukeraatthiha moollipa.

Afilipi 4:2

Yuwodiya ni Sinteke, kinimuuvekani wi mwiiwananeke wonanko athu okhulupilila.

Akolose 1:7

Epafra, oorumeyella ookondiwa mukhwiihu, sika uulleelleni dda echisomo ya Mulluku. Olliye tti mullupa mutteko oororomelleya a Khrisitu voopharani mutteko munipuroni mwahu.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

Yawuupullulla 17:8

Enama yuullupalli yawoopiha woonilleeweelle eyo yaari ni okumi koma vano khenna okumi. Eri vakhuviru wi ekhume ovenyera ollitini woowallamellesesa wi yiiphiwe. Athu ookhalla va ellapo yavatthi ayo manddiniiwa kheyaalembiwe mu nibukhu na akumi ehinaphatusiwe ellapo yavatthi, eneerottikhina voowehani enama yuullupalli yawoopiheeyo. Yaakhalla ni okumi, vano khennattho okumi koma eneerokhallattho ni okumi.

Yawuupullulla 20:12

Nave kaawoona ookhwa, uullupalli ni ang'onong'ono, yiimenlle vamiitthoni va mpando woomwene. Mabukhu yaahulliwa, nibukhu nimodda nahulliwe naari nibukhu na akumi. Athu ookhwaayo yaheeruziwa moollikana ni mitteko ddiwa nnddo ddalembiwe m'mabukhunimmo.

Yawuupullulla 20:15

Attheene ayo manddiniiwa yahilembiwe mu nibukhu na akumi yaavokhelliwa munyanja ya munllo.

Yawuupullulla 21:27

Nave khamuwa muvollowa ello yooheellihiwa m'muzindanimmo naari muthu aweera ddoonanara apaalle oollota ddawoottha. Yaayove manddiniiwa elembiwe mu nibukhu na akumi na mwaanaankhosa sika enaavollowe m'muzindanimmo.

Yawuupullulla 3:5

Oopambanaayo eneerowarihiwa ddaweella ddiidda nave ngivenyiha manddiniiwa mu nibukhu na akumi. Vamiitthoni va Attiitthaaka ni angelwaaye kineerewaakhullella wi tti athwaaka.