Afilipi 4:21 - Mawu a Mulluku

²¹ Kinavelleella mooni wa arive muthu a Mulluku oyo ari mu eyaattano ni Khrisitu Yesu. Asinnaka ni arokoraka ayo eri ni miyaano wuno ennuuvahani mooni.

Afilipi 4:21 Iomraidhean Croise

Mateyu 5:47

Nave mwaawaavahaka mooni akhwiinyuve, mweerilleenyu tti tini yookhwaranya athu amodda? Naari athu oohimullapella Mulluku eneera ddiiddo!

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

Agalatiya 1:2

Miyaano vamodda ni asinnaka ni arokoraka attheene ayo eri vaava ninnuvahani mooni. Kinuulembellani kalatoolla nyu athu a mipingo dda o Galatiya.

Agalatiya 2:3

Mukhwaaka Tito naari tti Mugriki,* khaawatiheriwe wi aphaddiwe.

Aefeso 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku. Kinalembella wa athu a Mulluku o Efeso ookhulupilila ni ayo eri mu eyaattano ni Yesu Khrisitu.

Afilipi 1:1

Ovenyera wa hiyaano Paulo ni Timoteo, oorumeyella a Khrisitu Yesu. Ninaalembella athu attheene a Mulluku a o Filipi ayo eri mu eyaattano ni Khrisitu Yesu, vamodda ni oohoollella ni owaakaviheriiwa mumpingoni.

Afilipi 4:7

Vano murendelle wa Mulluku, wookhwaranya mmo athu eniiweseselliiwa, oneereweeriha mirima ddanyu ni maganizwaanyu ohikhupanya ekaamba ya Khrisitu Yesu.