Afilipi 4:2 - Mawu a Mulluku

² Yuwodiya ni Sinteke, kinimuuvekani wi mwiiwananeke wonanko athu okhulupilila.

Afilipi 4:2 Iomraidhean Croise

Genesis 45:24

Sika ahaarumiha asinnaayo nave vootimullani ahaalleella wi, “Muhinakanganaka muttillammo.”

Mariko 9:50

“Mwiinyu tti waphaama koma watthulluwa khoweerihiwattho wi oddiveke. Mukhallena mwiinyu mwa weekhiinyu nave mukhalleke mwamurendelle muthu ni mukhwaaye.”

1 Akorinto 1:10

Mu nnddina na Apwiihu Yesu Khrisitu kinimuuvekani nyuwaano attheene, asinnaka ni arokoraka wi mwiiwananeke va nnddo munalloteenyu wi vihikhalle okawaneya variyari vanyu. Mukhalleke awaattana m'murimani mwanyu ni m'maganizoni mwanyu.

Afilipi 3:16

Naari ddeerevedde, hankoni nivirerelle moollikana ni ehuddiho ninathwareehu ophiyera ollello.

1 Atesalonika 5:13

Mwaavaheke yaayo olemu wunchichi ni echikondi ekaamba ya mutteko enaphariiwa. Variyari vanyu vikhalleke murendelle.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.