Afilipi 4:19 - Mawu a Mulluku

¹⁹ Oyeella mwa Khrisitu Yesu Mullukwaaka aneerewuuvahani ddoopaalla ddanyu ddittheddene ovenyera mu eyuumaaye yawaata.

Afilipi 4:19 Iomraidhean Croise

Genesis 48:15

Nave aamudalisa Yosefe voollotani wi, “Mullukwaaka oyo makhollwaaka Abrahamu ni Isaki yamurumeyelliiwa, Mulluku oyo akihoollelle mu okumaaka muttheene ophiyera ollello,

2 Samuele 22:7

“Kaawiithana Apwiya mu ddoohoosa ddaka, kaakhuwella wa Mullukwaaka wi akikavihere. Mu enyumbaaye ahiiwa mawaaka, winlla waka wahiiweya wa olliye.”

2 Epilli 18:13

Koma Mikaya aallota wi, “Kinimallupella vamiitthoni va Apwiya wi kinaallote nnddo Mullukwaaka anaakilleelleeye.”

2 Epilli 31:8

Vano mwene Hezekiya ni enduna ddaye yoonilliiwa mapwiddaalle, yahaatitimiha Apwiya nave yahaathokoza Aisraele athwiiwa.

Nehemiya 5:19

Nyuwaano Mullukwaaka, upuwellani ddaphaama ddittheddene kiweerelleemi athwaalla.

Nehemiya 9:15

Yavolliwiiwa ettalla, mwahaavaha buledi ovenyera oddullu yaariiwa ni nthona mwahaavaha maaddi ovenyera munllukuni Mwahaalleella wi yaakhe ellapo eyo mwalonjezilleenyu wi muneerewaavaha.

Masalimo 104:24

Nyu Apwiya, mitteko ddanyu tti ddinchichi, mwaaddipanga ddittheddene mweezeru, ellapo yavatthi yooddalla ni ddoophatusiwa ddanyu.

Masalimo 130:7

We Israele, atiyerelle Apwiya, vawi wa Apwiya wookhalla echikondi yoohisintheya, wooddalla woopolla.

Masalimo 36:8

Munnaachiha ddoonuna mpa mwanyu, munnaawiriha maaddi a mu muhinje wa madaliswaanyu.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Daniele 6:22

Mulluku aamurumiha mungelwaaye nave aawalla eyano dda mikango wawi khaddikivoreyille naari vang'ono kaambiiwa Mulluku ahoona wi kiri oohichimwa navettho oohilakwa vamiitthoni vanyu amwene.”

Mika 7:7

Koma miyaano, kinaaroromelle Apwiya. Murimaaka kinaahiye va Mulluku Oovullusaaka vawi Mullukwaaka aneerokiiwa.

Malaki 3:10

Muweena o enyumbaaka yoosungellamo ddaneekhumi ddampuphullu wi okhalle ddoocha ddinchichi. Mukeese nave muneerewoona kuuhullellakani mawindo a oddullu ni owiithellellani madaliso manchichi. Mi Apwiya Amasiva Mattheene koollota.

Mateyu 6:32

Athu oohimullapella Mulluku ennakhupanya dda ddeko ddenndda. Attiitthaanyu ooddullu ennadduwella wi munnapaalla ddeko ddittheddenenndda.

Yohane 20:17

Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

Yohane 20:27

Vano aamulleella Tomasi wi, “Ttannya ni eyaallaawo mva nave ona mattaaka navettho okolla nnatta nawo ottannye mu epararwaaka. Ohikhalle oohikhulupilila koma okhulupilileke.”

Aroma 1:8

Vawaamba, kinnamuthokoza Mullukwaaka oweella mwa Yesu Khrisitu ekaamba ya nyuwaano vawi ellapo yavatthi ettheene enniiwa dda echikhulupilwaanyu.

Aroma 11:33

Eyuuma ya Mulluku tti yinchichi! Ezeru ddaye ni odduwella waye tti ddoowallamella! Khaavo anaawore wiiwesesa echiweruzwaaye! Khaavo anaawore wiiwesesa ettilla ddaye!

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

Aroma 8:18

Kinnasimikiza wi ddoohoosa dda mallapo yaalla khaddinaphwanaphwana ni ntitimiho ninawanno nno ninawuupullulliwe wa hiyaano.

Aroma 9:23

Nave apaallattho wuupullulla waata wa ntitimiho naye, nno niithellelliwe va hiyaano aneerelleeye echifundo, ayo ekhoziwe moovallallella wi yaakhelle ntitimiho naye.

2 Akorinto 12:21

Kinoova wi kawattho Mullukwaaka aneerokiwulliha muru vamiitthoni vanyu nave kineerowinllella athu anchichi ayo yachimmwe nave khenarukunuwe murima o machimwiiwa, minkhella ddoonanara ni oraruwa.

2 Akorinto 4:17

Nave ddookatamiha dding'onong'ono ninooneehu mvanndda ddineeroniphwanyella ntitimiho nuullupalli ni noohimalla, nookhwaranya ddookatahihannddo.

Aefeso 1:18

Kinaveka wi miitthwaanyu ehulleye wi moone owala wi mudduwelle yootiyera eyo awiithanelleeyeni nave waata wa madaliso ootitimiheya ayo athwaaye enaawaakhelliiwa,

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Aefeso 2:7

Enre ddenndda wi oonihe opambana wawunnuwa wa echisomwaaye enthawi ettheene ya muhoollo mu echikondi ananooniheeye mwa Khrisitu Yesu.

Aefeso 3:16

Kinamuveka Mulluku wi ovenyera mwa waata wa ntitimiho naye, uuvaheni masiva oweella m'Munepanaaye wi mukhalle oollipa mu echikhulupilwaanyu.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

Afilipi 4:7

Vano murendelle wa Mulluku, wookhwaranya mmo athu eniiweseselliiwa, oneereweeriha mirima ddanyu ni maganizwaanyu ohikhupanya ekaamba ya Khrisitu Yesu.

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

1 Atesalonika 2:12

Nahuullipihani murima, nahuukhurumusani murima nave naanuuvekani wi mukhalleke ni makhallello oomuhakallalliha Mulluku, oyo anawiithanani nyuwaano wi muvollowe mu omwenaaye nave mu ntitimiho naye.

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

Filemoni 1:4

Kinnamuthokoza Mullukwaaka mallapo mattheene kaawuuganizaka weyaano Filemoni m'mavekelloni mwaka.

1 Petro 5:1

Miyaano, muttekweene, kinaaveka attekweene a mipingo ddanyu. Mi tti mboni a ohoosiwa wa Khrisitu nave kineerewaakhellana ntitimiho nno nnuupullulliwe. Kinuuvekani wi

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.