Afilipi 4:17 - Mawu a Mulluku

¹⁷ Khehiyo wi kinapaalla waakhella emphasove koma kinapaalla wi koone mwaakhellaka madaliso ekaamba ya ovaha wanyu.

Afilipi 4:17 Iomraidhean Croise

Miyambo 19:17

Wamuvaha muthu oohoowa waakongolihalle Apwiya nave eneerewuuhokollosella ddaweera ddawo.

Mika 7:1

Otulli wa miyaano! Kiri wonanko awuurulla oohiphwanyamo ello. Khavihanlle mpesa ddawi ttuucha apaalle namukuyu oyo kinamukondeemi.

Malaki 1:10

Apwiya Amasiva Mattheene enallota wi, “Ttaani anaawalle mullako wa enyumbaaka wi muhikharihelle nivuddo munllo wa va nikuwa naka. Nginahakallalla ni nyuwaano nave ngaakhella ddoovelleella ddanyu.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Yohane 15:8

Mwaawimmaka ezipaso ddinchichi wooniha wi nyuwaano tti oohudderaaka Attiitthaaka eneerotitimihiwa.

Aroma 15:28

Sika kamalliha muttekoolla ni ovelleella makobiri mattheene yatotelliwe, kineerotimulla oya o Spaniya koma kineerewiimella owaninyunko wi kiwooneni.

2 Akorinto 11:16

Kinaaka killote wiilli wi arive muthu ahiganize wi miyaano tti ookarangeya. Koma mwaarimi muganizaka ddiiddo, mukaakhelle wonanko ookarangeya nave mukihiye kikote vang'ono.

2 Akorinto 9:5

Sika kaaganiza wi waari woopaalleya wi kimuveke Tito ni athu eellaalla wi ewe wa nyuwaano kihinaphiye wi ekhozekelle emphaso mwalonjezilleenyu. Sika eneerokhoziwa moovallallella nave ddineerewooniha wi munavelleella moopaalla mwanyu ohiri ekaamba yoowatiheriwa.

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.

Afilipi 4:11

Nave nginallota yeella kaambiiwa kinnapaalla ello vawi Koohuddera okwakhwanihiwa ni eyo kiriimina.

1 Atesalonika 2:5

Munnadduwella phaama ddene wi khanaallotille mooreera muwano apaalle ovenyera m'maganizoni a nrima, mbonaahu tti Mulluku.

1 Timoteo 3:3

Ahikhalle muthu oolezela apaalle amaraapwa koma oomaalleya ni ookonda murendelle nave ahikhalle ookonda makobiri.

1 Timoteo 6:10

Vawi ddinaambiha ddoonanara ddittheddene tti echikondi ya makobiri. Ekaamba ya yeella, amodda yaatathilla echikhulupililwiiwa ni wiikusella ddoovoreya ddinchichi m'murimani mwiwa.

Tito 1:7

Vawi oohoollella mpingo anaphwanella ahikhalle ni yookayikella kaambiiwa olliye ari wonanko kapitawo a munibanjani na Mulluku. Ahikhalle awiitukhulla apaalle awaakuva osha murima apaalle oolezela apaalle a maraapwa apaallettho a nrima na makobiri.

Tito 3:14

Athwaahu ehuddere wiivelleella va mitteko ddaphaama vookaviherani va ddoopaalleya wi ehikhalleke oohimma ezipaso.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

1 Petro 5:2

muwehereke phaama mpingo wa Mulluku wonanko mbusa anachihelleeye mulloko wa enkhosa. Woohikhalla moowatiheriwa koma moopaalla. Pharani muttekwaanyu ohiri ekaamba yookonda makobiri koma ekaamba ya murima woopaalla ophara mutteko.

2 Petro 2:15

Aahiya ettilla yawookowa nave aahollowa. Ekusalle ettilla eyo akusalle Balamu mwaana aamullopwana a Beori. Balamu aakonda opata makobiri vaweerani ddoonanara

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!

Yuda 1:11

Yaayo aakhalla ni otulli vawi enakhalla wonanko Kaini. Ennachimwa wonanko Balamu ekaamba yoopaalla makobiri. Eneerewoonongeya ekaamba yoomuwukila Mulluku wonanko enre Kora.