Afilipi 3:9 - Mawu a Mulluku

⁹ nave wi kaattanihiwe ni olliye. Nginnattho echilungamo yaakayaaka yoovenyera mwa wiiwellallani malamulo. Koma vano kookhalla ni echilungamo yoovenyera wa Mulluku oweella mwa echikhulupililo mwa Khrisitu.

Afilipi 3:9 Iomraidhean Croise

Genesis 7:23

Apwiya yahoononga ddookumi ddittheddene dda va ellapo, athu, enama, ddawaapadda ni epallame. Nowa yeekhave aavulluwa ni attheene aariiyena muchomboni.

1 Mamwene 8:46

“Athwaanyu ttuuwuuchimwellani vawi khaavo muthu oohichimwa, sika ttuuwaashella murima ni waavelleella wa adaniiwa wi yaaphare okaporo waayaana o ellapo ya adaniiwa, ellapo yawoorekama apaalle yavakhuviru.

2 Epilli 32:25

Koma Hezekiya kheerille ddaphaama moollikana ni mmo Apwiya yamweerilliiwa vawi aari ni murima wawiitukhulla. Sika Apwiya yaamushella murima ni athu a o Yuda ni Yerusalemu.

2 Epilli 32:31

Vano amithenga a enduna dda o Babiloni yaarumiwa wa olliye wi yakohe dda echizindikiro elle yeereye mwiillaponi mulle. Mulluku aamuhiya wi amweese nave wi adduwelle ddittheddene dda m'murimani mwaye.

Masalimo 14:3

Koma athu attheene aahollowa, attheene aananara moophwanaphwana, khaavo naari mmodda aneera ddaphaama, khaavo naari ni mmoddeene.

Masalimo 143:2

Muhinakiipa mullatu mi oorumeyellaanyu vawi khaavo muthu mukumi oyo ari oolungama vamiitthoni vanyu.

Masalimo 19:12

Ttaani anaadduwelle ddoolakwa ddaka? Nyu Apwiya, muhuwe ddoochimwa ddaka ddawiipittheya.

Oollalleya 7:20

Ddawoona va ellapo yavatthi khaavo muthu aneera ddoolungama woohichimwa naari vang'ono.

Yesaya 46:13

Kinnasusella vakhuviru ni ovullusa waka, kohaatamella, ngiselliwa wuuvullusani. Kineeromuvullusa Ziyoni, kineeroyiriiha ellapo ya Israele.”

Yesaya 53:11

Wamalla ohoowa wayenko, aneerokwakhwanihiwa ni mphurwaaye. Mweezeru, oorumeyellaaka oolungama aneerewiireya machimo a athu attheene wi anchichi eneerolungamihiwa.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Yeremiya 33:16

Enthawi yeeyo Yuda aneerovulluwa nave Yerusalemu aneerokhalla vamurendelleni. Sika muzindooyo onaaromolliweke wi, ‘Apwiya sika echilungamwaahu.’

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Mateyu 9:13

Khaweni mwiiwesese ottaphullella wa mawu a Mulluku awi, ‘Kinapaalla echifundo ohiri mukuthove.’ Miyaano ngiwiille wi kiwiithane athu oolungama koma athu oochimwa.”

Aroma 1:17

Vawi othengoolla onuupullulla wi echilungamo eneeriiwa ni Mulluku oweella mu echikhulupililove. Mawu a Mulluku eni, “Muthu oyo alungamihiwe ni Mulluku oweella mu echikhulupililo aneerokhalla ni okumi.”

Aroma 10:10

Vawi ninalungamihiwa vamiitthoni va Mulluku ekaamba ya echikhulupilwaahu nave ninavullusiwa ekaamba ya waakhullella wahu.

Aroma 16:7

Mooni wa Androniko ni Yunia, Ayuda akhwaaka ayo kaarimina mundende. Yaalla tti o odduwanyeya variyari va amurummwa nave yaakhalla ookhulupilila miyaano kihinakhalle.

Aroma 5:21

Sika vano vawi machimo yaanalamulella ohoollella o okhwa, emoddamoddave yeeyo, vano echisomo ya Mulluku ennalamulella oweella mu echilungamo, ennanihoollella o okumi woohimalla oweella mwa Yesu Khrisitu Apwiihu.

Aroma 8:1

Vano athu ayo enakhalla mu eyaattano ni Khrisitu Yesu khenna mullatu vamiitthoni va Mulluku.

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

2 Akorinto 5:17

Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Agalatiya 2:16

Nave ninnadduwella wi muthu analungamihiwa ni Mulluku oweella mu echikhulupililove mwa Yesu Khrisitu, ohiri vawiiwellellani malamulo. Sika nookhulupilila mwa Khrisitu Yesu wi neeriwe aphaama ni Mulluku oweella mu echikhulupililo mwa Khrisitu nave ohiri vawiiwellellani malamulo. Vawi khaavo muthu aneeriwa oolungama vawiiwellellani malamulo.

Deuteronomo 27:26

“Atembeleliwe arive muthu oohaakhullella ni oohiiwellella malamulo mattheenaalla. “Nave athu attheene yaakhulle wi, ‘Amen!’ ”

Afilipi 3:6

Nave kaakhalla awaakuva wunchichi voohoosani mpingo. Moollikana ni echilungamo yoophwanyeya vawiiwellellani malamulo, miyaano ngaachimwalle.

2 Timoteo 1:9

Olliye aanivullusa nave aaniithana wi nikhalle athwaaye, ohiri ekaamba ya mitteko ddahu koma ekaamba ya yoolingaaye ni echisomwaaye. Aanivaha echisomo mwa Khrisitu Yesu enthawi ehinaambe.

Tito 3:5

aanivullusa ohiri ekaamba ya echilungamwaahu koma ekaamba ya echifundwaaye. Aanivullusa hiyaano oweella mwa obadiziwa wa oyariwa wanaanweene nave aanitthattusa anaanweene oyeella mwa Munepa Waweella.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Yakobo 3:2

Attheene ninnachimwa va ddeko ddinchichi. Koma muthu ahinachimwa voollotani, yooyo tti aphaama wunchichi navettho annawora wiihiiha mwiillaaye muttheene.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

1 Yohane 3:4

Arive muthu oyo anachimwa khaniiwellella malamulo a Mulluku kaambiiwa ochimwa tti ohiiwellella malamulo.