Afilipi 3:5 - Mawu a Mulluku

⁵ Miyaano kayariweemi kaaphaddiwa va nllapo naneetthanu ni raru. Mi tti Muisraele a nlloko na Benjamini, Muheberi ooyariwa mwa Aheberi. Moollikana ni malamulo a Ayuda, miyaano kaari Mufarisi.*

Afilipi 3:5 Iomraidhean Croise

Genesis 14:13

Koma muthu mmodda athawille aawa nave amulleella ddittheddene Abramu, Muheberi. Abramu akhalla vakhuviru ni miteekho dda muthundu dda Mamure Muamori, mwanamunne a Eshikolo ni Anere ayo yiiwanana ni Abramu vakhotoni.

Genesis 17:12

Mumuphaddeke arive mwaana aamullopwana akwakhwana mallapo matthanu ni mararu. Mumuphaddeke arive mullopwana va mibado ddanyu ddittheddene, arive kaporo ooyariwa mpa mwanyu apaalle kaporo mwamukunlleenyu ni makobiraanyu.

Genesis 40:15

Miyaano kaarimiiyiwa nave yaakikusella wuno ovenyera o ellapo ya Aheberi. Sika naari weewuno, kheyiivo yoonanara keerilleemi yawi ttuukiwallellana mundendeni.”

Genesis 41:12

Mpa nawallelliweehummo mwaakhalla musombwe a Eheberi, oomurumeyella muullupalli owaawehera akhoto a mundendeni mulle. Nave namulleelleehu, olliyooyo aattaphullella phaama moollikana ni olloha wa arive muthu.

Yona 1:9

Yona ahaakhulla wi, “Mi tti Muheberi, kinaallapella Apwiya Mulluku ooddullu, ayo yapangille mutunda ni enyanja.”

Luka 1:59

Nave mwaanooyo aariiye ni mallapo matthanu ni mararu, yaawa wi yoonelle ophaddiwa waye nave yapaalla omuvaha nnddina naattiitthinnya Zakariya.

Luka 2:21

Viviralle mallapo matthanu ni mararu, enthawi yaakwakhwana yawi mwaanooyo aphaddiwe nave aavahiwa nnddina nawi Yesu. Nnddina nenna avahiwe ni mungelo, Mariya ahinakhalle ni erukullu.

Luka 5:38

Koma vinyo mushooyo anahelliwa m'mathumbani asha.

Mitteko 22:3

“Mi tti Muyuda, ooyariwa o Tariso o Silisiya nave kallelliwe o Yerusalemu weewuno. Gamaliyeli sika aari muhuddihaaka nave olliye aakihuddiha moollikana ni malamulo ookatamiha a makhollwaahu nave kaari owiivelleella moollikana ni malamulo a Mulluku wonanko attheene nyu muri vaava ollello.

Mitteko 23:6

Paulo oonilleeye wi amodda a m'mullokonimmo yaari Asaduki* nave amoddattho yaari Afarisi,* aallota mookhuwa munthatoni mulle wi, “Ayuda akhwaakanyu! Mi tti Mufarisi, mwaana a Mufarisi. Kiniipiwa mullatu kaambiiwa kinnatiyera wi athu eneerovenya wa ookhwa!”

Mitteko 6:1

Mallapo yaayo ookhulupilila yaatiiwa, Ayuda oollota Egriki yaanakangana ni Ayuda oollota Eheberi kaambiiwa anaamukhwelliiwa kheyaavahiwa ddookawiwa dda nllapo ni nllapo.

Aroma 11:1

Vano kinakoha wi, “Ethiyo Mulluku ohaakhoota athwaaye?” Khe ddiiddo. Mi tti Muisraele, edduullu ya Abrahamu navettho mmodda a nlloko na Benjamini.

2 Akorinto 11:22

Ethiyo alliwaayo tti Aheberi? Miyaanottho tti Muheberi. Ethiyo alliwaayo tti Aisraele? Miyaanottho tti Muisraele. Ethiyo alliwaayo tti edduullu dda Abrahamu? Miyaanottho tti edduullu ya Abrahamu.

1 Samuele 4:6

Afilisti yiiwalle onyakulla wa okhuwanko yaallota wi, “Ethiyo okhuwa moollipiha omisasani dda Aheberinko tti wa tini?” Yahiiwa wi nibokosi na echipangano na Apwiya noophiya omisasaninko.