Afilipi 3:3 - Mawu a Mulluku

³ tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Afilipi 3:3 Iomraidhean Croise

Masalimo 105:3

Kotellani nnddina niwa naweella, mirima dda oowaashaasha Apwiya ddihakallalle.

Yesaya 45:25

Mwa mi Apwiya edduullu dda Israele ddineerolungamihiwa ni ohakallallihiwa.”

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

Yeremiya 9:26

Kineerewaallaka Aiguputo, Ayuda, Aedomu, Aamoni, Amowabu ni attheene ayo enakhalla mu echipululu oophaddera mphattamaaru. Mitundu ddimodda ddittheddenenndda tti ddoohiphaddiwa naari mutundu muttheene wa Aisraele tti woohiphaddiwattho m'murimani.”

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Aroma 1:9

Mulluku, oyo kinamurumeyelleemi ni murimaaka muttheene voollalleyani othenga waphaama wa Mwanaye, sika mbonaaka wi kinnawuupuwellani erive enthawi kaavekellaka.

Aroma 15:17

Vano ekaamba ya eyaattanwaaka ni Khrisitu Yesu, kinnakotella muttekwaaka woomurumeyella Mulluku.

Aroma 7:6

Koma vano noottaphulliwa omalamuloni kaambiiwa niri wonanko ookhwa, omwallana ni malamulo ayo yaanimakille. Vano ninnamurumeyella Mulluku mu ettilla yanaanweene vawiiwellellani munepaaye ohiri orumeyella mu ettilla yakhalle ya malamulo oolembiwa.

Aroma 8:15

Vawi Munepa oyo Mulluku uuvahilleeyeni khonaweerani akaporo ayo enakhalla mwawoova koma Munepooyo onaweerani anamwani a Mulluku nave ekaamba ya masiva a Munepooyo ninnamweera Mulluku wi, “Abba” ottaphullella wi, “Attiitthaaka!”

Aroma 8:39

naari ddooddullu apaalle dda vatthi. Kheyiivo mu ddoophatusiwa ddittheddene enaawore onimwallaniha hiyaano ni echikondi ya Mulluku yawiille wa hiyaano oweella mwa Khrisitu Yesu Apwiihu.

Aroma 9:6

Nginaaka wi lonjezo na Mulluku naalepheleya vawi khe Aisraele attheene eri athu a Mulluku.

2 Akorinto 11:18

Nave vawi athu anchichi enakotella ddeko dda omuthu, nameenettho kineereweera emoddamoddave yeeyo.

Agalatiya 5:25

Munepa oonivaha hiyaano okumi, anaphwanellattho ahoollelleke okumaahu.

Agalatiya 6:16

Nave ayo eniiwellella lamulo nenna, murendelle ni echifundo ddikhalle ni yaayo ni athu a Mulluku attheene!

Aefeso 6:18

Mweereke ddenndda mu nivekello. Muvekelleke va ddirive ddaweereya, moohoollelliwa ni Munepa. Mukhalleke oowehera nave muvekelleke moohihiyerera, mwaavekellellekettho athu a Mulluku enthawi ettheene.

Deuteronomo 10:16

Sika vano muphadde m'murimani mwanyu nave muhiye wumma murima.

Deuteronomo 30:6

Apwiya Mullukwaanyu eneerophadda m'murimani mwa nyuwaano ni edduullu ddanyu wawi muneerekewaakonda Apwiya Mullukwaanyu ni murimaanyu muttheene ni okumaanyu muttheene. Sika muneerovirellella okhalla ni okumi mwiillaponimmo.

Afilipi 1:1

Ovenyera wa hiyaano Paulo ni Timoteo, oorumeyella a Khrisitu Yesu. Ninaalembella athu attheene a Mulluku a o Filipi ayo eri mu eyaattano ni Khrisitu Yesu, vamodda ni oohoollella ni owaakaviheriiwa mumpingoni.

Afilipi 3:12

Nginaaka wi kohaakhella yeella khalle apaalle miyaano kookhalla khalle aphaama. Koma kinimallipihellave othamaka wi kiddiphwanye vawi ella sika yaari yoolinga ya Khrisitu Yesu vookikopani wi kikhalle aaye.

Afilipi 3:14

Sika kinathamaka ni yoolinga wi kathuviwe okumi wooddullu oyo Mulluku akiithanelleeye oweella mwa Khrisitu Yesu.

Akolose 2:11

Navettho mu eyaattano ni Khrisitu, mwaaphaddiwa, ohiri ophaddiwa wene oneeriwa ni athu koma ophaddiwa oneeriwa ni Khrisitu, nko wuuttaphunlleni o masiva oomuthu.

Yuda 1:20

Koma nyuwaano, akhwaaka ookondiwa, muwumake okumaanyu va matthipello a echikhulupililo yaweella. Nave muvekelleke moohoollelliwa ni Munepa Waweella.