Afilipi 3:12 - Mawu a Mulluku

¹² Nginaaka wi kohaakhella yeella khalle apaalle miyaano kookhalla khalle aphaama. Koma kinimallipihellave othamaka wi kiddiphwanye vawi ella sika yaari yoolinga ya Khrisitu Yesu vookikopani wi kikhalle aaye.

Afilipi 3:12 Iomraidhean Croise

Yobu 17:9

Komave oolungama ennumellella ettilliiwa, oohilakwa ennallipihella okhalla aweella.

Masalimo 119:5

Waphaama meetellwaaka yaariki oohitikheya, vawiiwellellani malamulwaanyu.

Masalimo 138:8

Apwiya eneerewoonesesa wi yoolingiiwa va miyaano yoheereya, Nyu Apwiya, echikondaanyu tti yoohisintheya, mukhwaranyihe mutteko mwaambilleenyooyo.

Masalimo 42:1

Monga mmo epaalla enapaallelliiwa muhinje wa maaddi, tti mwemmo murimaaka onuupaallelliiwani, nyu Mullukwaaka.

Masalimo 63:8

Murimaaka woowaangellellani nyuwaano, nnattanatta nanyu ninnakiseera.

Masalimo 84:2

Murimaaka onnapaalla, ophiyera ongomowa opaallesesa woona nipuro na Apwiya. Nyu Mulluku Ookumi, kinnawiipellani moohakallalla ni murimaaka muttheene.

Masalimo 94:15

Echilungamo eneerohokollweella o echiweruzo, athu aweella murima eneeroyithwara.

Miyambo 4:18

Koma ettilla ya athu oolungama tti wonanko owala wa ohinase nko onaanjerereya vang'ono vang'ono ophiyera otthaana.

Yesaya 51:1

Apwiya enallota wi, “Nyu munapaalla ovulluwa, kaapelleni maaru, nyu munapaalla wi kuukavihereni. Ngaganizerani dda nlluku nko mwasemiweenyuwo, o nddalla namalluku mwakatiweenyuwo.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Mateyu 5:48

Munaphwanella wi mukhalle aweella wunchichi vawi Attiitthaanyu ooddullu tti aweella.

Mitteko 9:15

Koma Apwiya yaallota wi, “Khawe kaambiiwa koomutthoolla wi akhalle echipangizwaaka, allalleye nnddina naka wa athu ayo ehiri Aisraele ni mamwene ni athu a o Israele.

Aroma 8:39

naari ddooddullu apaalle dda vatthi. Kheyiivo mu ddoophatusiwa ddittheddene enaawore onimwallaniha hiyaano ni echikondi ya Mulluku yawiille wa hiyaano oweella mwa Khrisitu Yesu Apwiihu.

1 Akorinto 13:10

Koma ddookwakhwanella ddaphiya, vano ddoohikwakhwanellannddo ddineeromalla.

1 Akorinto 13:12

Vano khaninoona phaama ddeko dda Mulluku wonanko muthu aawiiweheraka ekhove vanigalasini nohooniha phaama. Koma vahoollomvo nineerewoona vamiitthoni ni vamiitthoni. Vano kinadduwelleemi tti ddoohikwakhwanella koma muhoollommo ddineerokwakhwanella wonanko mmo Mulluku anakidduwellelleeye phaama.

1 Akorinto 9:24

Ethiyo khamunadduwella wi va mpikisano woothamaka athu anchichi ennathamakana koma mmoddave sika anathuviwa. Sika vano thamakakani phaama wi mwathuviwe.

2 Akorinto 13:9

Ninnahakallalla wi hiyaano naafookaka nyuwaano munnakhalla ni masiva. Nave ninnavekellattho wi mukhalle aphaama wunchichi.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

Agalatiya 5:17

Vawi ddoopaalla dda omuthwaahu tti ddoovaanyana ni ddoopaalla dda Munepa nave ddoopaalla dda Munepa tti ddoovaanyana ni ddoopaalla dda omuthwaahu. Ddeko piilli ddenndda tti ddawiitana, sika khamuwora weera eyo munapaalleenyu weera.

Aefeso 1:4

Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

Aefeso 4:12

Enre ddenndda wi athu a Mulluku ekhozekelle mutteko woomurumeyella Khrisitu wi ellipihe mwiilli wa Khrisitooyo,

Afilipi 1:1

Ovenyera wa hiyaano Paulo ni Timoteo, oorumeyella a Khrisitu Yesu. Ninaalembella athu attheene a Mulluku a o Filipi ayo eri mu eyaattano ni Khrisitu Yesu, vamodda ni oohoollella ni owaakaviheriiwa mumpingoni.

Afilipi 3:16

Naari ddeerevedde, hankoni nivirerelle moollikana ni ehuddiho ninathwareehu ophiyera ollello.

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Afilipi 3:8

Ddawoona, kinaddeesa ddittheddene ddoohipinduliha kaambiiwa omudduwella Khrisitu Yesu Apwiyaaka tti woopaalleya wunchichi okhwaranya ddittheddene. Kootathilla ddeko ddittheddene ekaamba ya olliye nave kinaddeesa ddittheddene ddooddallani wi kimupindule Khrisitu

1 Atesalonika 5:15

Chenjerani wi mmodda ahimuhokolloselleke yoonanara mukhwaaye oyo amweerelle yoonanara. Koma mallapo mattheene mweeseeseke weera ddaphaama wa ookhulupilila akhwiinyu ni wa athu attheene.

2 Atesalonika 2:13

Asinnihu ni arokorihu ookondiwa ni Apwiya, hiyaano ninaphwanella omuthokoza Mulluku enthawi ddittheddene ekaamba ya nyuwaano. Vawi Mulluku ahuutthoollani wi mukhalle awaamba ovullusiwa oweella mwamasiva a munepaaye ni mwa echikhulupilwaanyu mu yawoona wi mukhalle athwaaye aweella.

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.

1 Timoteo 6:19

Vawi vaweerani ddiidda eneerewiisungella eyuuma eyo enaakhalle matthipello a muhoollo wi epharesese okumi oyo ori okumikumi.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

Aheberi 12:23

Moophiya o ehakallallello nko otthukumanne anamwani awaamba a Mulluku ayo manddiniiwa yalembiwe oddullu. Moophiya wa Mulluku aweeruza athu attheene nave wa minepa dda athu oolungama, ayo Mulluku aweerilleeye okhalla aphaama wunchichi.

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

Yakobo 3:2

Attheene ninnachimwa va ddeko ddinchichi. Koma muthu ahinachimwa voollotani, yooyo tti aphaama wunchichi navettho annawora wiihiiha mwiillaaye muttheene.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.