Afilipi 3:1 - Mawu a Mulluku

¹ Asinnaka ni arokoraka, voovirellellani hakallallani mu eyaattanwaanyu mwa Apwiya. Nginoonavo yookatamiha wuulembellanittho wiilli nnddo kalembilleemi khalle wi dduuddivelleni.

Afilipi 3:1 Iomraidhean Croise

1 Epilli 15:28

Vano Aisraele attheene yaawaana nibokosi na echipangano na Apwiya ekhuwaka nave yiipaka eziitolilo, mapallapata ni misangwa. Nave yaaniipattho azeze ni magitala.

1 Epilli 16:10

Kotellani nnddina niwa naweella, mirima dda oowaashaasha Apwiya ddihakallalle

1 Epilli 29:22

Nave nllapo nenno yaacha ni owirya nave yaahakallalla wunchichi vamiitthoni va Apwiya. Vatulli viwa Solomoni mwaana a Davide yaamuvollochiha omwene waneepiilli. Vano yaamuzoza omwene mu nnddina na Apwiya nave yaamuzoza Zadoki omullupa mukutho.

Nehemiya 8:10

Sika aallota wi, “Khaweni mwache machellello ni omuwirya vinyo ooddiva. Mukawanena athu ayo ehinna ddookwakhwanella vawi ollello tti nllapo naweella wa Apwiya Mullukwaahu. Vano muhimoriwe ethakaraka vawi ehakallallo ya Apwiya sika masivaanyu.”

Yobu 22:26

Ddawoona, oneerohakallallana Amasiva Mattheene, oneerekowehanattho ni Mulluku mwamurendelle.

Masalimo 149:2

Aisraele ehakallalle ni awaaphatusiiwa, athu a o Ziyoni ethapelle ni mweniiwa.

Masalimo 32:11

Nyu athu oolungama, hakallallani ni othapella mwa Apwiya, nyu athu ooreera murima, khuwani moohakallalla.”

Masalimo 33:1

Hakallallani mwa Apwiya nyu aweella murima, ddawoona, athu oolungama yaatitimiheke.

Masalimo 37:4

Hakallalla mwa Apwiya, eneerewuuvaha nnddo murimaawo onapaalliiwa.

Masalimo 42:4

Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Masalimo 5:11

Koma ehakallalleke attheene ayo enathawella wa nyuwaano, yiipeke moohakallalla enthawi ettheene. Mwaakhupaarelle, wi ookonda nnddina nanyu ehakallalle mwa nyuwaano

Masalimo 97:1

Apwiya sika mwene, athu a va ellapo yavatthi ehakallalle, athu attheene a mukhwipi mwa enyanja ethapelle.

Yesaya 41:16

Oneerewaaveettha ni waavaviha ni ephevo, eneeromwareya ni namondwe. Koma weyaano oneerohakallalla ekaamba yawi miyaano tti Mullukwaawo. Oneerophwanya ntitimiho ekaamba ya miyaano Aweella a Israele.

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Yesaya 65:14

Oorumeyellaaka eneerewiipa moohakallalla koma nyuwaano muneerewinlla wunchichi ekaamba yovoreyiwa murima. Muneerewinlla mookhuwa ekaamba ya yookatamihiwa m'murimani.

Yowele 2:23

Nyu athu a o Ziyoni, hakallallani thapellani ni nnddo Apwiya Mullukwaanyu eweerelleewani. Aaweerellani echifundo voomurupihani murimu eeyitta, ntthokollapallaka ni murimu awaallella.

Zefaniya 3:14

Nyu athu a o Ziyoni, ipani moowelliha, nyu Aisraele, khuwani. Hakallallani, thapellani ni murimaanyu muttheene, nyu ookhalla mu Yerusalemu.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Zekariya 10:7

Aefuremu enaakhalle wonanko akhoto amasiva, eneerohakallalla wonanko athu oomuvona vinyo. Aniiwa eneeroddoona ddenndda, eneerohakallallattho m'murimani mwiwa muneeroddalla othapella, ekaamba ya nnddo yeerille Apwiya.”

Mateyu 5:12

Kotellani nave hakallallani kaambiiwa muneerothuviwa wuullupalli oddullu. Anamallotella yaahoosiwattho mwawi ddiidda khalle muhinayariwe nyuwaano.

Luka 1:47

nave munepaaka wohakallalla ekaamba ya Mulluku, oovullusaaka,

Aroma 5:11

Khe yeeyove komattho ninnahakallalla mwa Mulluku oweella mwa Apwiihu Yesu Khrisitu oyo anaattanihalle ni Mullukooyo.

2 Akorinto 13:11

Asinnaka ni arokoraka, hallani phaama! Mullipihelleke okhalla aphaama wunchichi, mwiiwellelleke nnddo kinuuvekeemini, mwiiwananeke mmodda ni mukhwaaye, mukhalleke m'murendelleni. Vano Mulluku a echikondi ni murendelle aneerokhalla ni nyuwaano.

Aefeso 6:10

Voomallihani, mwiillipiheke mu eyaattano ni Apwiya ni masiviiwa uullupalli.

Deuteronomo 12:18

Nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ookhalla m'mizi ddanyu, mwacheke ddoovelleella ddittheddenenndda vamiitthoni va Apwiya Mullukwaanyu va nipuro nimodda nno Apwiya Mullukwaanyu enaatthoolliiwa. Wenkottho mwahakallalleke vamiitthoni va Apwiya Mullukwaanyu ekaamba ya mitteko ddanyu ddittheddene.

Deuteronomo 16:11

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo munakhalleenyuna m'muzi mwanyu, alleto, akhwaadduni ni anaamukhwelle ayo enakhalla variyari vanyu.

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Afilipi 4:4

Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!

Afilipi 4:8

Asinnaka ni arokoraka, voomallihella muhiyeke murimaanyu va erive ello eri yaphaama ni yoolemu. Sika ddeko ddawoona, ddoovahiwana olemu, ddaweella, ddooreera ni ddookondiwa.

1 Atesalonika 4:1

Voomallihella, asinnihu ni arokorihu, mwahiiwa ovenyera wa hiyaano dda makhallello oomuhakallalliha Mulluku. Munnattakihera yaalla. Nave vano ninuuvekani mu nnddina na Apwiya Yesu wi mweereke ohiyana ni khalle.

1 Atesalonika 5:16

Hakallallani mallapo mattheene.

Yakobo 1:2

Asinnaka ni arokoraka, muhakallalleke mwaaweesiwaka moohiyanahiyana,

1 Petro 3:8

Voomallihella, attheenenyu munapaalleya muhikanganeke koma mumorellaneke ethakaraka. Mukondaneke wonanko muthu ni mwanamunne apaalle ni murokoriye nave mukhalleke ooreera murima ni awiiyeviha.

1 Petro 4:13

Koma hakallallani mwaahoosiwaka wonanko Khrisitu. Sika wi muhakallalle wunchichi ntitimiho naye nuupullulliwa.

2 Petro 3:1

Akhwaaka ookondiwa olla vano sika kalata aneepiilli oyo kuulembelleemini. Mu makalata meelli mattheenaalla kaheeseesa ollipiha maganizwaanyu voowuupusani dda ddeko ddenndda.

1 Samuele 2:1

Hana aavekella wi, “Murimaaka onnahakallalla ekaamba ya nnddo ekeerelle Apwiya. Kinneeta moorumiha mukhito ekaamba ya Apwiya, kinnaattheya adanaaka, koohakallalla wunchichi vawi mookivullusa.”