Afilipi 2:8 - Mawu a Mulluku

⁸ Ahiiyeviha nave ahiiwellella ophiyera okhwa, okhwa waye vamutandani.

Afilipi 2:8 Iomraidhean Croise

Masalimo 22:16

Athu eekuku aakaapheella wonanko enama ddamuhakani, aaphovolla mattaaka ni manyallwaaka.

Miyambo 15:33

Owoova Apwiya tti ohuddera ezeru nave wiiyeviha onnakhwaranya olemu.

Mateyu 17:2

Nave Yesu aatthattuwa vamiitthoni viwa. Owiitthoni waye waanawala wonanko nndduwa nave ddoowara ddaye ddaakhalla ddaweella mbee.

Mateyu 26:39

Nave aaya vahoollo vang'ono akokhora oweha vatthi nave avekella wi, “Attiitthaaka, wakhalla wooworeya, mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Mateyu 26:42

Wiillittho waneepiilli Yesu aaya avekella wi, “Attiitthaaka kapu a ddoohoosoolla aahivenyihiwa ophiyera kimuwinrye, opaalla wanyu weeriwe.”

Luka 9:29

Avekellaka, wooneya wa ekhovaaye waatthattuwa nave ddoowara ddaye ddaatthattuwa ddikhalla ddaweella mbee.

Yohane 10:18

Khaavo muthu anaakaakhe okumaaka. Kinawuvelleella moopaalla meekhaaka. Kookhalla ni olamulello wowuuvelleella navettho kookhalla ni olamulello woowaakhella. Ella sika Attiitthaaka yaakilamulalliiwa wi keere.”

Yohane 14:31

Koma mwawi ddiidda athu a ellapo yavatthi eneerodduwella wi kinnaakonda Attiitthaaka ni weere erive ello eyo yakilamulalliiwa. “Hankoni nivenyewo wuno.

Yohane 15:10

Mwathwara malamulwaaka, muneerokhalla mu echikondaaka wonanko mmo kithwarelleemi malamulo a Attiitthaaka ni okhalla mu echikondaaye.

Yohane 4:34

Koma Yesu aallota wi, “Yoochaaka tti yawi keere opaalla wa oyo aakirumalle ni omalliha mutteko aakivahilleeye wi keere.

Mitteko 8:33

Aavevulliwa nave khaaweruziwe mwa echilungamo. Khaavo anaawore ollota dda edduullu ddaye kaambiiwa okumaaye va ellapo yavatthi waakusiwa mwa olliye.”

Aroma 5:19

Vawi ohiiwellella wa muthu mmodda waheeriha wi athu anchichi ekhalle oochimwa, emoddamoddave yeeyo, athu anchichi eneerewaakhullelliwa ni Mulluku wi tti oolungama ekaamba ya wiiwellella wa muthu mmoddoolle.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

Agalatiya 3:13

Nave vookhallani ootembeleliwa munipuroni mwahu, Khrisitu oonoopolla hiyaano o otembeleliwa wa malamulo. Vawi mawu a Mulluku enallota wi, “Arive muthu anatthomeyiwa vamuteekhoni tti ootembeleliwa ni Mulluku.”

Deuteronomo 21:23

mutembooyo ohikoneke vamuteekhonimvo. Muwuvitthe nllapo nenno kaambiiwa wi mutembo wootthomeyiwa vamuteekhoni onnawiiha matembelelo a Mulluku. Sika muvuhellelle mutembooyo wi muhiripihe ellapo eyo Apwiya Mullukwaanyu enuuvahiiwani wi ekhalle wonanko yoohallanaanyu.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Aheberi 12:4

Khaavo a nyuwaano allipanne ni machimo ophiyera okhwa.

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.