Afilipi 2:7 - Mawu a Mulluku

⁷ Koma moopaalla yeekhaaye aahiya ddittheddene aariiyena, akhalla wonanko kaporo. Aakhalla wonanko muthu nave ahooneya wonanko muthu.

Afilipi 2:7 Iomraidhean Croise

Masalimo 22:6

Koma miyaano tti wonanko enyambo, ngihiyo muthu naari vang'ono, oyo athu enamuvevulliiwa ni omukhoota.

Yesaya 42:1

Apwiya enallota wi, “Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka aneeroweeruza athu a mitundu ddittheddene mweechilungamo.

Yesaya 49:3

Aakilleella wi, “We Israele ori oorumeyellaaka, athu eneerokititimiha ekaamba ya weyaano.”

Yesaya 53:11

Wamalla ohoowa wayenko, aneerokwakhwanihiwa ni mphurwaaye. Mweezeru, oorumeyellaaka oolungama aneerewiireya machimo a athu attheene wi anchichi eneerolungamihiwa.

Daniele 9:26

Voomallani va miyakha ddenndda oozoziwa aneerewiiphiwa nave khakhalla ni ello. Mulloko wakhoto wa enduna eyo onaawe oneerewoononga muzindooyo vamodda ni enyumba ya Mulluku. Sika omalla wiwa onaaphiye wonanko echigumula nave oneerowiiha woonongeya ni ekhoto nnddo Mulluku akeraatthihalleeye.

Zekariya 3:8

We Yoswa, mullupa mukutho muullupalli, iwa! Nyu allupa mukutho akhwaaye, echizindikiro ya ddaphaama ddineereye, iwani! Kineerowaana oorumeyellaaka ooromolliwa Enthambi.

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Mateyu 12:18

“Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka, nave aneerollalleya dda echilungamwaaka wa athu a mitundu ddittheddene a ellapo yavatthi.

Mateyu 20:28

wonanko mi, Mwaana a Muthu, ngaawiille wi kirumeyelliwe koma wi kaarumeyelle ni ovelleella okumaaka owoopolla athu anchichi.”

Mariko 9:12

Nave aawaakhulla wi, “Ddawoona, Eliya sika anaawe moowaambeellella wi apotokose ddeko ddittheddene. Nave kaambiiwa tini mawu a Mulluku enallotiiwa dda mi, Mwaana a Muthu wi kineerohoosiwa wunchichi naari okhootiwa?

Luka 22:27

Muullupalli ttaani? Oyo anacha apaalle oyo anamurumeyella? Tti oyo anacha. Koma miyaano kiri variyari vanyu wonanko oorumeyella.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Aroma 1:3

Othenga yoolla onallota dda mwanaye, Apwiihu Yesu Khrisitu. Olliye tti edduullu ya Davide moollikana ni omuthu.

Aroma 15:3

Vawi Khrisitu khenre ddeko ddawi iihakallallihe yeekhaaye koma tti wonanko mmo mawu a Mulluku enallotelliiwa wi, “Epewe mwaallotelliweenyu yaakiphiyerattho miyaano.”

Aroma 15:8

Vawi kinimuulleellani wi Khrisitu aari oorumeyella a Ayuda osimikizella wi Mulluku tti oororomelleya wi ddikwakhwane nnddo alonjezilleeye ni makhollwiiwa

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

2 Akorinto 13:4

Naari aari oofooka vootthomeyiwani vamutandani vano tti ookumi oweella mu masiva a Mulluku. Hiyaanottho tti oofooka wonanko olliyooyo koma vaweerani ni nyuwaano ninakhalla ni okumi oweella mwamasiva a Mulluku wonanko olliyooyo.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

Agalatiya 4:4

Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,

Afilipi 2:6

Aari wonanko Mulluku, koma khaawanddeellelle wi akhalle moophwanaphwana ni Mulluku.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Aheberi 13:3

Muwuupuwelleke ayo eri mundende wonanko nyuwaano murittho wenko. Muwuupuwelleke ayo enahoosiwa wonanko nyuwaanottho munahoosiwella nimodda.

Aheberi 4:15

Mullupa mukutho muullupallaahooyo anniiwesesa ofooka wahu vawi olliyettho aheesiwa wonanko hiyaano koma khaachimwalle.