Afilipi 2:5 - Mawu a Mulluku

⁵ Oganiza wanyu okhalleke wonanko wa Khrisitu Yesu.

Afilipi 2:5 Iomraidhean Croise

Mateyu 11:29

Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.

Luka 22:27

Muullupalli ttaani? Oyo anacha apaalle oyo anamurumeyella? Tti oyo anacha. Koma miyaano kiri variyari vanyu wonanko oorumeyella.

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Mitteko 20:35

Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

Aroma 14:15

Mwaakukhumulla asinninyu ni arokorinyu ekaamba ya yoocha munacheenyu, ddinooniha wi khamunaakondattho alliwaayo. Yoocha munacheenyu ehimoononge muthu aakhwelliwe ni Khrisitu.

Aroma 15:3

Vawi Khrisitu khenre ddeko ddawi iihakallallihe yeekhaaye koma tti wonanko mmo mawu a Mulluku enallotelliiwa wi, “Epewe mwaallotelliweenyu yaakiphiyerattho miyaano.”

Aroma 15:5

Mulluku oyo ananeeriha wi nikhalle oollipa murima ni oovillella aweeriheni wi mukhalle awiiwanana voomuttakiherani Khrisitu Yesu.

1 Akorinto 10:33

Erani wonanko mmo kineerelleemi. Kinneesa omuhakallalliha arive muthu mu ddittheddene kineereemi, ohiri ddookiddivella meekhaaka koma ddawaaddivella attheene wi yavullusiwe.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Afilipi 1:1

Ovenyera wa hiyaano Paulo ni Timoteo, oorumeyella a Khrisitu Yesu. Ninaalembella athu attheene a Mulluku a o Filipi ayo eri mu eyaattano ni Khrisitu Yesu, vamodda ni oohoollella ni owaakaviheriiwa mumpingoni.

1 Petro 2:21

Mulluku aawiithanellani ohoosiwa vawi Khrisitu mwaneena aahoosiwa ekaamba ya nyuwaano nave ahuuhiyerani echisanzo wi muthware manyallwaaye.

1 Petro 4:1

Vawi Khrisitu mwiillaaye waahoosiwa, nyuwaanottho mwiillipiheke weekhiinyu ni maganizo amoddamoddave yaayo aariiyena kaambiiwa oyo mwiillaaye wahoosiwe oohiya ochimwa.

1 Yohane 2:6

Ayo enallota wi erive mu eyaattano ni Mulluku enaphwanella ekhalleke wonanko mmo Yesu Khrisitu akhallelleeye.