Afilipi 2:3 - Mawu a Mulluku

³ Muheereke erive ello mwawiikonda apaalle mwawiitukhulla koma mwawiiyeviha vawoonani athu amodda okhalla oopaalleya ohiyana ni nyuwaano.

Afilipi 2:3 Iomraidhean Croise

Miyambo 13:10

Wiitukhulla onnawiiha okangana koma oyo alangiziwe annakhalla ni ezeru.

Luka 18:14

Yesu aallotave wi kinimuulleellani wi, “Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Aroma 12:10

Mukondaneke mmodda ni mukhwaaye wonanko muthu ni musinne apaalle murokoriye nave mwaavaheke olemu athu amodda ohiyana ni muniivahelleenyu olemu nyookha.

Aroma 13:13

Sika makhallellwaahu ekhalle aphaama wonanko a athu ayo enakhalla mu owala. Vihikhalle machellello oonanara apaalle olezela, oraruwa apaalle echigololo, owana apaalle okhallellana ehache.

Aroma 2:8

Koma ayo eri awiikonda nave oohithwara yawoona koma enathwara yoonanara, Mulluku aneerewaashella murima wunchichi.

1 Akorinto 15:9

Vawi miyaano tti murummwa ooyevesesa mwa attheene. Nginaphwanella wi keeriwe murummwa kaambiiwa kaahoosa mpingo wa Mulluku.

1 Akorinto 3:3

kaambiiwa munakhallave wonanko enakhallella athu a ellapo yavatthi ella. Vaakhalla ehache ni okangana variyari vanyu, nndda khaddinoonihella wi nyuwaano tti a ellapo yavatthi ella ni okhalla ni makhallello a muthu?

2 Akorinto 12:20

Kinoova wi kawa kinuuphwanyeni muri oohiyana ni mmo kinapaallelleemi wi mukhalle nave munaakiphwanye kiri oohiyana ni mmo munapaallelleenyu wi kikhalle. Kinoova wi kinaaphwanye okangana, ehache, osha murima wiiddivella, epewe, miseche, wiitukhulla ni waanganyera.

Agalatiya 5:15

Nave mwaakhallaka wonanko enama ddamuhakani, mwaallumanaka ni ochana, muchenjere wi muhoonongane attheene.

Agalatiya 5:26

Nihikhalle ookota apaalle ollikana mmodda ni mukhwaaye, vihikhalle ehache va mmodda ni mukhwaaye.

Aefeso 4:2

Enthawi ddittheddene mukhalleke oomaalleya, awiiyeviha ni oovillella. Mooniheke echikondaanyu voollevana.

Aefeso 5:21

Mwiiwellellaneke mmodda ni mukhwaaye ekaamba ya omoova wanyu Khrisitu.

Afilipi 2:14

Mweereke ddittheddene moohiwinya apaalle ovaanya,

Akolose 3:12

Nyuwaano tti athu a Mulluku. Olliyooyo ahuukondani nave ahuutthoollani wi mukhalle aaye. Sika vano munaphwanella wi mukhalleke a murima waweera echifundo, ooreera murima, awiiyeviha, oomaalleya ni oovillella.

Akolose 3:8

Nave vano munaphwanella wi mutathille ddeko ddenndda. Osha murima, onanariwa, ddawiitana. Muwano mwanyu muhikhumeke mawu oolalata apaalle a epewe.

1 Timoteo 6:4

yooyo ttawiitukhulla nave khanadduwella erive ello. Nave murimaaye tti woonanara woopaalla ddoovaanyana, wenko onavenyera ehache, owana, ollotellana epewe, oganizerana ddoonanara,

1 Petro 3:8

Voomallihella, attheenenyu munapaalleya muhikanganeke koma mumorellaneke ethakaraka. Mukondaneke wonanko muthu ni mwanamunne apaalle ni murokoriye nave mukhalleke ooreera murima ni awiiyeviha.

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”