Afilipi 2:29 - Mawu a Mulluku

²⁹ Mwaakhelleni yooyo, vano, moohakallalla wonanko mwanamunnihu mu eyaattano ni Apwiya. Mwaavaheke olemu athu attheene ookhalla wonanko olliye,

Afilipi 2:29 Iomraidhean Croise

Yesaya 52:7

Tti woohakallalliha owa wa oollalleya othenga waphaama, voomoonani eetaka m'miyaangoni, allalleyaka dda murendelle, awaakana epilli yaphaama, allalleyaka ovullusa, aalleellaka athu a o Ziyoni wi, “Mullukwaanyu tti mwene!”

Luka 9:5

Nave athu yaahiwaakhellaniwoni, venyaniwoni nave muttatthe nthupi omanyalloni wanyu. Yoolla okhalle omboni wawi mohaakhoota ekaamba ya nnddo yenriiwa.”

Yohane 13:20

Ddawoona, kinimuulleellani wi oyo anamwaakhella muthu oyo kinamurumeemi, anakaakhellattho miyaano. Nave oyo anakaakhella miyaano anamwaakhella oyo aakirumalle.”

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

Mitteko 28:10

Yaaniriiha ni ddeko ddinchichi nave natimullalleehu voolendonooyo vakallawani, nahaakhella ddoopaalla ddahu.

Mitteko 8:8

Vano mwaakhalla ehakallallo yinchichi m'muzindanimmo.

Aroma 10:15

Nave othengooyo onaallalleyiwe mwawiidde athu ehirumiwe? Mawu a Mulluku eni, “Tti woohakallalliha owa wa oollalleya othenga waphaama”

Aroma 16:2

Sika mwaakhelleni wonanko mmo athu a Mulluku enaphwanellelliiwa waakhellelliwa kaambiiwa tti muthu a Apwiya. Nave mumukavihere mmo anapaallelleeye wi akaviheriwe ni nyuwaano. Vawi aanaakavihera athu anchichi ni meeneenettho.

1 Akorinto 16:10

Timoteo aphiya owaninyunko, moonesese wi olliye oone wi moomwaakhella variyari vanyu kaambiiwa olliye anapharattho mutteko wa Apwiya, wonanko miyaano.

1 Akorinto 16:18

Nave yaakillipiha murima, wonanko mmo yuullipihalleewani. Athu yaalla enaphwanella waavaha olemu.

2 Akorinto 10:18

Muthu oyo aniitetheella yeekha khanaakhullelliwa koma oyo anatetheelliwa ni Apwiya.

2 Akorinto 7:2

Munihiye vamurimani vanyu. Khanaamweerelle arive muthu yoonanara navettho khanaamunanarihalle naari omulleka arive muthu.

Afilipi 2:28

Vano miyaano kinnapaallesesa wi kimurumihe wa nyuwaano wi muhakallalle wiilli mwamoona olliye nave ethakarakaaka eneeromalla.

Akolose 4:10

Aristariko, oyo ari mundende ni miyaano, anuuvahani mooni. Navettho Mariko mullamwaaye a Baranaba anallota wi mooni. Mohaakhella khalle malangizo oomwaakhellella Mariko aphiya wenko.

1 Atesalonika 5:12

Asinnihu ni arokorihu, ninuuvekani wi mwaavaheke olemu ayo enaphara mutteko variyari vanyu vawuuhoollellani ni vawuuhuddihani ettilla ya Apwiya.

1 Timoteo 5:17

Attekweene enahoollella phaama yaakhelleke olemu munchichi, makamaka ayo enaphara mutteko moollipa woohuddiha ni woollalleya.

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

3 Yohane 1:10

Sika miyaano kawa kineeromuupusa mitteko aneereeye. Olliye annakillotella ddoonanara. Nave ddenndda khaddinamukwakhwanella, olliyettho khanawaakhella ookhulupilila akhwiihu yawa. Navettho annaahiiha ayo enapaalla owaakhella ookhulupilila akhwiihwaayo ni waachosa mumpingoni.