Afilipi 2:26 - Mawu a Mulluku

²⁶ Ohuukhallellani munkhella wi awooneni nyuwaano attheene nave animakhupanya kaambiiwa mwahiiwa wi aamavoriiwa.

Afilipi 2:26 Iomraidhean Croise

2 Samuele 13:39

Davidoolle akhurumusiwe murima va okhwa wa Aminoni, onanariwa waye waamalla nave khaapanllettho omuthwara Abishalomu.

2 Samuele 24:17

Davide aamoona mungeloolle nave aallota ni Apwiya wi, “Mi sika kichimwalle nave koheera ddoonanara. Koma enkhosanndda ddilakwille tini? Vano nnatta nanyu nikillake mi ni nibanja na attiitthaaka.”

Yobu 9:27

Apaalle ttuullota wi kineerotiwalla okhupanya waka, ekhovaaka khemora nave kineerohakallalla.

Masalimo 69:20

Murimaaka onnakivoreya ekaamba ya epewiiwa, kootathilla murima wunchichi. Kaawaashaasha amodda ookeerella echifundo koma khaarivo naari mmodda. Kaawaashaashattho amodda ookikhurumusa murima koma ngaamuphwanyille naari mmodda.

Miyambo 12:25

Okhupanya onnamullemella muthu m'murimani mwaye koma mawu aphaama ennamuhakallalliha.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Mateyu 11:28

“Waani wa miyaano attheenenyu ootopa ni oollemelliwa m'murimani mwanyu, miyaano kineerowiithuuwihani.

Mateyu 26:37

Aamukusa Petro ni anamwani eellaalle a Zebedayo. Ahaamba okhupanya ni ohoowa m'murimani.

Mitteko 21:13

Koma aallota wi, “Kaambiiwa tini, muninlleenyu mookivoriiha murima ddiidda? Miyaanothi kookhozeka ohiri omakiwave o Yerusalemunko koma naari okhwa ekaamba ya Apwiya Yesu.”

Aroma 1:11

Vawi kinnapaalla wunchichi wi kiwooneni wi nanyeenettho mukhallena emphaso dda Munepa Waweella, sika mwawi ddiidda echikhulupilwaanyu eneerollipa.

Aroma 12:15

Amodda yaahakallallaka, muhakallallekena nimodda nave amodda yaawinllaka mwinllekena nimodda.

Aroma 9:2

kaallotaka wi kookhalla ni ethakaraka ddinchichi, ovoreya wa m'murimani mwaka enthawi ddittheddene

1 Akorinto 12:26

Echiwalo ya mwiilli emodda yoona ovoreya, eziwalo ddittheddene ddinniwana ovoreya. Echiwalo emodda yavahiwa olemu, eziwalo ddittheddene ddinnahakallallana.

2 Akorinto 9:14

Nave eneerewuuvekellani ni echikondi yuullupalli ekaamba ya echisomo yawaata eyo Mulluku awoonihalleeyeni.

Agalatiya 6:2

Mukaviheraneke oreya ddookatamiha dda mmodda ni mukhwaaye nave mu ettilla yeella muneerewooniha wi munnamwiiwellella Khrisitu.

Aefeso 3:13

Vano kinimuuvekani wi muhikhupanyeke kaahoosiwaka ekaamba ya nyuwaano vawi tti woopinduliha wa nyuwaano.

Afilipi 1:3

Kinnamuthokoza Mullukwaaka enthawi ddittheddene kaawuuganizerakani.

Afilipi 1:8

Mulluku sika ari mbonaaka wi kinallota ddawoona kaallotaka wi munkhellaaka va nyuwaano tti woovenyera mu echikondi ya Khrisitu Yesu.

Afilipi 2:25

Kooganiza wi tti woopaalleya wuuhokollosellani mwanamunnaka, Epafrodito, oyo aphanre mutteko ni owanana ekhoto vamodda ni miyaano nave oyo arumihiwe ni nyuwaano wi akikavihere.

Afilipi 2:27

Ddawoona aamavoriiwa nave aari vakhuviru okhwa. Koma Mulluku aamweerella echifundo nave ohiri va olliyeve koma ni va miyaanottho vawi aheeriha wi kihikhallena ethakaraka ddinchichi.

Afilipi 4:1

Sika vano, asinnaka ni arokoraka nyuwaano tti ookondiwaaka nave kohuukhallellani munkhella. Munnakihakallalliha nave kinnuukotellani. Asinnaka ni arokoraka imellani moohitikheya mu eyaattano ni Apwiya.

1 Petro 1:6

Hakallallani ni nnddo Mulluku eerilleeye naari vano mukhallaka ookhupanya enthawi yooyeva ekaamba ya ohoosiwa ni weesiwa woohiyanahiyana.