Afilipi 2:25 - Mawu a Mulluku

²⁵ Kooganiza wi tti woopaalleya wuuhokollosellani mwanamunnaka, Epafrodito, oyo aphanre mutteko ni owanana ekhoto vamodda ni miyaano nave oyo arumihiwe ni nyuwaano wi akikavihere.

Afilipi 2:25 Iomraidhean Croise

Miyambo 25:13

Wonanko nakhuttu mu ellimwe, amithenga oororomelleya wa oyo amurumalle, annariiryiha murima wa apwinnya.

Yohane 13:16

Ddawoona, kinimuulleellani wi kaporo khanaakhwaranya apwinnya nave oorumiwa khanaakhwaranya oyo anamuruma.

Yohane 17:18

Kahaaruma alliwa mu ellapo yavatthi wonankottho mwaakirumalleenyu mu ellapo yavatthi.

Aroma 16:3

Mukivelleellelle mooni wa Prisika ni Akwila allupa mutteko akhwaaka voomurumeyella Khrisitu Yesu,

Aroma 16:9

Mumuvahe mooni Urbano, oorumeyella oororomelleya mukhwiihu mu eyaattano ni Khrisitu. Navettho mooni wa Stakisi, mukhwaaka kinamukondeemi.

1 Akorinto 3:9

Vawi hiyaano tti allupa mutteko akhwaaye a Mulluku nave nyuwaano tti emata ya Mulluku. Nyuwaanottho tti enyumba ya Mulluku.

2 Akorinto 2:13

Koma ngaarina murendelle m'murimani mwaka kaambiiwa ngaamuphwanyillewo mwanamunnaka Tito. Sika kahaallaanya athu wenko nave kaaya o Masedoniya.

Afilipi 2:26

Ohuukhallellani munkhella wi awooneni nyuwaano attheene nave animakhupanya kaambiiwa mwahiiwa wi aamavoriiwa.

Afilipi 4:18

Kookhalla ni erive ello navettho ddawaata. Kookhalla ni ddittheddene kinapaalleemi vawi Epafrodito aawaana wa miyaano emphaso ddanyu ddittheddene. Ddiri wonanko yoovelleelliwa ya nthuko naphaama, yawaakhullelliwa ni yoomuddivella Mulluku.

Afilipi 4:3

Nave weyaanottho, mukhwaaka oororomelleya, kinapaalla wi waakavihereke atthiyanaalla; vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na akumi.

Akolose 1:7

Epafra, oorumeyella ookondiwa mukhwiihu, sika uulleelleni dda echisomo ya Mulluku. Olliye tti mullupa mutteko oororomelleya a Khrisitu voopharani mutteko munipuroni mwahu.

Akolose 4:11

Yoswa, oyottho anaromolliwa Yusuto, annuvahanittho mooni. Athu araru yaalla sika Ayudave ookhulupilila ayo enaphara mutteko ni miyaano wa omwene wa Mulluku nave enakillipiha murima miyaano.

1 Atesalonika 3:2

nave naamuruma Timoteo, mwanamunnihu oyo anaphara mutteko wa Mulluku ni hiyaano woollalleya othenga waphaama wa Khrisitu. Naamuruma wi uullipiheni mwiilli ni okavihera echikhulupilwaanyu,

Filemoni 1:24

Nave Mariko, Aristariko, Dema ni Luka, oomurumeyella Khrisitu akhwaaka, ennuuvahattho mooni.

Aheberi 3:1

Asinnaka ni arokoraka, muri athu a Mulluku nave mwiithaniwe ni olliye! Ganizerani dda Yesu, murummwa ni mullupa mukutho muullupalli a echikhulupililwaahu.