Afilipi 2:14 - Mawu a Mulluku

¹⁴ Mweereke ddittheddene moohiwinya apaalle ovaanya,

Afilipi 2:14 Iomraidhean Croise

Masalimo 106:25

Yaaniinyullulla m'misasani mwiwa, ehiniiwellella mawu a Apwiya.

Miyambo 13:10

Wiitukhulla onnawiiha okangana koma oyo alangiziwe annakhalla ni ezeru.

Numeri 14:27

“Ethiyo athu oonanara ddiiddaalla enaahiye niini okiinyullulla? Kohiiwa wiinyullulla wiwa nko enakeerelliiwa.

Mateyu 20:11

Yaakhenlle makobiriiwa nave yaamba orokella wa mwaneena a ematoolle.

Mariko 14:5

Makhura yaalla yeerokullihiwa voowallamella mutengo ni waavaha athu oohoowa makobiraayo.” Nave yaamuhumullulla mutthiyanooyo.

Mariko 9:14

Yesu ni oohuddera ararwaayo yawiilliiwa ekhalla ni oohuddera amoddaayo, yaawoona athu anchichi ewaaphenlle ni ahuddihi amodda a malamulo evaanyihanaka ni oohudderaayo.

Luka 5:30

Afarisi amodda ni ahuddihiiwa a malamulo yahaamba owinya, yaakoha oohudderaaye wi, “Kaambiiwa tini munacheenyu ni owirya ni ookhomiha misonkho ni athu amodda oochimwa?”

Mitteko 15:2

Nave Paulo ni Baranaba yaavaanyihanana athu oovenyera o Yudeyaayo moollipa dda yeella. Sika yahiiwanana wi Paulo ni Baranaba owaaka athu amodda o Antiyokeya eye o Yerusalemu yawoone amurummwa ni attekweene wi yakambirane dda ehuddihweella.

Mitteko 15:39

Nave vaakhalla okangana variyari va Paulo ni Baranaba sika yaamwallana, Baranaba amukusa Mariko ewella mukallawani enaya o Kupro.

Mitteko 15:7

Ekambiranne wa enthawi yoorekama Petro ahiimella allota wi, “Asinnaka ni arokoraka nyu, munnadduwella wi khalle Mulluku aakitthoolla miyaano variyari vanyu wi kallalleye othenga waphaama wa athu ayo ehiri Ayuda wi yiiwe ni okhulupilila.

Mitteko 6:1

Mallapo yaayo ookhulupilila yaatiiwa, Ayuda oollota Egriki yaanakangana ni Ayuda oollota Eheberi kaambiiwa anaamukhwelliiwa kheyaavahiwa ddookawiwa dda nllapo ni nllapo.

Aroma 12:18

Wakhalla wooworeya, mweeseeseke okhalla mwamurendelle ni athu attheene.

Aroma 14:1

Muthu oofooka mu echikhulupililo, mwaakhelleni nave muhimuvaanyihe maganizwaaye.

Aroma 16:17

Asinnaka ni arokoraka, kinimuuvekani nyuwaano wi muchenjerekena athu ayo enaakawaniha athu ni owaapheelliha muru voohuddihani ddoohiyana ni nnddo mwahudderennyu. Muhiwaatamelleke yaayo.

1 Akorinto 10:10

Nihiwinyeke wonanko amodda a alliwaayo vawi yahiiphiwa ni Mungelo Awiipha.

2 Akorinto 12:20

Kinoova wi kawa kinuuphwanyeni muri oohiyana ni mmo kinapaallelleemi wi mukhalle nave munaakiphwanye kiri oohiyana ni mmo munapaallelleenyu wi kikhalle. Kinoova wi kinaaphwanye okangana, ehache, osha murima wiiddivella, epewe, miseche, wiitukhulla ni waanganyera.

Agalatiya 5:15

Nave mwaakhallaka wonanko enama ddamuhakani, mwaallumanaka ni ochana, muchenjere wi muhoonongane attheene.

Agalatiya 5:26

Nihikhalle ookota apaalle ollikana mmodda ni mukhwaaye, vihikhalle ehache va mmodda ni mukhwaaye.

Afilipi 2:3

Muheereke erive ello mwawiikonda apaalle mwawiitukhulla koma mwawiiyeviha vawoonani athu amodda okhalla oopaalleya ohiyana ni nyuwaano.

1 Atesalonika 5:13

Mwaavaheke yaayo olemu wunchichi ni echikondi ekaamba ya mutteko enaphariiwa. Variyari vanyu vikhalleke murendelle.

1 Atesalonika 5:15

Chenjerani wi mmodda ahimuhokolloselleke yoonanara mukhwaaye oyo amweerelle yoonanara. Koma mallapo mattheene mweeseeseke weera ddaphaama wa ookhulupilila akhwiinyu ni wa athu attheene.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

Yakobo 1:20

Vawi osha murima wa muthu khonahoollella o echilungamo ya Mulluku.

Yakobo 3:14

Koma mwakhalla ni ehache yuullupalli ni wiikonda m'murimani mwanyu, muhikoteke ni ovaanyihana ni yawoona voollotani ddawoottha.

Yakobo 5:9

Asinnaka ni arokoraka, muhillotellaneke ddoonanara wi Mulluku ahiweeruzeni. Ooweeruza ohiimella vamullakoni.

1 Petro 3:11

Enaphwanella ohiya ddoonanara nave yeereke ddaphaama, enaphwanella yaashaashe murendelle ni murimiiwa muttheene.

1 Petro 4:9

Mwaakhellaneke mu enyumba ddanyu moohiwinya.

Yuda 1:16

Athu yaalla ennawinya wunchichi. Nave enathwara minkhella ddiwa ddoonanara. Ennallota mwawiitukhulla nave ennaariiha athu mwawoottha wi epindulevo.