Afilipi 2:13 - Mawu a Mulluku

¹³ kaambiiwa Mulluku anaphara mutteko mwa nyuwaano wi mupaalle nave muwore omwiiwellella.

Afilipi 2:13 Iomraidhean Croise

1 Mamwene 8:58

Erukunuse mirima ddahu wa alliwa wi neeteke mu ettilla ddiwa ni osunga mawiiwa, malamulwiiwa ni malangizwiiwa yaavahilliiwa makhollwaahu.

2 Epilli 30:12

Nnatta na Mulluku naari va athu a o Yuda wi aavahe murima mmodda wi yeere nnddo mwene ni enduna ddaye alamulelleeye moollikana ni mawu a Apwiya.

Ezara 1:1

M'muyakha wawaamba wa olamulello wa Kirusi mwene a o Persiya, mawu a Apwiya yallotiwe oweella mwa Yeremiya wi yaakwakhwanihiwa. Vano Apwiya yaamuvaha maganizo Kirusi wi allalleye mwiillaponi mutthemwene voollotani navettho voolembani wi,

Ezara 1:5

Vano oohoollella a mabanja a nlloko na Yuda ni Benjamini owaakattho allupa mukutho ni Alevi, arive muthu oyo Mulluku aamuvahilleeye maganizo aakhozeka aya woomakattho enyumba ya Apwiya o Yerusalemu.

Ezara 7:27

“Etitimiheye Apwiya Mulluku a makhollwaahu ayo ehiyalle ello yawi ddiidda m'murimani mwa amwene oreeriha enyumba ya Apwiya o Yerusalemu.

Nehemiya 2:4

Nave mwene aakikoha wi, “Vano wapaalla okiveke tini?” Sika kaavekella wa Mulluku ooddullu.

Yobu 33:29

Ddawoona, Mulluku anneera ddittheddenenndda, opiilli naari oraru, wa muthu,

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

Masalimo 119:36

Keeriheni wi kikondeke malamulwaanyu, woohikhalla eyuuma.

Masalimo 141:4

Muhinaakhullella wi murimaaka otthettemanelle o ddoonanara, kiivelleelle o mitteko ddoonanara, wa athu oonanara, kichekena machellellwiiwa.

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Yesaya 26:12

Nyu Apwiya, munnanivaha murendelle, ddittheddene nineereehu ddinavenyera wa nyuwaano.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Yeremiya 32:38

Enaakhalle athwaaka nave miyaano kinaakhalle Mullukwiiwa.

Luka 12:32

“Muhoove, nyuwaano ayo muri wonanko mulloko wa enkhosa ddooweerengeya vawi Attiitthaanyu yaakonda wi yuuvaheni omweniiwa.

Luka 2:14

“Ntitimiho nikhalle wa Mulluku Muullupalli, nave murendelle okhalle va athu ayo anahakallalleeyena vatthimva!”

Yohane 3:27

Yohane ahaakhulla wi, “Khaavo muthu anawora okhalla ni ello aahivahiwa ni Mulluku.

Yohane 6:45

Anamallotella yaalemba wi, ‘Arive muthu aneerohuddihiwa ni Mulluku.’ Muthu oyo iiwalle wa Attiitthaaka nave ahuddera wa alliwaayo, annawa wa miyaano.

Yohane 6:65

Nave aallotattho wi, “Ekaamba ya yeella kahuulleellani wi khaavo muthu anaawore owa wa miyaano Attiitthaaka yaahimuvaha olamulello wawi awe.”

Mitteko 11:21

Masiva a Apwiya yaari ni alliwaayo nave athu anchichi yaakhulupilila erukunuwella murima wa Apwiya.

Aroma 12:3

Ekaamba ya echisomo eyo Mulluku aakivahilleeye, kinallota wa arive muthu variyari vanyu wi muhiganizeke wi nyuwaano tti uullupalli ohiyana ni mmo mukhallelleenyu. Koma maganizwaanyu ekhalle awiiyeviha moollikana ni waata wa echikhulupililo eyo Mulluku uuvahilleeyeni.

Aroma 9:11

Nave wi otthoolliwa wa mwaana mmodda wooneye wi yaari yoolinga ya Mulluku, Mullukooyo aallota wi, “Muullupallooyo aneerekomurumeyella mung'onong'onooyo.” Aallotille ddenndda ehinayariwe, ehineere erive ello naari yaphaama apaalle yoonanara. Sika otthoolla wa Mulluku waari moollikana ni wiithaniwa wa mmoddooyo, ohiri moollikana ni erive ello yenriiwa.

Aroma 9:16

Sika vano erive ello kheneereya moollikana ni opaalla wa athu apaalle mitteko dda athu koma moollikana ni echifundo ya Mulluku.

1 Akorinto 12:6

Vookhalla masiva oopharella mutteko oohiyanahiyana koma anavaha masiva yaayo wa attheene va orive mutteko tti Mulluku mmoddamoddave yooyo.

1 Akorinto 15:10

Koma ni echisomo ya Mulluku miyaano kiri mmu kikhallelleemi nave echisomo aakivahilleeye kheyaari yoohikhalla ni mutteko. Koophara mutteko moollipiha ohiyana ni amurummwa amodda attheene naari khe miyaano koma echisomo ya Mulluku eyo enaphara mwa miyaano.

2 Akorinto 3:5

Kheyiivo erive ello enaaneerihe ollota wi hiyaano ninnawora ophara mutteko yoolla koma masiva yaalla enavenyera wa Mulluku.

Aefeso 1:11

Ddeko ddittheddene ddineereya moollikana ni yoolinga ni opaalla wa Mulluku. Nave mulluku aanitthoolla hiyaano wi nikhalle athwaaye mu eyaattano ya Khrisitu ekaamba ya yoolingaaye moollikana ni eyo aaganizalleeye ovenyera vawaamba.

Aefeso 1:5

Mulluku aari aganizalle khalle wi oweella mwa Yesu Khrisitu aneere hiyaano nikhalle anaaye. Ella sika yaari yoopaallaaye yaphaama.

Aefeso 1:9

Mulluku aheera yoolinga eyo apaalleeye weera nave aanilleella yoolinga yoovittheya eyo aganizalleeye wi amallihe mwa Khrisitu.

Aefeso 2:8

Vawi mwaavullusiwa ekaamba ya echisomo oweella mu echikhulupililo. Khehiyo ekaamba ya ollipihella wanyu koma tti emphaso ya Mulluku.

2 Atesalonika 1:11

Ella sika ekaambiiwa ninuuvekellelleehuni enthawi ddittheddene wi Mullukwaahu aweereni nyuwaano oophwanellella okumi oyo aawiithanelleeyeni. Ninavekattho wi ni masivaaye akwakhwanihe minkhella ddanyu ddaweera ddaphaama ni ddaweera mutteko wa echikhulupililo,

2 Timoteo 1:9

Olliye aanivullusa nave aaniithana wi nikhalle athwaaye, ohiri ekaamba ya mitteko ddahu koma ekaamba ya yoolingaaye ni echisomwaaye. Aanivaha echisomo mwa Khrisitu Yesu enthawi ehinaambe.

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.