Afilipi 2:11 - Mawu a Mulluku

¹¹ Nave ddittheddene ddineerewaakhullella wi, “Yesu Khrisitu tti Apwiya,” o ntitimiho na Mulluku Attiitthiihu.

Afilipi 2:11 Iomraidhean Croise

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Masalimo 18:49

Sika Apwiya, kineerewuutitimihani variyari va mitundu, kineerowiipa machipo ootitimiha nnddina nanyu.

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Mateyu 10:32

“Sika arive muthu anaakhullella wi tti aaka vamiitthoni va athu, miyaanottho kineeromwaakhullella vamiitthoni va Attiitthaaka oddullu.

Luka 2:11

Ollello vaava mu etawoni ya Davide, oovullusaanyu ooyariwa, nnddina naye Khrisitu Apwiya!

Yohane 12:42

Vano attekweene a Ayuda* anchichi yaamukhulupilila Yesu. Koma ekaamba ya Afarisi khayooniha vaweella woova wi kheyaakhullelliwa ovollowa mu enyumba yamavekello.

Yohane 13:13

Nyuwaano munakeera ‘Ahuddihi’ Navettho ‘Apwiya.’ Munnallota phaama vawi miyaano tti yooyo.

Yohane 13:14

Miyaano, Pwiinyu ni Muhuddihaanyu, koohapiha manyallwaanyu. Sika nyuwaano munnaphwanella ohapihanattho manyallo mmodda ni mukhwaaye.

Yohane 14:13

Nave erive ello munaavekekeenyu mu nnddina naka kineereweera sika wi ntitimiho na Attiitthaaka nineerewooneya mwa miyaano, Mwaana.

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Yohane 17:1

Yesu amanlleeye ollota nndda aaweha oddullu allota wi, “Attiitthaaka, enthawi yoophiya. Kititimiheni miyaano Mwaninyu wi nameenettho kuutitimiheni nyuwaano.

Yohane 20:28

Tomasi ahaakhulla wi, “Apwiyaaka ni Mullukwaaka!”

Yohane 5:23

wi attheene yakititimihe miyaano emoddamoddave yeeyo enaatitimiheriiwa Attiitthaaka. Oohikititimiha miyaano khenaatitimiha Attiitthaaka ayo yaakirumalle.

Yohane 9:22

Makhollwaayaayo yaallotille ddenndda kaambiiwa yawoova attekweene a Ayuda vawi Ayudaayo yahiiwanana khalle wi arive muthu oyo anaallote wi annakhulupilila wi Yesu tti Mesiya* ahaakhullelliweke ovollowa mu enyumba yamavekello

Mitteko 10:36

Aarumiha othengaaye wa athu Israele, ollalleya othenga waphaama wa murendelle mwa Yesu Khrisitu. Yesu yoolla tti Apwiya a athu attheene.

Mitteko 2:36

“Vano Aisraele attheene edduwellesese wi Yesu olla mwamutthomeyilleenyu vamutandani, tti oyo Mulluku amweenreeye wi akhalle Apwiya navettho Mesiya!”

Aroma 14:11

Mawu a Mulluku enallota wi, “Apwiya enallota wi, ndithu kinimallupella wi, Nirive nikuttha nineerokikokhorella, arive muthu aneerewaakhullella wi miyaano tti Mulluku.”

Aroma 14:9

Vawi Khrisitu aakhwa avenyihiwa wi akhalle Apwiya a athu akumi ni a ookhwa.

Aroma 15:9

navettho wi athu ayo ehiri Ayuda ewore omutitimiha Mulluku ekaamba ya echifundwaaye wonanko mmo mawu a Mulluku enallotiiwa wi, “Sika kineerewuutitimihani variyari va athu oohimullapella Mulluku. Kineerewiipa machipo ootitimiha nnddina nanyu.”

1 Akorinto 12:3

Kinapaalla mudduwelle wi khaavo oyo anahoollelliwa ni Munepa a Mulluku anawora ollota wi, “Yesu tti ootembeleliwa!” Nave khaavo oyo anawora ollota wi, “Yesu tti Apwiya,” ahihoollelliwe ni Munepa Waweella.

1 Akorinto 15:47

Adamu awaamba awoopiwa ni ethaya aari avatthimva koma Adamu aneepiilli, Yesu aari ooddullu.

1 Akorinto 8:6

wa hiyaano arivo tti Mulluku mmodda. Olliyooyo tti Attiitthiihu, Oophatusa ddeko ddittheddene nave ninnakhalla ni okumi wi nimurumeyelleke. Nave erivo Apwiya amoddave, Yesu Khrisitu. Ddeko ddittheddene ddaaphatusiwa mwa olliye navettho mwa olliye ninnakhalla ni okumi.

1 Petro 1:21

Oweella mwa olliyooyo, munnamukhulupilila Mulluku oyo aamuvenyihalle wa ookhwa nave amuvaha ntitimiho sika vano echikhulupilwaanyu ni otiyera wanyu tti dda va Mulluku.

1 Yohane 4:15

Muthu aakhullella wi Yesu tti Mwaana a Mulluku, annakhalla mu eyaattano ni Mulluku nave Mulluku annakhalla mu eyaattano ni olliyooyo.

1 Yohane 4:2

Mmu sika munaaworeenyu odduwella wi tti Munepa a Mulluku. Arive muthu anaakhullella wi Yesu Khrisitu aawa wonanko muthu ookhalla ni Munepa woovenyera wa Mulluku.

2 Yohane 1:7

Ahuddihi awoottha anchichi ahooneya mu ellapo yavatthi ettheene, ayo ehinaakhullella wi Yesu Khrisitu aawa wonanko muthu. Muthu awi ddiiddo tti awoottha navettho tti mudani a Khrisitu.

Yawuupullulla 3:5

Oopambanaayo eneerowarihiwa ddaweella ddiidda nave ngivenyiha manddiniiwa mu nibukhu na akumi. Vamiitthoni va Attiitthaaka ni angelwaaye kineerewaakhullella wi tti athwaaka.