Afilipi 1:9 - Mawu a Mulluku

⁹ Kinavekella wi echikondaanyu evirellelle wunnuwa mwa ezeru ni wiiwesesa,

Afilipi 1:9 Iomraidhean Croise

Yobu 17:9

Komave oolungama ennumellella ettilliiwa, oohilakwa ennallipihella okhalla aweella.

Masalimo 119:66

Kivaheni ezeru ni wiiwesesa kaambiiwa kinnakhulupilila malamulwaanyu.

Miyambo 4:18

Koma ettilla ya athu oolungama tti wonanko owala wa ohinase nko onaanjerereya vang'ono vang'ono ophiyera otthaana.

1 Akorinto 14:20

Asinnaka ni arokoraka, muhinaganizaka wonanko anamwani. Mukhalleke wonanko anamwani ehinadduwella ello va yoonanara nave mukhalleke oowaraalla m'maganizoni mwanyu.

2 Akorinto 8:7

Mookhalla ni ddittheddene ddawaata, mu echikhulupililo, mu ddoollota, moodduwella ddeko, mu ntthitti nanyu nittheene ni mu echikondaanyu va hiyaano. Sika vano moonesese wi mookhalla ni ddawaata m'muttekoni waphaamoolla.

Aefeso 5:17

Sika muhikhalle ookarangeya koma mweeseese wiiwesesa nnddo Apwiya enapaalliiwa wi mweere.

Akolose 1:9

Ekaamba ya yeella ninnuuvekellani enthawi ddittheddene, waambeella niiwalleehu dda nyuwaano. Ninamuveka Mulluku wi aweeriheni wi muddalle ni odduwella wa opaalla waye, oweella mwa ezeru ddittheddene ni wiiwesesa ottheene nnddo Munepa anavaheeye.

Akolose 3:10

nave moowara makhallello anaanweene. Nyuwaano tti anaanweene, ayo Mulluku oophatusa, anavirellella wuupotokosani mwanaanweene mu maphwanaphwaniho a yeekhaaye wi mumudduwellesese olliyooyo.

1 Atesalonika 3:12

Ninaaveka Apwiya wi yoonjerere ni wunnuwiha echikondaanyu va ookhulupilila akhwiinyu nave va athu attheene wonanko mmo echikondaahu va nyuwaano yunnuwelliiwa.

1 Atesalonika 4:1

Voomallihella, asinnihu ni arokorihu, mwahiiwa ovenyera wa hiyaano dda makhallello oomuhakallalliha Mulluku. Munnattakihera yaalla. Nave vano ninuuvekani mu nnddina na Apwiya Yesu wi mweereke ohiyana ni khalle.

2 Atesalonika 1:3

Asinnihu ni arokorihu, ninaphwanella wi nimuthokozeke Mulluku ekaamba ya nyuwaano enthawi ddittheddene. Tti woopaalleya weera ddiiddo kaambiiwa echikhulupilwaanyu ennunnuwannuwa navettho okondana wanyu onnaata.

Filemoni 1:6

Nave kinnavekella wi eyaattanwaahu ni weyaano mu echikhulupililo ekhalle ya masiva sika wi oneerodduwella ddeko ddaphaama ddittheddene nnddo ddiri mwa hiyaano oweella mwa Khrisitu.

Aheberi 5:14

Yoocha yoollipa tti ya athu oowaraalla ayo oweella mu ddookumanana ddiwa enawora ohiyaniha yaphaama ni yoonanara.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.