Afilipi 1:30 - Mawu a Mulluku

³⁰ Vano nanyeene munawana ekhoto emoddamoddave yeeyo mwakoonilleenyu kiwanaka khalle navettho tti yeeyo muniiweenyu wi kinimavirellellave owana.

Afilipi 1:30 Iomraidhean Croise

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Afilipi 1:13

Vawi, oowehera a Eroma ni athu amodda attheene wuno ennadduwella wi miyaano kiri mundende kaambiiwa kinamurumeyella Khrisitu.

Akolose 1:29

Wi ddenndda ddeereye, kinaphara mutteko moollipihella, voopharihani mutteko masiva uullupalli ayo enavelleelliiwa ni Khrisitu oyo anaphara mutteko mwa miyaano.

Akolose 2:1

Kinapaalla wi mudduwelle mmo kinapharelleemi mutteko moollipihella wa nyuwaano ni wa athu a o Laodikeya ni wa attheene ayo ehinakooneke vamiitthoni ni vamiitthoni.

1 Atesalonika 2:2

Munnadduwella mmo nahooselliweehu ni onyaambusiwa o Filipi nihinawe wa nyuwaano o Tesalonika. Nave naari navaanyihiwe wunchichi, Mullukwaahu aanillipiha murima wi nuulleelleni dda othenga waphaama woovenyera wa olliyooyo.

1 Timoteo 6:12

Wanana ekhoto yaphaama ya echikhulupililo, pharesesa okumi woohimalla oyo wiithanelliweewe nave wahaakhullella moohikhuwa echikhulupililwaawo vamiitthoni va amboni anchichi.

2 Timoteo 4:7

Koowana ekhoto yaphaama, koomalliha mujaho woothamaka nave koosunga echikhulupililo.

Aheberi 12:1

Vawi virive veko voonaapheella vookhalla amboni a echikhulupililo anchichi ddiidda, hankoni nivenyihevo erive ello yooniselliha, makamaka machimo ayo eniwanddeellelle nave nithamake ni murima muttheene mpikisano nambilleehoolla.

Aheberi 12:4

Khaavo a nyuwaano allipanne ni machimo ophiyera okhwa.

Yawuupullulla 12:11

Asinnihu ni arokorihu yaamupambana Satana ni nikhame na mwaanaankhosa owaakattho omboni wa echikhulupililwiiwa nave yahaakhullella ovelleella okumiiwa wi ekhwe.