Afilipi 1:27 - Mawu a Mulluku

²⁷ Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

Afilipi 1:27 Iomraidhean Croise

1 Epilli 19:12

Vano Yowabu aallota wa Abishai wi, “Asiriya yakhalla ni masiva okikhwaranya miyaano, oneerokikavihera. Koma Aamoni yakhalla ni masiva wuukhwaranya, kineerewuukavihera.

Masalimo 122:3

Yerusalemu aamakiwa phaama, woonanko muzinda woopharaana phaama.

Masalimo 133:1

Ngoonani, tti wooddiva ni woohakallalliha athu yakhalla amodda moobale!

Miyambo 22:23

Vawi Apwiya eneerewaateteza va mullatwiiwa nave eneerowaakha okumi ayo enawaakha.

Yeremiya 32:39

Kineerewaavaha murima mmodda ni meetello mamodda wi ekooveke enthawi ddittheddene. Sika alliwa ni aniiwa ddeko ddineerekoweetella phaama.

Mateyu 12:25

Koma Yesu aadduwella maganizwiiwa nave aallota wi, “Orive omwene wakawaneya va weekhiiwa ni owana, khollekella omalla. Navettho etawoni erive ettheene naari nibanja nakawaneya va weekhiiwa ni owana khanillekella omalla.

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

Mitteko 24:24

Viviralle mallapo ooyeva Felike aawa ni mwaariye Durusila, oyo aari Muyuda. Aamwiithaniha Paulo nave amwiiwellella alloteeye dda echikhulupililo mwa Khrisitu Yesu.

Mitteko 4:32

Mulloko wa ookhulupililaayo waari wowiiwanana m'murimani mwiwa mutthemwene ni m'maganizoni mwiwa mutthemwene. Khaarivo oyo allotille wi ello aariiyena tti yaayeyaaye koma yaanakawana attheene ddeko ddittheddene yaariiwana.

Aroma 1:16

Othenga waphaama khonakiwulliha muru. Vawi yoolla tti masiva a Mulluku oovullusa arive muthu arina echikhulupililo, vawaamba Ayuda navettho athu ayo ehiri Ayuda.

Aroma 1:5

Oweella mwa olliye, nahaakhella echisomo yookhalla amurummwa wi ekaamba ya Khrisitu naahoollelle athu a mitundu ddittheddene wi yiiwellelle ni okhulupilila.

Aroma 1:9

Mulluku, oyo kinamurumeyelleemi ni murimaaka muttheene voollalleyani othenga waphaama wa Mwanaye, sika mbonaaka wi kinnawuupuwellani erive enthawi kaavekellaka.

Aroma 10:8

Mawu a Mulluku enallotiiwa eni, “Othenga wa Mulluku ori vakhuviru ni nyuwaano, vayanoni vanyu navettho m'murimani mwanyu.” Olla sika othenga wa echikhulupililo ninallalleyeehu.

Aroma 15:16

wi kikhalle oorumeyella a Khrisitu Yesu wa athu ayo ehiri Ayuda. Kinarumeyella wonanko mullupa mukutho kaallalleyaka othenga waphaama wa Mulluku wi athu ayo ehiri Ayuda ekhalle wonanko mukutho wawaakhelliwa ni Mulluku yaweellihiwa ni Munepa Waweella.

Aroma 15:29

Kinnadduwella wi kawa owaninyunko kineeroowa ni madaliso manchichi a Khrisitu.

1 Akorinto 1:10

Mu nnddina na Apwiihu Yesu Khrisitu kinimuuvekani nyuwaano attheene, asinnaka ni arokoraka wi mwiiwananeke va nnddo munalloteenyu wi vihikhalle okawaneya variyari vanyu. Mukhalleke awaattana m'murimani mwanyu ni m'maganizoni mwanyu.

1 Akorinto 15:58

Sika vano, asinnaka ni arokoraka ookondiwa, khallani oohitikheya ni oohisuseya. Hiyani murimaanyu va mutteko wa Apwiya vawi munnadduwella wi oweella mwa alliwa, muttekwaanyu onnakhalla ni mphuro.

2 Akorinto 13:11

Asinnaka ni arokoraka, hallani phaama! Mullipihelleke okhalla aphaama wunchichi, mwiiwellelleke nnddo kinuuvekeemini, mwiiwananeke mmodda ni mukhwaaye, mukhalleke m'murendelleni. Vano Mulluku a echikondi ni murendelle aneerokhalla ni nyuwaano.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

2 Akorinto 9:13

Nave ekaamba ya omboni wa muttekwaanyoolla, athu anchichi eneeromutitimiha Mulluku. Vawi mwaakhulupilila othenga waphaama wa Khrisitu navettho ovelleella wanyu mwawoollowa matta vookawanani ni alliwaayo ni athu amodda attheene.

Agalatiya 1:7

Ddawoona tti ddawi khawiivo othenga waphaama omodda. Nave kinallota ddenndda kaambiiwa aakhallavo athu amodda enawaapheellihani muru nave enapaalla orukunusa othenga waphaama wa Khrisitu.

Aefeso 1:13

Nave mwaakhulupilila mwa Khrisitu mwiiwalleenyu othenga wawoona, othenga wa ovullusiwa wanyu. Nave Mulluku ahuuvahani Munepa Waweella alonjezilleeye wi ekhalle echizindikiro yawi nyuwaano tti aaye.

Aefeso 1:15

Sika waambeella mvo kiiwalleemi dda echikhulupilwaanyu mwa Apwiya Yesu ni echikondaanyu wa athu a Mulluku attheene.

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

Afilipi 1:5

ekaamba ya mmo mukikaviherelleenyu ovuwiha othenga waphaama ovenyera nllapo mwaambilleenyu okhulupilila ophiyera ollello.

Afilipi 2:12

Sika vano, akhwaaka ookondiwa vawi mwaakiiwellella enthawi ettheene kaariimi ni nyuwaano, tti woopaalleya wunchichi wi mukiiwellelleke vano kiriimi woorekama ni nyuwaano. Virellellani ophara mutteko mwawoova ni mootthukumella wi mwakuthulle ovullusiwa wanyu,

Afilipi 2:24

Nave kinnasimikiza mwa Apwiya wi miyaano meekhaaka kineeroowa wa nyuwaano veneva.

Afilipi 3:18

Kahuulleellani yeella khalle enthawi ddinchichi, vano kinnuulluulla yeella moowinlla. Athu anchichi enakhalla wonanko adani a okhwa wa Khrisitu vamutandani.

Afilipi 3:20

Koma hiyaano owanihu tti oddullu nave nnamutiyera oovullusaahu, Apwiya Yesu Khrisitu wi awe ovenyera wenko.

Afilipi 4:1

Sika vano, asinnaka ni arokoraka nyuwaano tti ookondiwaaka nave kohuukhallellani munkhella. Munnakihakallalliha nave kinnuukotellani. Asinnaka ni arokoraka imellani moohitikheya mu eyaattano ni Apwiya.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Akolose 1:4

Vawi nohiiwa dda echikhulupilwaanyu mwa Khrisitu Yesu ni echikondaanyu wa athu a Mulluku attheene.

1 Atesalonika 3:6

Vano Timoteo oowaawo owaninyunko nave oonilleella epilli yaphaama ya echikhulupilwaanyu ni echikondaanyu. Oonilleella wi munnanuupuwella phaama mallapo mattheene nave wi munnapaalla onoona hiyaano wonankottho mmo ninapaallelleehu owoonani nyuwaano.

1 Atesalonika 4:1

Voomallihella, asinnihu ni arokorihu, mwahiiwa ovenyera wa hiyaano dda makhallello oomuhakallalliha Mulluku. Munnattakihera yaalla. Nave vano ninuuvekani mu nnddina na Apwiya Yesu wi mweereke ohiyana ni khalle.

1 Timoteo 1:11

Ehuddiho yeeyo eri mu othenga waphaama wa ntitimiho ni oriiheya wa Mulluku oyo aakivahilleeye.

1 Timoteo 1:19

ni opharesesa echikhulupililo ni yawuupusella murima yooreera. Athu amodda yaatathilla yawuupusella murimiiwa, sika echikhulupililwiiwa yahoonongeya.

2 Timoteo 4:7

Koowana ekhoto yaphaama, koomalliha mujaho woothamaka nave koosunga echikhulupililo.

Tito 2:10

apaalle owiiyera. Koma enapaalleya yooniheke wi tti aphaama ni oororomelleya wi yariihe ehuddiho ya Mulluku oovullusaahu mu erive ello.

Filemoni 1:5

Vawi kinniiwa wi onnaakonda athu a Mulluku ni wi onnaakhulupilila Apwiya Yesu.

Yakobo 3:18

Nave echipaso ya echilungamo ennamiddiwa mwamurendelle wi yaapindulelle ayo eneera murendelle.

2 Petro 3:11

Vawi ddeko ddittheddenenndda ddineerewoonongiwa mwawi ddiidda, munaakhalle athu a mutundu tini? Okumaanyu onaphwanella okhalle wa weella nave wawiivelleella wa Mulluku,

2 Petro 3:14

Sika vano, akhwaaka ookondiwa, mwaatiyeraka Nllapo nenno, mweeseese okhalla aweella ni oohikhalla ni yoochimwa vamiitthoni va Mulluku navettho okhalla ni murendelle ni olliyooyo.

Yuda 1:3

Akhwaaka ookondiwa, kaapaallesesa wuulembellani dda ovullusiwa nko attheene nirinaahu mwa Yesu Khrisitu. Koma kahoona wi tti waphaama wuulembellani vano wi kuuvekeni wi mullipanena oteteza echikhulupililo eyo Mulluku aavahilleeye athwaaye aweella omoddave wenko.