Afilipi 1:18 - Mawu a Mulluku

¹⁸ Khaddinna mutteko ddennddo! Kinnahakallalla wi Khrisitu annallalleyiwa mu ettilla ddoohiyanahiyana naari mwawoona apaalle mwawoottha. Nave kineerovirellella ohakallalla,

Afilipi 1:18 Iomraidhean Croise

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Mariko 12:40

Ennaachella anaamukhwelle ni waakusella katundwiiwa naari enyumba ddiwa ddene, vawaamarani athu muyeepe owiitthoni ni mavekello oorekama. Ollakiwa wiwa oneerokhalla wuullupalli waakhwaranya athu amodda!”

Luka 9:45

Koma oohudderaayo kheyaawiiwesesa mawu yaalla kaambiiwa ottaphullella wiwa waavitthiwa wa alliwaayo. Koma yahoova wi emukohe dda mawu yaalla.

Luka 9:50

Koma Yesu aamulleella ni oohuddera akhwaayaayo wi, “Muhinamuhiiha vawi muthu ahinanivaanyiha anniiwanana ni hiyaano.”

Aroma 3:9

Nave vano, ethiyo hiyaano Ayuda niri aphaama waakhwaranya athu ayo ehiri Ayuda? Khe ddiiddo! Koollota khalle wi Ayuda ni athu ayo ehiri Ayuda enalamulelliwa ni machimo.

Aroma 6:15

Vano ninaallote tini? Ethiyo nichimweke kaambiiwa khaninalamulelliwa ni malamulo koma ninalamulelliwa ni echisomo ya Mulluku? Khe ddiiddo!

1 Akorinto 10:19

Vano kinaaka tini? Wi ddoocha ddooheraatthiwa wa mafano tti ello apaalle nifano tti ello?

1 Akorinto 14:15

Vano kinaphwanella keere tini? Kineerovekella ni munepaaka nave kineerovekellattho ni maganizwaaka. Kineerewiipa ni munepaaka nave kineerewiipattho ni maganizwaaka.

1 Akorinto 15:11

Sika vano naari kaariki miyaano apaalle alliwaayo enallalleya, attheene ninnallalleya othenga omoddave yooyo nave nyuwaano mwaakhulupilila.

Afilipi 1:19

kaambiiwa kinnadduwella wi kineerottaphulliwa ekaamba ya mavekellwaanyu ni nikavihero noovenyera wa Munepa wa Yesu Khrisitu.