Afilipi 1:15 - Mawu a Mulluku

¹⁵ Aakhallavo amodda enamullalleya Khrisitu kaambiiwa tti eehache ni ookangana koma amodda enallalleya ni yoolinga yaphaama,

Afilipi 1:15 Iomraidhean Croise

Mateyu 23:5

Enneera erive ello wi athu ewoone. Ennaddimakellella vayuuchini ni vamuwononi mahutta anttapara uullupalli a mawu a Mulluku. Nave ennarekamihattho manyenje a malayiiwa.

Mitteko 10:36

Aarumiha othengaaye wa athu Israele, ollalleya othenga waphaama wa murendelle mwa Yesu Khrisitu. Yesu yoolla tti Apwiya a athu attheene.

Mitteko 11:20

Koma ookhulupilila amodda, ayo yaari oovenyera o Kupro ni o Kurene yaaya o Antiyokeya ellalleya othenga wa athu ayo ehiri Ayuda, yaalleella othenga waphaama wa Apwiya Yesu.

Mitteko 5:42

Nave nllapo ni nllapo mu enyumba ya Mulluku ni mu enyumba dda athu yaavirellella ohuddiha ni ollalleya othenga waphaama wa Yesu, Mesiya.*

Mitteko 8:35

Vano Filipo ahaamba ollota, aambeelle va mawu yaalla, aamullalleyella dda othenga waphaama dda Yesu.

Mitteko 8:5

Nave Filipo* aaya o muzinda muullupalli wa Samariya aallalleyella athu dda Mesiya.*

Mitteko 9:20

Enthawi yeeyo ahaamba ollalleya mu enyumba ddamavekello wi Yesu tti Mwaana a Mulluku.

Aroma 2:8

Koma ayo eri awiikonda nave oohithwara yawoona koma enathwara yoonanara, Mulluku aneerewaashella murima wunchichi.

1 Akorinto 1:23

Koma hiyaano, ninallalleya dda Khrisitu ootthomeyiwa vamutandani. Othenga yoolla tti wookukhumulla wa Ayuda ni wookarangeya wa athu ayo ehiri Ayuda.

1 Akorinto 13:3

Naari kikaweke ddeko ddaka ddittheddene nave naari kivelleelle mwiillaaka wi woosiwe, koma kaahikhalla ni echikondi yaakayaaka khekhallavo.

2 Akorinto 1:19

Vawi Yesu Khrisitu, mwaana a Mulluku oyo aallalleyiwe variyari vanyu ni Sila, Timoteo ni miyaano khe awaakhullella ni ookhoota enthawi emoddave yeeyo. Koma mwa olliye mookhalla waakhullella enthawi ddittheddene,

2 Akorinto 11:13

Yaayo tti amurummwa awoottha ayo enoottha dda muttekwiiwa nave eddeelliha weekhiiwa wi yooneyeke wonanko amurummwa awoona a Khrisitu.

2 Akorinto 12:20

Kinoova wi kawa kinuuphwanyeni muri oohiyana ni mmo kinapaallelleemi wi mukhalle nave munaakiphwanye kiri oohiyana ni mmo munapaallelleenyu wi kikhalle. Kinoova wi kinaaphwanye okangana, ehache, osha murima wiiddivella, epewe, miseche, wiitukhulla ni waanganyera.

2 Akorinto 4:5

Vawi ninallalleyeehu khe dda hiyaano koma ninallalleya dda Yesu Khrisitu wi tti Apwiya. Nave hiyaano wi tti oorumeyellaanyu ekaamba ya Yesu.

Agalatiya 2:4

Athu amodda yaapaalla yeeyo koma yaari ookhulupilila awoottha ayo yaavollowille mumpingoni mwahu wi etoteke miyaha mwawiipitthella wi yoone ottaphuwa ori ni hiyaano mwa Khrisitu Yesu. Yaapaalla oneera akaporo a malamulwiiwa.

Afilipi 2:3

Muheereke erive ello mwawiikonda apaalle mwawiitukhulla koma mwawiiyeviha vawoonani athu amodda okhalla oopaalleya ohiyana ni nyuwaano.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”