Afilipi 1:1 - Mawu a Mulluku

¹ Ovenyera wa hiyaano Paulo ni Timoteo, oorumeyella a Khrisitu Yesu. Ninaalembella athu attheene a Mulluku a o Filipi ayo eri mu eyaattano ni Khrisitu Yesu, vamodda ni oohoollella ni owaakaviheriiwa mumpingoni.

Afilipi 1:1 Iomraidhean Croise

Mariko 13:34

Ddinaphwanaphwana ni muthu atimullalle va olendwaaye ahiya enyumbaaye. Aavaha olamulello allupa muttekwaaye wi arive muthu awehereke mutteko waayewaaye nave amulleella oowehera a va mullako wi awehereke phaama.

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

Mitteko 1:20

“Vawi moolembiwa mu nibukhu na Masalimo wi, ‘Enyumbaaye etthaamiwe, nave muhikhalle muthu oyo anaakhallekemo.’ Moolembiwattho wi, ‘Muthu mmodda akuse muttekwaaye.’

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Mitteko 9:13

Ananiya ahaakhulla wi, “Apwiya, athu anchichi aakilleella dda muthu yoolla navettho wi oheera ddoonanara wa athwaanyu a o Yerusalemu.

Aroma 1:1

Ovenyera wa miyaano Paulo, oorumeyella a Khrisitu Yesu, murummwa awiithaniwa ni ootthoolliwa ni Mulluku wi killalleye othengaaye waphaama.

Aroma 1:7

Nave vano kinalembella wa nyuwaano attheene mu Roma, ayo Mulluku anaakondeeye nave aawiithana wi ekhalle athwaaye. Echisomo ni murendelle dda Mulluku Attiitthiihu ni Apwiya Yesu Khrisitu ddikhalle ni nyuwaano.

1 Akorinto 16:10

Timoteo aphiya owaninyunko, moonesese wi olliye oone wi moomwaakhella variyari vanyu kaambiiwa olliye anapharattho mutteko wa Apwiya, wonanko miyaano.

2 Akorinto 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku nave ovenyera wa mwanamunnihu Timoteo. Ninalembella mpingo wa Mulluku o Korinto ni wa athu attheene a Mulluku mu echigawo ettheene ya Akaiya.

Agalatiya 1:10

Ethiyo voollotani ddenndda, kinapaalla wi athu ekaakhullelle? Khe ddiiddo! Eyo kinapaalleemi tti waakhullella wa Mulluku! Ethiyo kinapaalla waahakallalliha athu? Kakhanlleke awaahakallalliha athu ngaakhalle oorumeyella a Khrisitu.

Agalatiya 3:26

Mu eyaattano ni Khrisitu Yesu, attheenenyu tti anamwani a Mulluku oweella mu echikhulupililo.

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Aefeso 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku. Kinalembella wa athu a Mulluku o Efeso ookhulupilila ni ayo eri mu eyaattano ni Yesu Khrisitu.

Aefeso 1:15

Sika waambeella mvo kiiwalleemi dda echikhulupilwaanyu mwa Apwiya Yesu ni echikondaanyu wa athu a Mulluku attheene.

Aefeso 6:24

Echisomo ekhalle ni attheene ayo enaakonda Apwiihu Yesu Khrisitu ni echikondi yoohisintheya.

Afilipi 2:19

Apwiya yapaalla, kinatiyerella omurumiha Timoteo wa nyuwaano veneva wi killipihiwe murima ni epillaanyu.

Afilipi 2:5

Oganiza wanyu okhalleke wonanko wa Khrisitu Yesu.

Afilipi 3:12

Nginaaka wi kohaakhella yeella khalle apaalle miyaano kookhalla khalle aphaama. Koma kinimallipihellave othamaka wi kiddiphwanye vawi ella sika yaari yoolinga ya Khrisitu Yesu vookikopani wi kikhalle aaye.

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Afilipi 3:8

Ddawoona, kinaddeesa ddittheddene ddoohipinduliha kaambiiwa omudduwella Khrisitu Yesu Apwiyaaka tti woopaalleya wunchichi okhwaranya ddittheddene. Kootathilla ddeko ddittheddene ekaamba ya olliye nave kinaddeesa ddittheddene ddooddallani wi kimupindule Khrisitu

1 Atesalonika 1:1

Ovenyera wa hiyaano Paulo, Silivano ni Timoteo. Ninaalembella athu a mpingo wa o Tesalonika ayo eri a Mulluku Attiitthiihu ni Apwiya Yesu Khrisitu. Echisomo ni murendelle ddikhalle ni nyuwaano.

1 Atesalonika 2:2

Munnadduwella mmo nahooselliweehu ni onyaambusiwa o Filipi nihinawe wa nyuwaano o Tesalonika. Nave naari navaanyihiwe wunchichi, Mullukwaahu aanillipiha murima wi nuulleelleni dda othenga waphaama woovenyera wa olliyooyo.

2 Atesalonika 1:1

Ovenyera wa hiyaano Paulo, Silivano ni Timoteo. Ninaalembella athu a mpingo wa o Tesalonika ayo eri a Mulluku Attiitthiihu ni Apwiya Yesu Khrisitu.

2 Atesalonika 1:10

va nllapo anaweeye wi aakhelle ntitimiho ovenyera wa athwaaye aweella ni oriiheya ovenyera wa attheene enakhulupilila. Nyuwaano muneerokhallattho ni yaayo kaambiiwa mookhulupilila othenga olle nuulleelleeyeni.

1 Timoteo 1:2

Kinamulembella wa weyaano, Timoteo, mwanakamwanaka mu echikhulupililo. Echisomo, echifundo ni murendelle ddoovenyera wa Mulluku Attiitthiihu ni Khrisitu Yesu Apwiihu ddikhalle ni weyaano.

1 Timoteo 3:8

Oorumeyella a mpingo enaphwanellattho ekhalle oovahiwa olemu, oororomelleya va nnddo enallotiiwa, ehilezeleke, ehikhalle a nrima na makobiri,

Tito 1:1

Ovenyera wa miyaano Paulo, oorumeyella a Mulluku ni murummwa a Yesu Khrisitu. Kaatthoolliwa ni orumihiwa wi kikavihere echikhulupililo ya athu a Mulluku ootthoolliwa ni wi kaahoollelle odduwella yawoona moollikana ni omutitimiha Mulluku,

Tito 1:7

Vawi oohoollella mpingo anaphwanella ahikhalle ni yookayikella kaambiiwa olliye ari wonanko kapitawo a munibanjani na Mulluku. Ahikhalle awiitukhulla apaalle awaakuva osha murima apaalle oolezela apaalle a maraapwa apaallettho a nrima na makobiri.

Filemoni 1:1

Ovenyera wa miyaano Paulo, a mundende ekaamba yoomurumeyella Khrisitu Yesu. Navettho ovenyera wa Timoteo mwanamunnihu. Kinuulembella weyaano, mwanamunnihu ookondiwa Filemoni, oyo anamurumeyella Khrisitu wonanko hiyaano.

Aheberi 13:23

Kinapaalla mudduwelle wi Timoteo, mwanamunnihu, oottaphulliwa mundende. Aphiya veneva kineerowaana owaninyunko kaawoonakani.

Yakobo 1:1

Ovenyera wa miyaano Yakobo, oorumeyella a Mulluku ni a Apwiya Yesu Khrisitu. Kinaavaha mooni athu a Mulluku a malloko khumi ni meelli yaayo yapallalleyelle va ellapo yavatthi ettheene.

1 Petro 2:25

Nyu mwaari wonanko enkhosa ddoohollowa koma vano moohokollosiwa wi mumuthware Mbusa ni Oowehera a okumaanyu.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

Yawuupullulla 1:1

Nibukhu nenna tti na ddeko nnddo Yesu Khrisitu uupullullalleeye. Mulluku aamuvaha eyuupullullo yeella wi awoonihe oorumeyellaaye nnddo ddinaphwanella weereya veneva. Khrisitu aamutthoonyihella oorumeyellaaye Yohane voomurumihellani mungelwaaye,

Yawuupullulla 1:20

Nngu sika ottaphullella wa etheneeri dditthanu ni piilli onooneewe ddiri mu nnattanatta mwaka ni ddoohiyavo enyali dda golide dditthanu ni piilli. Etheneeri dditthanu ni piillinnddo sika oohoollella a mipingo mitthanu ni miilli nave ddoohiyavo enyali dditthanu ni piillinnddo sika mipingo.

Yawuupullulla 19:10

Kaakokhora vamiitthoni vaye wi kimullapelle koma olliye aakilleella wi, “Oheere ddennddo! Mi tti oorumeyella mukhwaawo nave mmodda a asinno ni arokoriyo, attheene ayo enakhallella omboni dda Yesu. Mullapelle Mulluku!” Vawi okhallella omboni dda Yesu tti ollotella.

Yawuupullulla 2:12

“Omulembelle oohoollella a mpingo wa o Pergamo wi, “Alla sika mawu oovenyera wa oyo arina nsupada nawiisha nngu ni nngu awi,

Yawuupullulla 2:8

“Omulembelle oohoollella a mpingo wa o Smurina wi, “Alla sika mawu oovenyera wa oyo ari awaambeella ni oomallihella, oyo akhwille koma vano ookhallattho mukumi awi,

Yawuupullulla 22:9

Koma aakilleella wi, “Oheere ddennddo! Mi tti oorumeyella mukhwaawo navettho a asinno anamallotella ni attheene ayo enathwara ddilembiwe mu nibukhunna. Mullapelle Mulluku!”