Aefeso 6:1 - Mawu a Mulluku

¹ Anamwaninyu vawi muri mu eyaattano ni Apwiya, muwiiwellellekettho makhollwaanyu. Yeella tti ello yoophwanella weera.

Aefeso 6:1 Iomraidhean Croise

Genesis 28:7

Ahiiwa wi Yakobo aawiiwellella attiitthinnya ni amennya nave wi aaya o Mesopotamiya.

Genesis 37:13

Nave Yakobo aamulleella Yosefe wi, “Asinno enachiha eziweto o Shekemu. Kinapaalla wi oye wawoone.” Yosefe ahaakhulla wi, “Ee kineeroyaawo.”

Genesis 48:12

Vano Yosefe ahaavenyihavo anamwanaayo vametoni va Yakobo nave aamukokhorella.

Genesis 50:12

Sika anamwani a Yakobo yaheera wonanko mmo attiitthiiwa yaalamulelliiwa.

Nehemiya 9:13

Mwaakitthella va mwaango wa Sinai, mullota ni alliwa ovenyera oddullu nave mwahaavaha malangizo, malamulo ni ehuddiho ddaphaama ni ddawoona.

Estere 2:20

Vano Estere aari ahinawulule dda nlloko naye apaalle dda nibanja naye moollikana ni mmo Mordekai amulleellelleeye vawi Estere aanamwiiwellella Mordekai ovenyera enthawi elle amullelleeye.

Yobu 33:27

Vano muthooyo aneerewiipa wa amodda wi, Kaachimwa, ngeenre ddoolungama koma ngaahokolloselliwe moollikana ni mitteko ddaka.

Masalimo 119:128

Malamulwaanyu mattheene ennookollella meetellwaaka, kinniitana ni erive ettilla yoolleka.

Masalimo 119:75

Nyu Apwiya kinnadduwella wi echiweruzwaanyu tti yoolungama moollikana ni ororomelleya wanyu.

Masalimo 19:8

Ehuddiho ya Apwiya tti yawoona, ennahakallalliha murima. Malamulo a Apwiya tti aweella, ennaahulla athu miittho.

Miyambo 1:8

Mwanaka, apella maaru malangizo a attiittho, ohikhoote ddoohuddiha dda amaayo.

Miyambo 23:22

Owaapelleke maaru attiittho awuuyara, ohaavevulle amaayo yuulluvalla.

Miyambo 30:11

Vookhalla amodda oowaatembelela attiitthiiwa, woohaadalisa ameewa.

Miyambo 30:17

Niittho nowaattheya attiitthinnya ni ovevulla owiiwellella amennya, anakhuku a mutapo eneeronitthorokolla nave miphangwi ddineeronicha.

Miyambo 6:20

Mwanaka, sunga malangizo a attiittho, ohikhoote ddoohuddiha dda amaayo.

Yeremiya 35:14

Lamulo na Yonadabu mwaana a Rekabu nno alamunleeye edduullu ddaye wi ehiwe emuwirya vinyo, alliwa aanisunga. Khenamuwirya vinyo ophiyera ollello ekaamba yawiiwellella lamulo na nikhollo niwa. Kookhalla kuuchenjezakani wiilliwiilli koma nyu khemunakiiwellella.

Yeremiya 35:18

Yeremiya ahaalleella Arekabu mawu a Apwiya Amasiva Mattheene, Mulluku a Israele, awi, “Ekaamba yawi mwahiiwellella lamulo na Yonadabu nikhollo nanyu nave mwaathwara malangizwaaye ni weera ddittheddene uulleelleeyeni

Yeremiya 35:8

Nohiiwellella lamulo na nikhollo nahu Yonadabu mwaana a Rekabu nave mu okumaahu muttheene khaninamuwiryeke vinyo, hiyaano apaalle awarihu, aniihu aallopwana ni aatthiyana.

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Levitiko 19:3

Arive muthu aavaheke olemu amennya ni attiitthinnya. Musungeke nllapo na Sabata. Mi tti Apwiya Mullukwaanyu.

Luka 2:51

Vano Yesu aahokollowana vamodda oya o Nazareti nave aanawiiwellella. Amennyaayo yaasunga ddittheddenenndda m'murimani mwiwa.

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

Aroma 16:2

Sika mwaakhelleni wonanko mmo athu a Mulluku enaphwanellelliiwa waakhellelliwa kaambiiwa tti muthu a Apwiya. Nave mumukavihere mmo anapaallelleeye wi akaviheriwe ni nyuwaano. Vawi aanaakavihera athu anchichi ni meeneenettho.

Aroma 7:12

Vano malamulo mattheene tti aweella, awoona navettho aphaama.

1 Akorinto 15:58

Sika vano, asinnaka ni arokoraka ookondiwa, khallani oohitikheya ni oohisuseya. Hiyani murimaanyu va mutteko wa Apwiya vawi munnadduwella wi oweella mwa alliwa, muttekwaanyu onnakhalla ni mphuro.

Deuteronomo 21:18

“Ttuuweereya wi muthu mmodda okhalla ni mwaana oohiiwellella ni oowukila makhollwaaye naari emullakeve mwawiidde.

1 Timoteo 5:4

Koma naamukhwelle mmodda ari ni anamwani apaalle edduullu ddaye, yaayo yaambe ohuddera omurumeyella Mulluku vawaarumeyellani a mu nibanja mwiwa ni waahokollosella makhollwiiwa kaambiiwa ella tti yawaakhelliwa vamiitthoni va Mulluku.

1 Petro 2:13

Mwiiwellelleke olamulello ottheene wa athu ekaamba ya Apwiya naari Kaisara,* oolamulella muullupalli.

Rute 3:5

Rute ahaakhulla wi, “Kineereweera ddittheddene mullotilleenyunnddo.”

1 Samuele 17:20

Vano Davide aatimulla ohinase, amuhiyera muthu mmodda enkhosa ddaye wi addichiheke. Aakusa ddoochannddo moollikana ni mmo yamulleellelliiwa attiitthinnya. Aphiyalle omisasaninko enthawi eyo akhotwaayo yatthattanniiwa enakhuwella dda ekhoto.