Aefeso 5:5 - Mawu a Mulluku

⁵ Vawi mudduwelle wi khaavo muthu ooraruwa, aweera yooripiha apaalle anrima (vawi nrima niri wonanko ollapella mafano) anaakhellena omwene wa Khrisitu ni wa Mulluku.

Aefeso 5:5 Iomraidhean Croise

Eksodo 20:17

“Ohisilile enyumba ya mukhwaawo. Ohimusilile mwaara a mukhwaawo, mullupa muttekwaaye aamullopwana, mullupa muttekwaaye aamutthiyana, eng'ombaaye, bulwaaye apaalle erive ello ya mukhwaawo.”

Mitteko 20:32

“Nave vano kinuuhiyani mwa Mulluku ni wa mawu a echisomwaaye. Annawora owunnuwihani ni wuuvahani madaliso ayo anaavaheeye athwaaye.

Mitteko 8:21

Kheyiivo yawaakhella apaalle yawuukawella ya muttekwaahoolla kaambiiwa murimaawo khori phaama vamiitthoni va Mulluku.

Agalatiya 5:19

Mitteko dda omuthu tti ddawooneya. Ddinooneya mu oraruwa, onanara nave okhallella minkhella ddoonanara;

Agalatiya 5:21

ennakhalla eehache, oolezela, ennakhalla vamachellelloni ni olezela ni weera ddeko ddimodda ddawi ddiidda. Kinimuuchenjezani vano wonanko kenreemi vawaamba wi ayo eneera ddeko ddenndda kheyaakhella omwene wa Mulluku.

Aefeso 5:3

Vawi nyuwaano tti athu a Mulluku, khe waphaama wi oraruwa apaalle yooripiha apaalle nrima ddillotiweke variyari vanyu.

Akolose 1:13

Aanaakiha ovenyera o masiva a epiphi nave anikusella mu omwene wa Mwanaye ookondiwa.

Akolose 3:5

Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).

1 Timoteo 6:10

Vawi ddinaambiha ddoonanara ddittheddene tti echikondi ya makobiri. Ekaamba ya yeella, amodda yaatathilla echikhulupililwiiwa ni wiikusella ddoovoreya ddinchichi m'murimani mwiwa.

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

Aheberi 13:4

Muhiwuvevulleke okwati, khallakani oororomellana kaambiiwa Mulluku aneeromweeruza oyo ari ooraruwa apaalle oohiroromelleya muukwatini.

Yoswa 7:21

Variyari va eyuumeelle, kahoonavo mukanjo wooreera wa o Babiloni ni makilogaramu meelli a siliva navettho mwitthi wa golide woollemella hafu kilogaramu. Ddittheddenenndda kaaddipaalla wunchichi nave kaaddaakha. Muneeroddiphwanya variyari va musasaaka mvo kiddivitthalleemi. Muneeromuphwanya siliva vatthi va ddeko ddimoddannddo.”

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.