Aefeso 4:12 - Mawu a Mulluku

¹² Enre ddenndda wi athu a Mulluku ekhozekelle mutteko woomurumeyella Khrisitu wi ellipihe mwiilli wa Khrisitooyo,

Aefeso 4:12 Iomraidhean Croise

Luka 22:32

Koma miyaano kohuuvekella weyaano Simoni wi echikhulupilwaawo ehimalle. Nave warukunuwa murima, waallipiheke murima ookhulupilila akhwaawaalla.”

Mitteko 1:17

Yudasi aari mmodda a mullokwaahu vawi aatthoolliwattho wi niphareke nimodda muttekwaahu.”

Mitteko 1:25

wi akhalle oorumeyellaanyu ni murummwaanyu ovollowa munipuroni mwa Yudasi oyo akhwille moollikana ni mmo aphwanenlleeye.”

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Mitteko 9:31

Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Aroma 12:5

Emoddamoddave yeeyo, hiyaano naari naatille niri wonanko mwiilli mmodda mu eyaattano ya Khrisitu nave noollundellellana.

Aroma 12:7

Emphaswaahu yakhalla yawaarumeyella akhwiihu, naarumeyelleke. Yakhalla ohuddiha, nihuddiheke.

Aroma 14:19

Sika ninaphwanella wi erive enthawi neeseeseke okhalla mwamurendelle ni okaviherana wi nikhalle ni echikhulupililo yoollipa.

Aroma 15:14

Akhwaakanyu, miyaano kinnasimikiza wi nyuwaano tti aphaama wunchichi, nyuwaano tti athu oodduwella wunchichi navettho munnawora ohuddihana.

Aroma 15:2

Koma hiyaano attheene naahakallalliheke asinnihu ni arokorihu ni oweerella ddaphaama wi nillipihe echikhulupililwiiwa.

Aroma 15:29

Kinnadduwella wi kawa owaninyunko kineeroowa ni madaliso manchichi a Khrisitu.

1 Akorinto 12:27

Attheenenyu tti mwiilli wa Khrisitu nave arive muthu tti echiwalo ya mwiillooyo.

1 Akorinto 12:7

Arive muthu oovahiwa emphaso ddoovenyera wa Munepa wi attheene epindulena.

1 Akorinto 14:12

Vawi murimaanyu ori va waakhella emphaso dda Munepa, munaphwanella weeseesa ollipihella ophara mutteko va nnddo ddinakavihera omaka mpingo.

1 Akorinto 14:14

Vawi kaavekellaka mu ellotello ddoohidduwanyeya, munepaaka onnavekella koma maganizwaaka kheneeravo ello.

1 Akorinto 14:26

Asinnaka ni arokoraka, ella sika kinaakeemi. Mwaatthukumanaka wi muvekelleke, muthu mmodda okhalla ni nchipo, mmodda ni yoohuddiha, mmodda ni yawuupullulla yoovenyera wa Mulluku, mmodda ni othenga wa mu ellotello ddoohidduwanyeya navettho mmodda okhalla ni yoottaphullella ddinallotiwa nnddo. Erive ello enaphwanella ddikhalleke yoollipiha mpingo.

2 Akorinto 12:19

Apaalle munaganiza wi enthawi ettheene ninakhallella wiiteteza weekhiihu vamiitthoni vanyu. Khe ddiiddo! Koma ninallota mu eyaattano ni Khrisitu vamiitthoni va Mulluku. Nave akhwiihu ookondiwa, erive ello ninallota wi nuullipiheni.

2 Akorinto 13:11

Asinnaka ni arokoraka, hallani phaama! Mullipihelleke okhalla aphaama wunchichi, mwiiwellelleke nnddo kinuuvekeemini, mwiiwananeke mmodda ni mukhwaaye, mukhalleke m'murendelleni. Vano Mulluku a echikondi ni murendelle aneerokhalla ni nyuwaano.

2 Akorinto 13:9

Ninnahakallalla wi hiyaano naafookaka nyuwaano munnakhalla ni masiva. Nave ninnavekellattho wi mukhalle aphaama wunchichi.

2 Akorinto 3:8

nave ntitimiho nookhalla ni ddeko ddoovenyera wa Munepa tti nawunnuwa mwawiidde!

2 Akorinto 4:1

Mulluku mu echifundwaaye oonivaha mutteko yoolla wi niphare, sika vano khenitathilla murima.

2 Akorinto 5:18

Ddittheddenenndda ddineeriwa ni Mulluku, oyo oweella mwa Khrisitu aanattaniha ni yeekhaaye. Nave aanivaha mutteko woowaattaniha athu amodda ni olliyooyo.

2 Akorinto 6:3

Khaninapaalla wi arive muthu aphwanyelle muttekwaahu yoonanara. Sika ninneeseesa wi nihihiye yoolepheliha va ettilla ya arive muthu.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

Aefeso 1:23

Mpingo tti mwiilli wa Khrisitu, wooddalliwa ni olliye oyo anakwakhwaniha ddeko ddittheddene mwa arive muthu.

Aefeso 4:16

Ovenyera mwa muroolla, mwiilli muttheene onnamakellelliwa nimodda nave onallipihiwa ni mookumanella eziwalo. Sika erive echiwalo yaphara mutteko moophwanellella, mwiilli muttheene onunnuwa ni wiillipiha oweella mu echikondi.

Aefeso 4:29

Muwano mwanyu muhikhumeke mawu oonanara koma mawu aphaamave wi mwaallipiheke athu amodda oopaalleya ollipihiwa. Sika wi mawaanyu ekhalleke aphaama wa athu awiiwa mawaayo.

Aefeso 4:4

Vookhalla mwiilli mmodda ni Munepa mmodda, wonankottho mmo mwavaheriweenyu otiyera omodda mvo Mulluku aawiithanilleeyeni.

Akolose 1:24

Nave vano koohakallalla ni ddoohoosa ddaka ekaamba ya nyuwaano vawi kinnavirellella ohoosiwa wonanko Khrisitu ekaamba ya mwiillaaye, oyo ori mpingo.

Akolose 1:28

Sika ninnallalleya dda Khrisitu wa arive muthu. Ninnachenjeza ni ohuddiha ni ezeru ddittheddene wi niweena arive muthu vamiitthoni va Mulluku ari oowaraalla mu eyaattano ni Khrisitu.

Akolose 4:17

Nave mullote wa Arkipo wi, “Woonesese wi ovirellelle ophara mutteko wa waarumeyella Apwiya oyo wavahiwiiwa ophiyera omanlle.”

1 Timoteo 1:12

Kinamuthokoza Khrisitu Yesu Apwiihu oyo akivahille masiva va muttekwaakoolla. Kinamuthokozattho vookeerani oororomelleya ni okitthoolla wi kimurumeyelle,

2 Timoteo 4:11

Lukave sika ari ni miyaano. Omukuse Mariko awe vamodda ni weyaano kaambiiwa aneerowora okikavihera va muttekoolla.

2 Timoteo 4:5

Nave weyaano awiithaalla mu ddittheddene, ovillelleke ddoohoosa, ophareke mutteko woollalleya othenga waphaama nave okwakhwanihe orumeyella wawo.

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

Aheberi 6:1

Vano hankoni nivirellelle ni mahuddero awooniha owaraalla. Noonjerere mahuddero mamodda vaddullu va mahuddero awaamba a dda Khrisitu. Nihikeraattheyettho va ddawaamba nnddo ddiri matthipello awi orukunuwe murima ohiya mitteko ddoohivaha okumi woohimalla, dda waamba omukhulupilila Mulluku,