Aefeso 3:4 - Mawu a Mulluku

⁴ nave mweerenga nnddo kilembelleemi, muneerodduwella dda wiiwesesa waka wa yoovittheya ya Khrisitu.

Aefeso 3:4 Iomraidhean Croise

Mateyu 13:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo khonavahiwe.

Luka 8:10

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo kinaallotella m'maphwanaphwanihoni wi woona yooneke koma ehidduwelleke nave wiiwa yiiweke koma ehiiweseseke.

Aroma 11:25

Asinnaka ni arokoraka, vookhalla yookhuweya eyo kinapaalleemi wi mudduwelle vawi muneeseke wi nyuwaano tti eezeru. Aisraele amodda yahummiha murima. Nave enaakhalleve ddiiddo ophiyera echiwerengero ya athu ayo ehiri Aisraele oowa wa Mulluku ekwakhwanne.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

1 Akorinto 13:2

Naari kirina emphaso ya onamallotella naari kidduwellaka ddittheddene ni wiiwesesa ddoovittheya ddittheddene; naari kirina echikhulupililo yuullupalli yoowora osusa miyaango koma kaahikhalla ni echikondi, nginna mutteko.

1 Akorinto 4:1

Vano athu enaphwanella eneereke hiyaano oorumeyella a Khrisitu oopwatha ddookhuweya ddoovenyera wa Mulluku.

2 Akorinto 11:6

Apaalle miyaano nginna eruso yoollota koma kookhalla ni eruso yoodduwella. Vawi noowoonihani yeella phaamaddene enthawi ddittheddene ni mu ddeko ddittheddene.

Aefeso 1:9

Mulluku aheera yoolinga eyo apaalleeye weera nave aanilleella yoolinga yoovittheya eyo aganizalleeye wi amallihe mwa Khrisitu.

Aefeso 3:3

Mulluku ahuupullulla yoolingaaye yoovittheya. Koolemba dda yeella mookhuveyiha,

Aefeso 3:9

nave owoonihella athu attheene mmo yoolinga yoovittheya ya Mulluku eneeriiwa yeereyelle. Mulluku oyo tti oophatusa ddeko ddittheddene aakhuwa yoovittheyaaye enthawi ettheene yakhalle,

Aefeso 5:32

Mawu a Mulluku yaalla enuupullulla yoovittheya yuullupalli nave enallota dda Khrisitu ni mpingo.

Aefeso 6:19

Nave mukivekellellekettho miyaano wi Mulluku akivahe othenga kaallalleyaka wi killoteke moollipa murima nave wi yookhuweya ya othenga waphaama edduwelliwe.

Akolose 1:26

yeeyo tti yookhuweya ahimulleelleeye arive muthu khalle koma vano ohuupullulla wa athwaaye.

Akolose 2:2

Kineera ddenndda wi ellipihiwe murima ni wi yaattaneke mu echikondi nave wi ekhallena eyuuma ya osimikizella wookwakhwana nko onawa ni wiiwesesa wawoona. Mwawi ddiidda eneerodduwella yookhuweya ya Mulluku wi tti Khrisitu yooyo.

Akolose 4:3

Nave munivekellelleke hiyaanottho wi Mulluku anihullelle mullako wi nillalleye othenga wa yoovittheya ya Khrisitu. Vawi miyaano vano kiri mundende ekaamba ya yeeyo.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

1 Timoteo 3:9

enaphwanella ekhalleke athu a yawuupusella murima yaphaama voopharesesani echikhulupililo eyo Mulluku uupullullalleeye.