Aefeso 3:12 - Mawu a Mulluku

¹² Mu eyaattano ni Khrisitu ni oyeella mu echikhulupilwaahu mwa olliye, ninnallipa murima oya vamiitthoni va Mulluku moohikayikella.

Aefeso 3:12 Iomraidhean Croise

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Aroma 3:22

Koma Mulluku annaalungamiha athu ekaamba ya echikhulupililwiiwa mwa Yesu Khrisitu. Mulluku aneera yeella wa athu attheene enakhulupilila mwa Khrisitu kaambiiwa khuwaavo ohiyana variyari va Ayuda ni athu ayo ehiri Ayuda.

Aroma 5:2

Kaambiiwa naamukhulupilila Yesu Khrisitu aaneeriha wi noonena echisomo ya Mulluku, eyo eri matthipellellwaahu. Nave vano ninnahakallalla wi ninnatiyera okhalla ni ntitimiho na Mulluku!

2 Akorinto 3:4

Ninallota yeella kaambiiwa oweella mwa Khrisitu ninnasimikiza yeella vamiitthoni va Mulluku.

Aefeso 2:18

Vawi oweella mwa Khrisitu hiyaano attheene, Ayuda ni athu ayo ehiri Ayuda ninnawora owa wa Attiitthiihu mu Munepa Waweella mmoddamoddave.

Aheberi 10:35

Sika muhinatathilla ollipa wanyu murima vawi muneerothuviwa wuullupalli.

Aheberi 3:6

Koma Khrisitu tti oororomelleya wonanko mwaana oolamulella enyumba ya Mulluku. Hiyaano sika enyumba ya Mulluku, nallipa murima ni okhulupilila nnddo ninatiyereehu.

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.

1 Yohane 2:28

Ddawoona, anaaka, mukhallekeve mu eyaattano ni olliyooyo wi ooneya nineerokhalla oollipa murima nave khaniipittha ekaamba yoowulliwa muru vamiitthoni vaye va Nllapo anaweeye.

1 Yohane 3:21

Sika vano, akhwaaka ookondiwa, murimaahu waahinivaanya nineerollipa murima vamiitthoni va Mulluku.