Aefeso 3:11 - Mawu a Mulluku

¹¹ Mulluku aheera ddenndda moollikana ni yoolinga yakhallekhalle eerilleeye mwa Khrisitu Yesu Apwiihu.

Aefeso 3:11 Iomraidhean Croise

Yobu 10:13

Koma nndda mwaaddivittha m'murimani mwanyu, koodduwella wi ella yaari yoolingaanyu.

Yeremiya 51:29

Ellapo yavatthi enimatthukumella, enimanyiphireya ekaamba ya ovoreya vawi Apwiya enakwakhwanihella nnddo Apwiya yaganizalliiwa ddoomutthattusa Babiloni echipululu, ellapo yoohikhalla ni athu.

Aroma 9:11

Nave wi otthoolliwa wa mwaana mmodda wooneye wi yaari yoolinga ya Mulluku, Mullukooyo aallota wi, “Muullupallooyo aneerekomurumeyella mung'onong'onooyo.” Aallotille ddenndda ehinayariwe, ehineere erive ello naari yaphaama apaalle yoonanara. Sika otthoolla wa Mulluku waari moollikana ni wiithaniwa wa mmoddooyo, ohiri moollikana ni erive ello yenriiwa.

Agalatiya 5:24

Nave ayo eri a Khrisitu Yesu aatthomeya vamutandani omuthwiiwa ni ddoopaalla ddiwa ni minkhella ddiwa.

Aefeso 1:11

Ddeko ddittheddene ddineereya moollikana ni yoolinga ni opaalla wa Mulluku. Nave mulluku aanitthoolla hiyaano wi nikhalle athwaaye mu eyaattano ya Khrisitu ekaamba ya yoolingaaye moollikana ni eyo aaganizalleeye ovenyera vawaamba.

Aefeso 1:4

Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

Aefeso 1:9

Mulluku aheera yoolinga eyo apaalleeye weera nave aanilleella yoolinga yoovittheya eyo aganizalleeye wi amallihe mwa Khrisitu.

Aefeso 3:1

Ekaamba ya yeella, miyaano Paulo a mundende ekaamba ya Khrisitu Yesu, kinuuvekellelleemini wa Mulluku nyuwaano athu ayo ehiri Ayuda.

2 Timoteo 1:9

Olliye aanivullusa nave aaniithana wi nikhalle athwaaye, ohiri ekaamba ya mitteko ddahu koma ekaamba ya yoolingaaye ni echisomwaaye. Aanivaha echisomo mwa Khrisitu Yesu enthawi ehinaambe.