Aefeso 2:8 - Mawu a Mulluku

⁸ Vawi mwaavullusiwa ekaamba ya echisomo oweella mu echikhulupililo. Khehiyo ekaamba ya ollipihella wanyu koma tti emphaso ya Mulluku.

Aefeso 2:8 Iomraidhean Croise

Mateyu 16:17

Nave Yesu ahaakhulla wi, “Tti oodalisiwa weyaano, Simoni mwaana a Yona vawi khe muthu uupullullalle ddawoonanndda wa weyaano koma Attiitthaaka ooddullu.

Mateyu 20:9

Athu yaambille mutteko enthawi ya 5 koloko yahaakhella nikobiri nimodda arive muthu.

Mariko 16:16

Oyo anaakhulupilile nave abatiziwa aneerovullusiwa koma oyo ahinaakhulupilila aneerollakiwa.

Luka 7:50

Nave Yesu aallota wa mutthiyanooyo wi, “Echikhulupilwaawo yohuuvullusa, rowa ni murendelle.”

Yohane 3:36

Oyo anamukhulupilila mwaana ookhalla ni okumi woohimalla koma oyo ahinamukhulupilila Mwaana khakhalla ni okumi nave Mulluku khahiya omullaka olliyooyo.

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

Yohane 5:24

“Ddawoona, kinimuulleellani wi, oyo aniiwa ni wiiwellella mawaaka nave anakhulupilila mwa yooyo aakirumalle ookhalla ni okumi woohimalla. Yoolla kheeruziwa koma ookhuma khalle wa ookhwa avollowa mu okumi.

Yohane 6:35

Yesu ahaalleella wi, “Mi tti buledi oovaha okumi; oyo anawa wa miyaano khavolliwattho ettalla nave oyo anakikhulupilila miyaano khavolliwattho nthona.

Yohane 6:37

Arive muthu oyo Attiitthaaka yakivahilliiwa aneeroowa wa miyaano. Nave arive muthu oyo anawa wa miyaano ngimukhoota.

Yohane 6:40

Vawi opaalla wa Attiitthaaka tti wawi arive muthu oyo anakoona miyaano ni okhulupilila mwa olliyooyo, akhallena okumi woohimalla. Nave va nllapo noomallihella kineerewaavenyiha wa ookhwa.”

Yohane 6:44

Khaavo muthu anawora owa wa miyaano, Attiitthaaka, ayo yakirumalle miyaano, yaahimuhoollella wa miyaano. Nave va nllapo noomallihella kineeromuvenyiha wa ookhwa.

Yohane 6:65

Nave aallotattho wi, “Ekaamba ya yeella kahuulleellani wi khaavo muthu anaawore owa wa miyaano Attiitthaaka yaahimuvaha olamulello wawi awe.”

Mitteko 13:39

Koma oweella mwa Yesu arive muthu oyo anakhulupilila aneerottaphulliwa.

Mitteko 14:27

Yaphiyalliiwa o Antiyokeya, yahaatthukumaniha athu a mpingo vamodda yaalleella ddittheddene Mulluku eerilleeye oweella mwa alliwaayo. Nave yahaalleellattho mmo Mulluku aworelleeye wi athu ayo ehiri Ayuda ekhulupilile.

Mitteko 15:11

Khe ddawoona! Ninnakhulupilila wi nineerovullusiwa wonanko alliwaayo oweella mwa echisomo ya Apwiya Yesu.”

Mitteko 16:14

Mmodda a atthiyana yaniiwella nillotaka aari Lidiya, mutthiyana oovenyera o Tiyatira, oyo aari ookulliha ekuwo ddooreera ddoofiira. Aari mutthiyana oomullapella Mulluku nave Apwiya yaamuhoollella wi iiwesese mawu yallotiwa ni Paulo.

Mitteko 16:31

Paulo ni Sila yaamwaakhulla wi, “Khulupilila mwa Apwiya Yesu nave oneerovullusiwa, weyaano ni nibanja nawo.”

Aroma 10:14

Koma enaawiithane mwawiidde alliwaayo ehinaakhulupilile? Nave enaakhulupilile mwawiidde ehiniiwe othenga? Nave eniiwe mwawiidde othengooyo ohinallalleyiwe?

Aroma 10:17

Sika vano muthu anakhalla ni echikhulupililo ekaamba yawiiwa othenga nave othengooyo onaphiya oyeella mu omullalleya Khrisitu.

Aroma 4:16

Sika lonjezo naakeraatthihiwa va echikhulupililo nave lonjezonno ninasimikiza wi tti echisomo ya Mulluku wa edduullu ddittheddene dda Abrahamu, ohiri wa athuve eniiwellella malamulo komattho wa ayo enakhulupilila wonanko mmo Abrahamu eerilleeye. Vawi Abrahamu tti nikhollo na hiyaano attheene ookhulupilila,

Aroma 4:5

Koma oyo ahinakhulupilila mitteko ddaye koma Mulluku oyo anaalungamiha athu oochimwa, aneerewaakhullelliwa wi tti oolungama ekaamba ya echikhulupililwaaye.

Aroma 9:16

Sika vano erive ello kheneereya moollikana ni opaalla wa athu apaalle mitteko dda athu koma moollikana ni echifundo ya Mulluku.

Agalatiya 3:14

Khrisitu Yesu aheera ddenndda wi madaliso ayo Mulluku aalonjezilleeye wa Abrahamu evahiwe wa athu a mitundu ddittheddene oweella mwa Khrisitu. Vano wi oweella mwa echikhulupililo naakhelle Munepa waalonjeziwe ni Mulluku.

Agalatiya 3:22

Koma mawu a Mulluku enallota wi ellapo yavatthi ettheene eri mu masiva a machimo. Sika vano emphaso yalonjeziwe vookhulupililani mwa Yesu Khrisitu enavahiwa wa ayo enakhulupilila.

Aefeso 1:19

nave opambana wa wunnuwa wa masivaaye onaphara mutteko mwa hiyaano oomukhulupilila. Masiva yaalla enaphwanaphwana ni masiva muullupallaalle

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

Aefeso 2:5

vawi naariihu ookhwa m'munepani voohiiwellellani aanivenyiha vamodda ni Khrisitu. Echisomo ya Mulluku sika yuuvullusalleni.

Afilipi 1:29

Vawi moovahiwa ekari ohiri vookhulupililanive mwa olliye komattho ohoowa ekaamba ya olliye.

Akolose 2:12

Vawi mwabatiziweenyu, mwaavitthiwa vamodda ni Khrisitu nave mu obatizo mwaavenyihiwattho ni Khrisitu oweella mu echikhulupilwaanyu mu masiva a Mulluku, oyo amuvenyihalle wa ookhwa.

2 Atesalonika 1:9

Yaayo eneerollakiwa ni woonongiwa woohimalla ni waamwallaniha vamiitthoni va Apwiya ni ntitimiho naye ni masivaaye,

Aheberi 6:4

Ethiyo vano enaaweereyelle tti tini ayo enahiya echikhulupililwiiwa? Vawaamba yahaakhella owala wa Mulluku, yaallawiha emphaso ddooddullu nave yahaakhellana Munepa Waweella,

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.