Aefeso 2:4 - Mawu a Mulluku

⁴ Koma echifundo ya Mulluku tti yawaata nave echikondaaye va hiyaano tti yuullupalli,

Aefeso 2:4 Iomraidhean Croise

Nehemiya 9:17

Yaakhoota wiiwellella nave kheyuupuwella ddoottikhiniha mweerilleenyu variyari viwa. Yahummiha mirima ddiwa nave yahiitthoollella owaahoollella wi ehokollweellettho wuukaporoni o Iguputo. Koma nyuwaano tti Mulluku ookhululukella, a murima waphaama, eechifundo, oohisha murima mwawaakuva, eechikondi yoohisintheya khemwaawaatathillalle.

Masalimo 145:8

Apwiya tti eechifundo ni ooreera murima, oohisha murima mwawaakuva, ooddalla ni echikondi yoohisintheya

Masalimo 51:1

Nyu Mulluku mukeerelle echifundo, moollikana ni echikondaanyu yoohisintheya. Muvuhellelle machimwaaka, moollikana ni echifundwaanyu yuullupalli

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

Eksodo 33:19

Vano Apwiya yahaakhulla wi, “Kineerowooniha oreera murima waka ottheene nave kineeroromolla nnddina naka nawi Apwiya vamiitthoni vawo. Kineeromweerella echifundo arive muthu kinapaalleemi omweerella. Nave kineerommorella ethakaraka arive muthu kinapaalleemi oommorella.”

Yesaya 63:7

Kineerollota dda echikondi yoohisintheya ya Apwiya, kineerewaatitimiha ekaamba ya ddittheddene eneerenlliiwa. Ahaadalisa wunchichi athu a o Israele, voothwarani echifundwiiwa ni wunnuwa wa echikondiiwa yoohisintheya.

Yeremiya 31:3

mi kaawooneyella kiri voorekamella. Nyu Aisraele, kinnuukondani ni echikondi yoohisintheya nave kinnavirellella ni echikondaaka yoohisintheya wa nyuwaano.

Daniele 9:9

Apwiya Mullukwaahu, muri eechifundo navettho ookhululukella naari nuuwukinleni.

Yona 4:2

Sika aavekella wa Apwiya wi, “Nyu Apwiya, khe ddenndda kaakeeminndde kiri owaaniwulle? Miyaano kaheeseesa othawella o Tarishishi ekaambeene yeella. Kaadduwella wi nyuwaano tti Mulluku ooreera murima, awaata ni echifundo ni echisomo. Mookhalla ni echikondi yoohisintheya navettho munnakhululukella machimo enthawi ddittheddene.

Luka 1:78

Ekaamba ya echikondi ni echifundo ya Mullukwaahu, owala woovenyera oddullu oneerokhuma ni oniwalella hiyaano.

Aroma 10:12

Nndda tti dda arive muthu kaambiiwa khuwaavo ohiyana variyari va Ayuda ni athu ayo ehiri Ayuda vawi attheene eri ni Apwiya amodda a athu attheene nave annaadalisa wunchichi attheene enamwiithana olliyooyo.

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

Aroma 5:8

Koma Mulluku ahooniha echikondaaye va hiyaano kaambiiwa Khrisitu aanikhwella naariihu oochimwa.

Aroma 9:23

Nave apaallattho wuupullulla waata wa ntitimiho naye, nno niithellelliwe va hiyaano aneerelleeye echifundo, ayo ekhoziwe moovallallella wi yaakhelle ntitimiho naye.

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Aefeso 2:7

Enre ddenndda wi oonihe opambana wawunnuwa wa echisomwaaye enthawi ettheene ya muhoollo mu echikondi ananooniheeye mwa Khrisitu Yesu.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

2 Atesalonika 2:13

Asinnihu ni arokorihu ookondiwa ni Apwiya, hiyaano ninaphwanella omuthokoza Mulluku enthawi ddittheddene ekaamba ya nyuwaano. Vawi Mulluku ahuutthoollani wi mukhalle awaamba ovullusiwa oweella mwamasiva a munepaaye ni mwa echikhulupilwaanyu mu yawoona wi mukhalle athwaaye aweella.

1 Timoteo 1:14

Nave Apwiihu yahiithellella echisomwiiwa yinchichi va miyaano, ekivahattho echikhulupililo ni echikondi nnddo ddiri ddahu oweella mwa Khrisitu Yesu.

2 Timoteo 1:9

Olliye aanivullusa nave aaniithana wi nikhalle athwaaye, ohiri ekaamba ya mitteko ddahu koma ekaamba ya yoolingaaye ni echisomwaaye. Aanivaha echisomo mwa Khrisitu Yesu enthawi ehinaambe.

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.