Aefeso 2:3 - Mawu a Mulluku

³ Hiyaano attheene naari wonanko yaayo nave naaniiwellella minkhella dda omuthwaahu, weera ddoopaalla ddittheddene dda miilli ddahu ni maganizwaahu. Kaambiiwa hiyaano niri wonanko arive muthu, naaphwanella ohoosiwa ni osha murima wa Mulluku.

Aefeso 2:3 Iomraidhean Croise

Genesis 5:3

Adamu ari ni miyakha 130 aamuyara mwaana oophwanaphwana ni olliye, nnddina naye Seti.

Genesis 6:5

Apwiya vawoonani wi athu a va ellapo yavatthi aananara mwawoopiha navettho wi mirima ddiwa tti ddooddalla ni maganizo oonanara,

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Yobu 14:4

Ethiyo ttaani anaakhumihe yaphaama mu yoonanara? Khaavo naari mmodda.

Yobu 25:4

Ethiyo muthu ttuulungama mwawiidde vamiitthoni va Mulluku? Ethiyo ooyariwa mwa mutthiyana aneelle mwawiidde?

Masalimo 51:5

Ddawoona, kaayarelliwa mu machimo, kaakhalla mu machimo waambeella mvo amoowaaka yakusalliiwa erukullu ya miyaano.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Mariko 4:19

vawi ennaviheeriwa ni dda va ellapo ni okonda eyuuma ni minkhella dda ddoohiyanahiyana. Othengooyo onnakhuneelliwa sika khonakhalla ni ezipaso.

Yohane 1:13

Okhalla mwaana a Mullukunngu khawaavenyenre mu oyariwa woomuthwiiwa apaalle o opaalla wa mwiilli apaallettho o opaalla wa muthu koma wavenyenre wa Mulluku.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Mitteko 14:16

Khalle ahaahiya athu attheene wi yeereke ddoopaalla ddiwa.

Aroma 1:24

Sika Mulluku ohaahiya athu yaalla wi yeereke ddeko ddoonanara voothwarani minkhella dda mirima ddiwa wi yeerellaneke ddeko ddoowulliha muru.

Aroma 11:30

Nyu athu ayo ehiri Aisraele, khamwaamwiiwellelle Mulluku koma ooweerellani echifundo ekaamba yoohiiwellella wa Aisraele.

Aroma 13:14

Koma muwaakhullelle Apwiya Yesu Khrisitu wi ekhalle yoowaraanyu yakhoto. Nave muhiiwellelleke omuthwaanyu voopaallani okwakhwaniha minkhella ddiwa.

Aroma 2:14

Athu ayo ehiri Ayuda khenna malamulo a Mose koma yeeraka ddoollotiwa m'malamuloni mwa weekhiiwa, ennooniha wi aakhalla ni malamulwaayo m'murimani mwiwa.

Aroma 5:10

Naari adani a Mulluku koma nahaattanihiwa ni Mullukooyo oweella mu okhwa wa mwanaye. Sika vawi hiyaano nahaattanihiwa ni Mulluku, ndithu, okumi wa Khristu oneeronivullusa.

Aroma 5:9

Vawi noolungamihiwa ni Mulluku ekaamba ya nikhame na Yesu, vano yookatamiha ttiivi ovullusiwa o osha murima wa Mulluku.

Aroma 6:12

Sika muhaakhullelle wi machimo evirellelle olamulella makhallellwaanyu akhalle wi eweeriheni wiiwellella minkhella ddiwannddo.

Aroma 7:18

Vawi kinnadduwella wi yaphaama khenakhalla mwa miyaano, muthu. Vawi naari kaapaallaka weera yaphaama, nginawora weera.

Aroma 9:22

Ella enaphwanaphwana ni nnddo Mulluku eerilleeye. Apaalla wi oonihe osha murima waye vamodda ni masivaaye. Nave aavillella ni waalleva wunchichi athu ayo yaamushihalle murima, oophwanella woonongiwa.

1 Akorinto 4:7

Ttaani aweerilleni nyuwaano uullupalli a athu amodda? Khahiyo Mulluku uuvahilleni erive ello muriinyuna? Vano muniitukhullella tini, wonanko eyo muriinyuna khe emphaso?

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

Agalatiya 3:22

Koma mawu a Mulluku enallota wi ellapo yavatthi ettheene eri mu masiva a machimo. Sika vano emphaso yalonjeziwe vookhulupililani mwa Yesu Khrisitu enavahiwa wa ayo enakhulupilila.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

Aefeso 4:22

Sika muhiye makhallellwaanyu akhalle ayo yaweerihalleni wi mukhalleke mwawi ddiiddo, makhallellwaanyu akhalle ayo yuntihiwe ni minkhella ddoolleka.

Akolose 1:21

Khalle nyuwaano mwaarekamellana ni Mulluku nave mwaari adanaaye ekaamba ya machimo mweenreenyu ni mwaaganizalleenyu.

1 Atesalonika 4:13

Asinnihu ni arokorihu, ninapaalla wi mudduwelle ddawoona dda ookhwa wi muhikhupanyeke wonanko ayo ehinna yootiyerella.

1 Atesalonika 5:6

Sika vano nihikoneke wonanko amodda ayo koma muvenyeke nave mukhalleke oowehera.

1 Timoteo 6:9

Nave ayo enapaalla okhalla eeyuuma eneereweesiwa nave ennamakiwa m'millapani dda minkhella ddinchichi ddoovoreya ni ddookarangeya. Ddenndda ddinnaweeriha athu ovollowa mu ddoohoosa ni ddawoononga.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

1 Petro 1:14

Mumwiiwellelleke Mulluku, okumaanyu ohilamulelliweke ni minkhella mwathwareenyu khalle moohidduwella.

2 Petro 2:14

Enthawi ddittheddene miitthwiiwa enakhalla va weera ddooraruwa nave minkhella ddiwa ddoochimwa khaddinakwakhwanihiwa. Ennaalleka athu oohikeraattheya. Mirima ddiwa ddaahuddihiwa okhalla a nrima. Tti ootembeleliwa ni Mulluku!

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.

1 Yohane 2:16

Erive ello enakhalla mu ellapo yavatthi wonanko minkhella ddoonanara, ddoopaalla dda athu ni nnddo enooniiwa ni erive ello ya mu ellapweella eyo athu enakotelliiwa, ddittheddenenndda khaddinavenyera wa Attiitthiihu koma ddinavenyera mu ellapo yavatthi.

1 Yohane 2:8

Koma lamulo kinuulembelleemini vano tti na naanweenettho nave yawooniiwa ennooneya mwa Khrisitu navettho mwa nyuwaano. Vawi epiphi enimamalla nave owala wawoona onnamolleella.