Aefeso 2:12 - Mawu a Mulluku

¹² Va enthawi yeeyo khamwaarina Khrisitu. Mwaari alleto nave khamwaari mmodda a athu ootthoolliwa a Mulluku. Nyuwaano khamwaapwesereriwemo mu echipangano eyo yaalonjeziwe ni Mulluku wa athwaaye. Nave mwaakhalla mu ellapo yavattheella muhinna otiyera navettho muhinna Mulluku.

Aefeso 2:12 Iomraidhean Croise

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

2 Epilli 15:3

Vawi wa enthawi yoorekama Aisraele kheyaarina Mulluku awoona nave kheyaarina mullupa mukutho owaahuddiha navettho kheyaarina malamulo,

Ezara 4:3

Koma Zerubabele, Yeshuwa ni amodda oohoollella mabanja a Israele yaawaakhulla wi, “Yaanyu khayiivo wi ttuumakellattho nimodda enyumba ya Mullukwaahu. Koma weekhiihu nineerewaamakellattho Apwiya Mulluku a Israele moollikana ni mmo Kirusi mwene a o Persiya aanilamulelleehu.”

Eksodo 12:45

Mullupa muttekwaanyu oyo ahiri Muisraele ahiche.

Yesaya 14:1

Apwiya eneereweerella echifundo nibanja na Yakobo, eneerewaatthoollattho Aisraele ni owaakhullella wi ekhallettho mu ellapwiiwa. Athu ayo ehiri Aisraele eneerokhalla nimodda ni ollundellelleyana ni nibanja na Yakobo.

Yesaya 44:6

Apwiya, Mwene ni Oowoopolla a Israele, Apwiya Amasiva Mattheene enallota wi, “Mi tti awaambeella ni oomallihella, khaavottho Mulluku mmodda koma meekhave.

Yesaya 45:20

Apwiya enallota wi, “Tthukumanani vamodda nave muwe. Nyu attheene mwavulluwalle wa athu a mitundu ddimodda, susellani vakhuviru. Khenna ezeru athu ayo enatukhulla mafano amiteekho, enavekella wa milluku ddoohivullusa.

Yesaya 61:5

Alleto eneerekewuurumeyellani, eneerekochiha eziweto ddanyu, eneerekollima emata ddanyu navettho emata ddanyu ddampesa.

Yeremiya 14:8

Nyu Apwiya tti etiyerello ya Israele, oovullusaaye va enthawi ya ddoohoosa. Kaambiiwa tini munakhalleenyu wonanko mulleto mu ellapo ella, wonanko avoolendoni ookona mahiiyu mamodda?

Yeremiya 17:13

Nyu Apwiya, etiyerello ya Israele, attheene awuukhootani eneerowullihiwa muru. Attheene awuuhiyani eneerothiimihiwa wonanko manddina oolembiwa muthayani ekaamba yawaahiya Apwiya, neetuutu ookumi.

Ezekiele 13:9

Kineerewaallaka anamallotella ayo enoona m'masomphenya awoottha ni awoombesa moohollosa. Khekhallana va mutthukumano wa athwaaka. Kheyeerengelliwa nimodda ni Aisraele nave khehokollweella mu ellapo ya Israele. Sika muneerodduwella wi mi tti Apwiya Mulluku.’

Ezekiele 37:26

Kineerokeraatthihana echipangano yamurendelle. Echipangano yeella eneerokhalla yayiwa wa enthawi yoohimalla. Kineerewaakeraatthiha ni Waaruuwiha nave kineerohiya enyumbaaka variyari viwa wa enthawi yoohimalla.

Ezekiele 47:22

Muyikawe wi ekhalle yoohallanaanyu. Ekhallettho ya alleto ayo eri variyari vanyu, yaayarelle anamwani variyari vanyu. Alletwaayo eneerokhalla ni nyuwaano wonanko aneetthi a mu Israele. Eneerovahiwa yoohallaniiwa vamodda ni nyuwaano.

Hoseya 3:4

Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*

Numeri 18:19

“Ddoovelleella ddoopatuleya ddittheddene nnddo Aisraele enaddivelleelliiwa wa Apwiya kohuuvaha weyaano, anaawo aallopwana ni anaawo aatthiyana ayo eri ni weyaano. Ddennddo ddikhalle ddaawo. Yeella sika echipangano ya wa enthawi yoohimalla variyari va mi Apwiya ni weyaano ni edduullu ddawo.”

Luka 1:72

Aaweerella echifundo makhollwaahu nave ahuupuwella echipanganwaaye yaweella.

Yohane 10:16

Nave kookhallattho ni enkhosa ddimodda ddoohikhalla dda nikhollanna. Kinaphwanella kiddikusettho ddenndda nave ddineerewiiwa mawaaka. Ddineerokhalla mulloko mmodda ni ddimoddannddo ni mbusa mmodda.

Yohane 15:5

“Mi tti muteekho wa mpesa nave nyuwaano sika enthambi. Ayo enakhalla mwa miyaano nave miyaano mwa alliwa oneerewimma ezipaso vawi khamuwora weera ello kaahikhallavo miyaano.

Yohane 4:22

Nyuwaano Asamariya khamunamudduwella oyo munamullapelleenyu koma hiyaano Ayuda ninnamudduwella oyo nnamullapelleehu kaambiiwa ovullusa onavenyera wa Ayuda.

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Mitteko 28:20

Ekaamba ya yeella koowiithanani wi killote ni nyuwaano vawi kimakiwalle ni onyoloolla ekaamba ya oyo ari etiyerello ya athu a o Israele.”

Mitteko 3:25

Nyuwaano muri edduullu dda anamallotella nave munnakawanana dda echipangano eyo Mulluku eerilleeye ni makhollwaanyu, allotilleeye wa Abrahamu wi, ‘Mwa edduullu ddawo athu attheene a va ellapo yavatthi eneerodalisiwa.’

Aroma 9:8

Ella enattaphullella wi anamwani ooyariwa mwa omuthu khe anamwani a Mulluku koma anamwani ooyariwa mwa lonjezo na Mulluku sika edduulludduullu ddaye.

Agalatiya 4:8

Khalle khamwamudduwenlle Mulluku, sika mwaari akaporo a ddoophatusiwa ddoohikhalla milluku.

Aefeso 2:19

Sika vano nyuwaano athu ayo ehiri Ayuda khamuhiyottho alleto apaalle athu oovenyera waamodda wene. Nyuwaano tti amodda ni athu a Mulluku navettho nyuwaano tti a nibanja na Mulluku.

Aefeso 4:18

Ezeru ddiwa ddooripihiwa nave kheyaakhellana okumi oyo Mulluku anavaheeye vawi alliwaayo tti oohidduwella navettho tti awummiha murima.

Akolose 1:21

Khalle nyuwaano mwaarekamellana ni Mulluku nave mwaari adanaaye ekaamba ya machimo mweenreenyu ni mwaaganizalleenyu.

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

Akolose 1:5

Nndda ddiri ddiidda kaambiiwa munatiyerella ddeko nnddo ddisungiwe oddullu. Vawi mwahiiwa dda nndda mvo yawoona, eyo tti othenga waphaama, wallalleyiwiiwa wa nyuwaano.

1 Atesalonika 4:13

Asinnihu ni arokorihu, ninapaalla wi mudduwelle ddawoona dda ookhwa wi muhikhupanyeke wonanko ayo ehinna yootiyerella.

1 Atesalonika 4:5

ohiri okhalla ni minkhella ddoonanara, wonanko oohikhulupilila ayo ehinamudduwella Mulluku.

2 Atesalonika 2:16

Ninaaveka Apwiihu Yesu Khrisitu weekhiiwa ni Mulluku Attiitthiihu oyo oonihalle echikondaaye wa hiyaano wi anivahe ollipa murima woohimalla ni etiyerello yaphaama oweella mwa echisomwaaye.

1 Timoteo 1:1

Ovenyera wa miyaano Paulo, murummwa a Khrisitu Yesu moollikana ni olamula wa Mulluku oovullusaahu navettho Khrisitu Yesu, otiyera wahu.

Aheberi 11:34

Amodda yaathiimiha munllo woowalli, amodda yaavulluwa wowiiphiwa ni masupada, yaari oofooka koma yaavahiwa masiva, yaari oollipa okhotoni nave yaawiikariha akhoto eelleto.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Aheberi 8:6

Koma vano, mutteko wookhalla mullupa mukutho oyo wavahiwe wa Yesu tti waphaama ohiyana ni wa allupa mukutho akhallaalle. Vawi olliye tti namunkhoswe a echipangano eyo yaari yaphaama ohiyana ni yakhalleeyo vawi yaamakiwa va lonjezo naphaama noohiyana ni nakhallenne.

1 Petro 1:21

Oweella mwa olliyooyo, munnamukhulupilila Mulluku oyo aamuvenyihalle wa ookhwa nave amuvaha ntitimiho sika vano echikhulupilwaanyu ni otiyera wanyu tti dda va Mulluku.

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

1 Petro 3:15

Koma mumuvaheke olemu Khrisitu m'mirimani mwanyu nave mumutitimiheke wonanko Apwiya. Enthawi ddittheddene mukhalleke ookhozeka omwaakhulla arive muthu anuukohani wi mutthopoolle otiyerella wa echikhulupililwaanyu.

1 Yohane 3:3

Arive muthu anatiyera yeella mwa Khrisitu anaddeelliha yeekhaaye wonanko mmo Khrisitu ariiye aweella.