Aefeso 2:11 - Mawu a Mulluku

¹¹ Nyu athu ayo ehiri Ayuda, ooromolliwa ni Ayuda wi, “Oohiphaddiwa”, Ayuda ayo eniiromolla weekhiiwa wi, “Oophaddiwa”, upuwellani mmo mwakhallelleenyu khalle.

Aefeso 2:11 Iomraidhean Croise

Ezekiele 20:43

Wenko muneerewuupuwella makhallellwaanyu oonanara ni ddoonanara ddanyu ddittheddene mwiiripihalleenyuna. Nave muneerewiisimwella nyookha ekaamba ya ddittheddene nnddo mwaddeerilleenyu.

Ezekiele 36:31

Vano muneerewuupuwella makhallellwaanyu ni mitteko ddanyu ddoonanara. Muneerowulliwa muru ekaamba ya machimwaanyu ni ddoonanara nnddo mwaddeerilleenyu.

Mateyu 20:7

Vano yahaakhulla wi, ‘Khaavo anilembille mutteko.’ Ahaalleella wi, ‘Khaweni nyuwaano mwapharettho mutteko m'matani mwaka.’

Aroma 11:17

Enthambi ddimodda dda muteekho wa olivi wawaalliwa ddahinttakeya nave enthambi ya muteekho wa olivi wa muhakani waamakellelliwavo. Nyu athu ayo ehiri Aisraele muri wonanko muteekho wa olivi wa muhakani nave munnakawanana ddaphaama dda muteekho wa olivi wawaalliwa, Aisraele.

Aroma 2:26

Vano muthu oyo ahiri Muyuda, oyo ahiphaddiwe, iiwellellaka malamulwaayo, ethiyo Mulluku khamweera oophaddiwa?

Aroma 2:27

Athu ayo ehiphaddiwe koma enniiwellella malamulo eneerewuuvaanyihani nyuwaano muri ni malamulo nave moophaddiwa kaambiiwa khamuniiwellella malamulo.

1 Akorinto 12:2

Munnuupuwella wi mwaariinyu athu oohimullapella Mulluku, mwaahollosiwa mu ettilla ddoohiyanahiyana ollapella mafano ddoohikhalla ni okumi.

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Agalatiya 2:15

Ddawoona, hiyaano tti Ayuda ooyariwa ohiri athu oochimwa ayo ehiri Ayuda.

Agalatiya 6:12

Athu ayo enuuwatiherani wi muphaddiwe tti yaayo enapaalla oddoonihella ni okotella eziwalo wi ehihoosiwe ekaamba ya mutanda wa Khrisitu.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

Aefeso 5:8

Khalle mwaari mwiipiphini koma vawi mootthattusiwa athu a Apwiya, muri mu owala. Sika munaphwanella mukhalleke wonanko athu a mu owala,

Deuteronomo 15:15

Muupuwelleke wi nyuwaano mwaari akaporo o Iguputo nave Apwiya Mullukwaanyu yaawoopollani. Ella sika ekaambiiwa kinawinnyeemini lamulo nenna ollellova.

Deuteronomo 16:12

Muupuwelleke wi mwaari akaporo o Iguputo, sika mooneseseke wi muwiiwellelleke malamulwaalla.”

Deuteronomo 5:15

Nave wuupuwelleke wi waari kaporo o Iguputo ni wi Apwiya Mullukwaawo yahuukhumihawo ni muwono wa masiva muullupalli. Ella sika ekaambiiwa Apwiya Mullukwaawo yuulamulelliiwa wi osungeke nllapo na Sabata.

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

Deuteronomo 9:7

“Upuwellani nave muhitiwalle mulle mwaashihelleenyu murima Apwiya Mullukwaanyu muchipululuni. Ovenyera nllapo nne mwakhumalleenyu mu Iguputo ophiyera nllapo nno mwaphiyalleenyu wuno mookhalla mwaawukila Apwiya Mullukwaanyu.

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Akolose 1:21

Khalle nyuwaano mwaarekamellana ni Mulluku nave mwaari adanaaye ekaamba ya machimo mweenreenyu ni mwaaganizalleenyu.

Akolose 2:11

Navettho mu eyaattano ni Khrisitu, mwaaphaddiwa, ohiri ophaddiwa wene oneeriwa ni athu koma ophaddiwa oneeriwa ni Khrisitu, nko wuuttaphunlleni o masiva oomuthu.

Akolose 2:13

Enthawi yeeyo mwaari ookhwa m'munepani ekaamba ya machimwaanyu navettho kaambiiwa khamwaari athwaaye, oohikhalla ni malamulo. Koma Mulluku ahuuvenyihani wi mukhalle akumi ni Khrisitu vookhululukellani machimwaanyu mattheene.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

1 Samuele 17:26

Vano Davide ahaakoha akhoto ayo yaari vakhuviru ni olliyooyo wi, “Ethiyo muthu anaamwiiphe Mufilistoolla ni waavenyiha owulliwa muru Aisraelaalla enaamwinnye tini? Mufilisti oohiphaddiwoolla ttaani wi aavevulleke akhoto a Mulluku Ookumi.”

1 Samuele 17:36

Miyaano kaporwaanyu kohiiphavo mikango ni ezimbalangondo ddene. Vano Mufilisti oohiphaddiwoolla, kineeromwiipha wonanko kiiphelleemi enamanndde vawi anavevulla milloko dda akhoto a Mulluku Ookumi.