Aefeso 2:10 - Mawu a Mulluku

¹⁰ Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

Aefeso 2:10 Iomraidhean Croise

Masalimo 100:3

Dduwellani wi Apwiya tti Mulluku. Yaaniphatusa nave hiyaano tti athwiiwa, tti athwiiwa, enkhosa dda vabusani viwa.

Masalimo 119:3

ayo ehinalakwa, koma eneeta mu ettilla ddiwa.

Masalimo 138:8

Apwiya eneerewoonesesa wi yoolingiiwa va miyaano yoheereya, Nyu Apwiya, echikondaanyu tti yoohisintheya, mukhwaranyihe mutteko mwaambilleenyooyo.

Masalimo 51:10

Mukiphatuselle murima waweella, nyu Mulluku, muhiye mwa miyaano murima wanaanweene ni wookeraattheya.

Masalimo 81:13

Athwaaka yakiiwellelleke, Aisraele yathwanreke ettilla ddaka,

Yesaya 19:25

Apwiya Amasiva Mattheene eneerewaadalisa wi, “Edalisiwe Aiguputo, athwaaka! Edalisiwe Aasiriya, mutteko wa mattaaka! Edalisiwe Aisraele, yoohallanaaka!”

Yesaya 29:23

Yawoona aniiwa variyari viwa, mutteko wa mattaaka, eneerotitimiha nnddina naka naweella. Eneerodduwella wi Aweella a Yakobo tti aweella.

Yesaya 43:21

Yaayo tti athu kiiphatuselleemi, ekiipelleke machipo ookititimiha.”

Yesaya 43:7

arive muthu oyo anadduwelliwa ni nnddina naka, oyo kamphatusalleemi ekaamba ya ntitimiho naka, oyo kamoopilleemi ni ompanga.”

Yesaya 44:21

Apwiya enallota wi, “We Yakobo, upuwella nndda vawi weyaano tti oorumeyellaaka, we Israele. Kahuuphatusa, weyaano tti oorumeyellaaka, we Israele ngiwa kuutiwalla.

Yesaya 60:21

Athwaawo attheene enaakhalle oolungama, ellapweeyo enaakhalle yayiwa wa enthawi yoohimalla. Athwaayo tti enthambi kanlleemi, mutteko wa mattaaka, wi kititimihiwe.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Mateyu 5:16

Emoddamoddave yeeyo owala wanyu wooneyeke vamiitthoni va athu wi vawoonani mitteko ddanyu ddaphaama yaatitimihe Attiitthaanyu ooddullu.

Yohane 3:21

Nave ayo eneera ddawoona ennawa nko ori owala wi owalanko woonihe wi mitteko ddiwa tti ddoomwiiwellella Mulluku.

Mitteko 9:31

Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Mitteko 9:36

Vano mu Yopa mwaakhalla oohuddera aamutthiyana mmodda nnddina naye Tabita. (Mu Egriki nnddina naye ninattaphullella Dorika.) Aaneera mitteko ddinchichi ddaphaama anaakavihera oohoowa

Aroma 8:1

Vano athu ayo enakhalla mu eyaattano ni Khrisitu Yesu khenna mullatu vamiitthoni va Mulluku.

Aroma 8:29

Athu ayo Mulluku aatthoonlleeye khalle, aaweera wi ekhalle wonanko Mwanaye wi Mwaanooyo akhalle awaamba mu nibanja nuullupalli.

1 Akorinto 3:9

Vawi hiyaano tti allupa mutteko akhwaaye a Mulluku nave nyuwaano tti emata ya Mulluku. Nyuwaanottho tti enyumba ya Mulluku.

2 Akorinto 5:17

Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

2 Akorinto 5:5

Mulluku sika anikhozenre ello yeella nave aanivaha munepaaye wonanko echikole.

2 Akorinto 9:8

Nave Mulluku annawora wuuvahani madaliso manchichi nave muneerokhalla ni ddittheddene munapaalleenyu enthawi ddittheddene naari ddookhwaranya wi mwakavihere va orive mutteko waphaama.

Agalatiya 6:15

Ophaddiwa naari ohiphaddiwa khonna mutteko koma okhalla oophatusiiwa anaanweene sika ori ni mutteko.

Aefeso 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku. Kinalembella wa athu a Mulluku o Efeso ookhulupilila ni ayo eri mu eyaattano ni Yesu Khrisitu.

Aefeso 1:4

Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

Aefeso 2:13

Koma vano, mu eyaattano ni Khrisitu Yesu, nyuwaano ayo mwaari voorekamella ni nikhame na Khrisitu mookuselliwa vakhuviru.

Aefeso 2:15

Aheeriha malamulo mattheene a Mose wi ehikhalle ni mutteko ni wi aphatuse mulloko mmodda wanaanweene ovenyera m'millokoni miillinndde mu eyaattano ni olliyooyo wi vikhalle murendelle.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

Aefeso 2:6

Mu eyaattanwaahu ni Khrisitu Yesu Mulluku aanivenyiha navettho anivaha nipuro oddullu vamodda ni Yesooyo.

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

Aefeso 4:24

Nave munaphwanella muware makhallello anaanweene, ayo enaphatusiwa moophwanaphwana ni Mulluku nave makhallellwaalla enuupullulleya oyeella vawoonihellani okumi wa echilungamo ni waweella.

Deuteronomo 32:6

Ethiyo ttuuwaahokollosella ddawi ddiidda Apwiya, nyu athu ookarangeya ni ohikhalla ni ezeru? Ethiyo alliwa khe attiitthaanyu ayo yuuphatusalleni, ayo yuupangilleni ni wuukeraatthihani?”

Deuteronomo 5:33

Mweeteke mu ettilla eyo Apwiya Mullukwaanyu yuulamulalliiwani wi ddeko ddiweetellekeni phaama nave wi enthawi ya okumaanyu erekame mu ellapo eyo munaawaakheenyu.”

Afilipi 1:6

Nave kinimasimikiza wi Mulluku, oyo aambille mutteko waphaama yoolla mwa nyuwaano, aneerovirellella ophara ophiyera akuthullalle va Nllapo na owa wa Khrisitu Yesu.

Afilipi 2:13

kaambiiwa Mulluku anaphara mutteko mwa nyuwaano wi mupaalle nave muwore omwiiwellella.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Akolose 3:10

nave moowara makhallello anaanweene. Nyuwaano tti anaanweene, ayo Mulluku oophatusa, anavirellella wuupotokosani mwanaanweene mu maphwanaphwaniho a yeekhaaye wi mumudduwellesese olliyooyo.

2 Atesalonika 2:17

Nave uullipiheni murima ni wuuvahani masiva wi mweereke ni ollota ddaphaama enthawi ddittheddene.

1 Timoteo 2:10

koma yiireeriheke ni mitteko ddaphaama ddoophwanella atthiyana ayo enamullapella Mulluku.

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.

1 Timoteo 5:25

Emoddamoddave yeeyo mitteko ddaphaama ddinnooneya vaweella nave naari ddimodda ddihinooneye vaweella, khaddiworeya ovittheya wa enthawi yoohimalla.

1 Timoteo 6:18

Waalamulelle wi yeereke ddaphaama, ekhalle ni mitteko ddaphaama ddawaata nave ekhalle ni murima woovaha ni wookonda waakawella amodda.

2 Timoteo 2:21

Mmodda addeelliha yeekhaaye voohiyani ddeko ddoonanara ddittheddene eneerokhalla wonanko yookusella yoolemu, yaweellihiwa ni yoopharihiwa mutteko ni mwaneena a enyumbeeyo, yookhozekella mitteko ddaphaama ddittheddene.

2 Timoteo 3:17

wi muthu oomurumeyella Mulluku akhalle oophwanellella ni ookhozeka weera mitteko ddittheddene ddaphaama.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Tito 2:7

Weyaano okhalleke echisanzo ya makhallello aphaama mu ddittheddene. Ehuddihwaawo ekhalleke yawoona navettho ohuddiheke moolemu.

Tito 3:1

Owuupuseke ookhulupilila wi yiiyeviheke vamiitthoni va attekweene ni oolamulella nave ewiiwellelleke. Navettho ekhalleke ookhozeka ophara mitteko ddaphaama ddittheddene.

Tito 3:14

Athwaahu ehuddere wiivelleella va mitteko ddaphaama vookaviherani va ddoopaalleya wi ehikhalleke oohimma ezipaso.

Tito 3:8

Mawu yaalla tti oororomelleya. Kinapaalla wi ollipihelle ddeko ddenndda wi oomukhulupilila Mulluku yiivelleelleke vaweerani mitteko ddaphaama. Nndda tti ddaphaama ni ddoopinduliha wa arive muthu.

Aheberi 10:24

Nivirellelle wuupuwellana, ollipihana wi noonihe echikondi ni weera ddaphaama.

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

1 Yohane 2:6

Ayo enallota wi erive mu eyaattano ni Mulluku enaphwanella ekhalleke wonanko mmo Yesu Khrisitu akhallelleeye.