Aefeso 1:8 - Mawu a Mulluku

⁸ eyo anivahilleeye mwawaata ddiidda! Mu ezeru ddaye ddittheddene nave wiiwesesa waye,

Aefeso 1:8 Iomraidhean Croise

Masalimo 104:24

Nyu Apwiya, mitteko ddanyu tti ddinchichi, mwaaddipanga ddittheddene mweezeru, ellapo yavatthi yooddalla ni ddoophatusiwa ddanyu.

Miyambo 8:12

Miyaano ezeru, kinnakeraattheya mu wiiwesesa, kinnaphwanya odduwella nave oganiza waphaama.

Yesaya 52:13

Apwiya enallota wi, “Oorumeyellaaka aneeropambana va muttekwaaye, aneerowellihiwa ni otitimihiwa, aneerovahiwa olemu wunchichi.

Mateyu 11:19

Mi, Mwaana a Muthu, kiwiille kaacha ni omuwirya vinyo nave athu yaallota wi, ‘Ngamooneni, muthoolla tti oottutthuwa, oolezela, akhwaayettho tti ookhomiha misonkho ni amodda oochimwa!’ Komave ezeru dda Mulluku ddinooneya wi tti ddawoona oweella m'mittekoni ddiwa.”

Aroma 11:33

Eyuuma ya Mulluku tti yinchichi! Ezeru ddaye ni odduwella waye tti ddoowallamella! Khaavo anaawore wiiwesesa echiweruzwaaye! Khaavo anaawore wiiwesesa ettilla ddaye!

Aroma 5:15

Koma eellaalla khe oophwanaphwana kaambiiwa emphaso ya Mulluku khenaphwanaphwana ni machimo a Adamu. Tti ddawoona wi athu anchichi yaakhwa ekaamba ya machimo a muthu mmoddooyo. Koma echisomo ya Mulluku tti yuullupalli koma emphaso ya echisomo ya Mulluku tti yuullupalli navettho ennaaphiyera athu anchichi oweella mwa muthu mmodda, Yesu Khrisitu.

1 Akorinto 2:7

Ezeru kinalloteemi tti dda Mulluku ddookhuweya nnddo atthoollelleeye ntitimiho nahu ellapo yavatthi ehinaphatusiwe.

Aefeso 1:11

Ddeko ddittheddene ddineereya moollikana ni yoolinga ni opaalla wa Mulluku. Nave mulluku aanitthoolla hiyaano wi nikhalle athwaaye mu eyaattano ya Khrisitu ekaamba ya yoolingaaye moollikana ni eyo aaganizalleeye ovenyera vawaamba.

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Aefeso 1:9

Mulluku aheera yoolinga eyo apaalleeye weera nave aanilleella yoolinga yoovittheya eyo aganizalleeye wi amallihe mwa Khrisitu.

Aefeso 3:10

wi va enthawi yeella, oweella mu mpingo, oolamulella ni masiva ooddullu edduwelle dda ezeru ddaye ddoohiyanahiyana.

Akolose 2:3

Olliye tti yoohullella ya eyuuma yoovittheya ya ezeru ni odduwella wa Mulluku.

Yuda 1:25

wa Mulluku mmoddave yooyo, Oovullusaahu mwa Yesu Khrisitu Apwiihu, okhalle ntitimiho, ottekweene, masiva ni olamulello ovenyera ehinaambe enthawi, ollello ni mallapo mattheene a muhoollo. Amen.

Yawuupullulla 5:12

Nave yaaniipa ni mawu oowella wi, “Mwaanaankhosa iiphiwooyo sika anaphwanella waakhella masiva, eyuuma, ezeru ni ollipa, oriiheya, ntitimiho ni othokoza!”