Aefeso 1:4 - Mawu a Mulluku

⁴ Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

Aefeso 1:4 Iomraidhean Croise

2 Samuele 22:24

Ngaari ni mullatu vamiitthoni vaye kaanaarapa machimo mu okumaaka.

Masalimo 135:4

Ahiitthoollella Yakobo wi akhalle ayiwa, Israele wi akhalle yoohallaniiwa.

Yesaya 42:1

Apwiya enallota wi, “Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka aneeroweeruza athu a mitundu ddittheddene mweechilungamo.

Levitiko 19:2

aalleelle Aisraele attheene wi, “Khallani aweella kaambiiwa mi Apwiya Mullukwaanyu tti aweella.

Levitiko 20:7

Sika vano muddeellihe nave mukhalle aweella vawi mi tti Apwiya Mullukwaanyu.

Mateyu 24:22

Nave Mulluku ahaayevihalleke mallapwaayo, khaavo naari muthu mmodda aavulluwe. Koma ekaamba ya athwaaye ootthoolliwa, Mulluku aneerewayeviha mallapwaayo.

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Mateyu 24:31

Nave kineerewaarumiha angelwaaka ni nipallapata nuullupalli omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Yohane 10:16

Nave kookhallattho ni enkhosa ddimodda ddoohikhalla dda nikhollanna. Kinaphwanella kiddikusettho ddenndda nave ddineerewiiwa mawaaka. Ddineerokhalla mulloko mmodda ni ddimoddannddo ni mbusa mmodda.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Mitteko 13:48

Athu ayo ehiri Ayudaayo yiiwalliiwa ddenndda, yaahakallalla nave etitimiha mawu a Apwiya nave ayo yatthoolliwe wi yaakhelle okumi woohimalla, yaakhalla ookhulupilila.

Mitteko 15:18

Sika Apwiya yaheeriha ddenndda wi ddidduwanyeye khalle.’

Mitteko 18:10

vawi kiri ni weyaano. Khaavo anaawuvoreye vawi anchichi m'muzindanimmu tti athwaaka.”

Aroma 8:33

Ttaani anaawiipe mullatu athu ootthoolliwa a Mulluku? Mulluku mwaneena sika anawoona wi khenna mullatu!

1 Akorinto 1:8

Eneerewuullipihani murima ophiyera va mamallihello wi muhikhalle ni yoochimwa va Nllapo na Apwiihu Yesu Khrisitu.

Agalatiya 5:13

Nave nyuwaano, asinnaka ni arokoraka, muhaakhullelle wi ottaphulliwa wonngu okhalle ekari yawi mulamuliweke ni ddoopaalla dda mwiillaanyu. Nave mukhalle oorumeyellana mmodda ni mukhwaaye mu echikondi.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

Aefeso 3:17

Nave kinaveka wi Khrisitu akhalle m'murimani mwanyu oyeella mu echikhulupililo. Kinavekella wi mutthipelle misisi ni ollipa mu echikondi,

Aefeso 4:2

Enthawi ddittheddene mukhalleke oomaalleya, awiiyeviha ni oovillella. Mooniheke echikondaanyu voollevana.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Aefeso 5:27

wi iivahe yeekhaaye mpingo wookhalla ni ntitimiho, waweella ni woohikhalla ni yoonanara, woohikhalla ni nipamba apaalle mahoonya apaalle erive ello yoohikhalla phaama.

Afilipi 2:15

wi mukhalle oohichimwa ni aweella wonanko anamwani a Mulluku aphaama ayo enakhalla mu ellapo ya athu oonanara ni oolleka. Munaphwanella muwaleke variyari va yaayo wonanko etheneeri ddoowala.

Akolose 1:22

Koma vano oyeella mwa okhwa wa mwanaye wonanko muthu, Mulluku aawaattanihani nyuwaano ni olliye wi mukhalle aweella, oohichimwa ni oohikhalla ni nipamba vamiitthoni vaye.

Akolose 2:2

Kineera ddenndda wi ellipihiwe murima ni wi yaattaneke mu echikondi nave wi ekhallena eyuuma ya osimikizella wookwakhwana nko onawa ni wiiwesesa wawoona. Mwawi ddiidda eneerodduwella yookhuweya ya Mulluku wi tti Khrisitu yooyo.

Akolose 3:12

Nyuwaano tti athu a Mulluku. Olliyooyo ahuukondani nave ahuutthoollani wi mukhalle aaye. Sika vano munaphwanella wi mukhalleke a murima waweera echifundo, ooreera murima, awiiyeviha, oomaalleya ni oovillella.

1 Atesalonika 3:12

Ninaaveka Apwiya wi yoonjerere ni wunnuwiha echikondaanyu va ookhulupilila akhwiinyu nave va athu attheene wonanko mmo echikondaahu va nyuwaano yunnuwelliiwa.

1 Atesalonika 4:7

Mulluku khaaniithanne wi neereke ddooraruwa koma ddaweella.

2 Timoteo 1:9

Olliye aanivullusa nave aaniithana wi nikhalle athwaaye, ohiri ekaamba ya mitteko ddahu koma ekaamba ya yoolingaaye ni echisomwaaye. Aanivaha echisomo mwa Khrisitu Yesu enthawi ehinaambe.

2 Timoteo 2:10

sika kinnavillella ddittheddene ekaamba ya athu ootthoolliwa a Mulluku wi naalliwattho yaphwanye ovullusiwa onaweella mwa Khrisitu Yesu vamodda ni waakhella ntitimiho naye noohimalla.

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

1 Petro 1:2

Mwaatthoolliwa moollikana ni yoolinga ya Mulluku Attiitthaanyu nave mwaheeriwa athu aweella ni munepaaye wi mumwiiwellelle Yesu Khrisitu ni weellihiwa ni nikhame naye. Echisomo yawaata ni murendelle munchichi ddikhalle ni nyuwaano.

1 Petro 1:20

Mulluku aamutthoolla ellapo yavatthi ehinaphatusiwe nave ahuupullulliwa mu mallapo oomallihaalla ekaamba ya nyuwaano.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

2 Petro 3:14

Sika vano, akhwaaka ookondiwa, mwaatiyeraka Nllapo nenno, mweeseese okhalla aweella ni oohikhalla ni yoochimwa vamiitthoni va Mulluku navettho okhalla ni murendelle ni olliyooyo.

1 Yohane 4:16

Nave hiyaano weekhiihu ninnadduwella ni okhulupilila mmo Mulluku ananikondelleeye. Mulluku tti echikondi nave ayo enakhalla mu echikondi ennakhalla mu eyaattano ni Mulluku nave Mulluku annakhalla mu eyaattano ni alliwaayo.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

Yawuupullulla 17:8

Enama yuullupalli yawoopiha woonilleeweelle eyo yaari ni okumi koma vano khenna okumi. Eri vakhuviru wi ekhume ovenyera ollitini woowallamellesesa wi yiiphiwe. Athu ookhalla va ellapo yavatthi ayo manddiniiwa kheyaalembiwe mu nibukhu na akumi ehinaphatusiwe ellapo yavatthi, eneerottikhina voowehani enama yuullupalli yawoopiheeyo. Yaakhalla ni okumi, vano khennattho okumi koma eneerokhallattho ni okumi.