Aefeso 1:18 - Mawu a Mulluku

¹⁸ Kinaveka wi miitthwaanyu ehulleye wi moone owala wi mudduwelle yootiyera eyo awiithanelleeyeni nave waata wa madaliso ootitimiheya ayo athwaaye enaawaakhelliiwa,

Aefeso 1:18 Iomraidhean Croise

Yobu 42:5

Kaaniiwa dda nyuwaano ni maarwaaka koma vano koowoonani ni miitthwaaka.

Masalimo 119:18

Hullani miitthwaaka wi koone ddoottikhiniha ddoovenyera mu malamulwaanyu.

Yesaya 11:2

Munepa wa Apwiya onaakhalle va olliye, munepa woovaha ezeru ni wiiwesesa, munepa woovaha malangizo ni masiva, munepa woovaha odduwella ni owoova Apwiya.

Yesaya 29:10

Apwiya yohuukonihani ekhove ddookhwana, yohuukhuneellani miittho, ayo tti anamallotella nave yohuukhuneellani omuruni, ayo tti oollohella.

Yesaya 29:18

Nllapo nenno oohiiwa eneerewiiwa mawu a munibukhuni nave oohoona ayo yakhalla mwiipiphini eneerewoona.

Yesaya 32:3

Miitthwiiwa eneerekewoona nave maarwiiwa eneerewiiwa.

Yesaya 42:7

Oneerewaahulla miittho athu oohoona, oneerewaattaphulla oomakiwa, oneerewaakhumiha ookhalla mwiipiphini.

Yesaya 6:10

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.”

Mateyu 13:15

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.”

Mariko 10:17

Yesu avirellelleeye ni olendwaaye, muthu mmodda aamuthamakella, amukokhorella amukoha wi, “Ahuddihi aphaama, keere tini wi kaakhelle okumi woohimalla?”

Luka 24:45

Vano aahulla miru ddiwa wi yiiwesese phaama mawu a Mulluku.

Mitteko 16:14

Mmodda a atthiyana yaniiwella nillotaka aari Lidiya, mutthiyana oovenyera o Tiyatira, oyo aari ookulliha ekuwo ddooreera ddoofiira. Aari mutthiyana oomullapella Mulluku nave Apwiya yaamuhoollella wi iiwesese mawu yallotiwa ni Paulo.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Aroma 11:29

Vawi Mulluku khanasintha maganizwaaye aawiithanaka athu apaalle aawaavahaka emphaso.

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Agalatiya 5:5

Nave hiyaano, otiyera wahu tti wawi Mulluku anilungamihe wa olliye nave ella sika ninatiyereehu mwamasiva a Munepa a Mulluku oyo onaphara mutteko oyeella mu echikhulupilwaahu.

Aefeso 1:11

Ddeko ddittheddene ddineereya moollikana ni yoolinga ni opaalla wa Mulluku. Nave mulluku aanitthoolla hiyaano wi nikhalle athwaaye mu eyaattano ya Khrisitu ekaamba ya yoolingaaye moollikana ni eyo aaganizalleeye ovenyera vawaamba.

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Aefeso 2:12

Va enthawi yeeyo khamwaarina Khrisitu. Mwaari alleto nave khamwaari mmodda a athu ootthoolliwa a Mulluku. Nyuwaano khamwaapwesereriwemo mu echipangano eyo yaalonjeziwe ni Mulluku wa athwaaye. Nave mwaakhalla mu ellapo yavattheella muhinna otiyera navettho muhinna Mulluku.

Aefeso 3:16

Kinamuveka Mulluku wi ovenyera mwa waata wa ntitimiho naye, uuvaheni masiva oweella m'Munepanaaye wi mukhalle oollipa mu echikhulupilwaanyu.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

Aefeso 4:4

Vookhalla mwiilli mmodda ni Munepa mmodda, wonankottho mmo mwavaheriweenyu otiyera omodda mvo Mulluku aawiithanilleeyeni.

Aefeso 5:8

Khalle mwaari mwiipiphini koma vawi mootthattusiwa athu a Apwiya, muri mu owala. Sika munaphwanella mukhalleke wonanko athu a mu owala,

Afilipi 3:14

Sika kinathamaka ni yoolinga wi kathuviwe okumi wooddullu oyo Mulluku akiithanelleeye oweella mwa Khrisitu Yesu.

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

Akolose 1:5

Nndda ddiri ddiidda kaambiiwa munatiyerella ddeko nnddo ddisungiwe oddullu. Vawi mwahiiwa dda nndda mvo yawoona, eyo tti othenga waphaama, wallalleyiwiiwa wa nyuwaano.

Akolose 2:2

Kineera ddenndda wi ellipihiwe murima ni wi yaattaneke mu echikondi nave wi ekhallena eyuuma ya osimikizella wookwakhwana nko onawa ni wiiwesesa wawoona. Mwawi ddiidda eneerodduwella yookhuweya ya Mulluku wi tti Khrisitu yooyo.

Akolose 3:15

Murendelle oyo Khrisitu anavaheeye wuuhoollellekeni m'murimani mwanyu vawi Mulluku awiithanani wi mukhalle nimodda mu murendelle yoolla vawi muri mwiilli mmodda. Nave muthokozeke.

1 Atesalonika 2:12

Nahuullipihani murima, nahuukhurumusani murima nave naanuuvekani wi mukhalleke ni makhallello oomuhakallalliha Mulluku, oyo anawiithanani nyuwaano wi muvollowe mu omwenaaye nave mu ntitimiho naye.

1 Atesalonika 5:8

Wawi hiyaano tti a otthaana, nihilezeleke. Niware echikhulupililo ni echikondi wonanko yoowara yawiitetezella ekhakadda ni etiyerello ya ovullusiwa wonanko echipewa yawiitetezella omuruni.

2 Atesalonika 1:11

Ella sika ekaambiiwa ninuuvekellelleehuni enthawi ddittheddene wi Mullukwaahu aweereni nyuwaano oophwanellella okumi oyo aawiithanelleeyeni. Ninavekattho wi ni masivaaye akwakhwanihe minkhella ddanyu ddaweera ddaphaama ni ddaweera mutteko wa echikhulupililo,

2 Atesalonika 2:16

Ninaaveka Apwiihu Yesu Khrisitu weekhiiwa ni Mulluku Attiitthiihu oyo oonihalle echikondaaye wa hiyaano wi anivahe ollipa murima woohimalla ni etiyerello yaphaama oweella mwa echisomwaaye.

1 Timoteo 6:12

Wanana ekhoto yaphaama ya echikhulupililo, pharesesa okumi woohimalla oyo wiithanelliweewe nave wahaakhullella moohikhuwa echikhulupililwaawo vamiitthoni va amboni anchichi.

Tito 2:13

Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

Tito 3:7

Sika wi mwa echisomwaaye nilungamihiwe ni Mulluku navettho wi naakhellena okumi woohimalla oyo ninatiyereehu.

Aheberi 10:32

Koma upuwellani ddaweereyelleninndde, enthawi elle mwaakhenlleenyu owala wa Mulluku, mwaavillella voowanani ekhoto moollipana ni ddoohoosa ddittheddene.

Aheberi 6:4

Ethiyo vano enaaweereyelle tti tini ayo enahiya echikhulupililwiiwa? Vawaamba yahaakhella owala wa Mulluku, yaallawiha emphaso ddooddullu nave yahaakhellana Munepa Waweella,

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

1 Petro 3:9

Muhimuhokolloselleke mukhwiinyu yoonanara aweerellani yoonanara apaalle omutembelela olliye uutembelelani koma mumuhokolloselleke madaliso wi Mulluku uudaliseni wonanko alonjezilleeye awiithanneeyeni.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.