Aefeso 1:10 - Mawu a Mulluku

¹⁰ Enthawi yakwakhwana Mulluku aneerokwakhwaniha yoolinga yeella, vootthukumanihani ddoophatusiwa ddittheddene vamodda, erive ello va ellapo yavatthi ni oddullu, vatthi va oolamulella muullupalli, Khrisitu.

Aefeso 1:10 Iomraidhean Croise

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Malaki 3:1

Apwiya Amasiva Mattheene enallota wi, “Ngoonani, kineeromuruma amithengaaka wi akipotokoselle ettilla. Sika Apwiya munawaashaasheenyu eneerophiya o enyumbiiwa moorurumusa. Amithenga a echipangano oyo munahakallalleenyuna aneeroowa. Mi Apwiya Amasiva Mattheene koollota.

Mateyu 25:32

Nave athu a mitundu ddittheddene eneerotthukumanihiwa vamiitthoni vaka. Vano kineerewaahiyaniha mmodda ni mukhwaaye wonanko mmo mbusa anahiyaniheeye enkhosa ni epuri.

Mariko 1:15

Olliye aallota wi, “Enthawi yookwakhwanihiwa nave omwene wa Mulluku wohaatamella. Rukunuwani murima nave mukhulupilile othenga waphaama!”

1 Akorinto 10:11

Ddeko ddittheddenenndda ddaaweereyella wi ekhalle echisanzo wa alliwaayo nave ddaalembiwa wi ddikhalle ddoonichenjeza hiyaano. Vawi ninakhalla va enthawi yawaatamella emallihello.

1 Akorinto 11:3

Nave kinapaalla wi mwiiwesese wi Khrisitu tti muru wa arive mullopwana, mullopwana tti muru a mutthiyana nave Mulluku tti muru a Khrisitu.

Agalatiya 4:4

Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,

Aefeso 1:22

Mulluku aahiya ddeko ddittheddene m'mattani mwa Khrisitu nave aamweeriha wi akhalle muru a ddeko ddittheddene wi apindulelle mpingo.

Aefeso 2:15

Aheeriha malamulo mattheene a Mose wi ehikhalle ni mutteko ni wi aphatuse mulloko mmodda wanaanweene ovenyera m'millokoni miillinndde mu eyaattano ni olliyooyo wi vikhalle murendelle.

Aefeso 3:15

nko onavenyera okumi wawoona wa arive muthu a o ellapo yooddullu ni yavattheella.

Aefeso 3:2

Ddawoona mohiiwa wi Mulluku ookivaha mutteko wi kikawe echisomo akivahilleeye ekaamba ya nyuwaano.

Akolose 1:16

Vawi oweella mwa olliye Mulluku aaphatusa erive ello oddullu ni va ellapo yavatthi, ddeko ddoohooneya ni ddawooneya, oolamulella attheene ni masiva mattheene ooddullu. Mulluku aaphatusa erive ello oweella mwa olliye ni wa yooyo.

Akolose 1:20

Oweella mwa Mwaanooyo, Mulluku aheeriha ddeko ddittheddene wi ddaattanihiwe ni olliye. Mulluku aawaana murendelle oweella mu nikhame na Mwanaye vamutandani wi ddeko ddittheddene ddaattanihiwe ni olliye, vatthimva ni oddullu wene.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

Aheberi 11:40

Sika Mulluku aari aganizalle khalle ddoonikhozera ello yoopaalleya wunchichi vawi khaapanlle wi yaakhelle yoolonjeziweeyo hiyaano nihiivo.

Aheberi 9:10

Vawi ddeko ddenndda ddinallota dda ddoocha, ddoowirya ni ehakallallo ddaweelliha ddoohiyanahiyana. Attheenaalla tti malamulo ayo erivo otiyera enthawi eyo Mulluku anaakeraatthiheeye malamulo anaanweene.

1 Petro 1:20

Mulluku aamutthoolla ellapo yavatthi ehinaphatusiwe nave ahuupullulliwa mu mallapo oomallihaalla ekaamba ya nyuwaano.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.