2 Samuele 4:1 - Mawu a Mulluku

¹ Vano Ishibosheti mwaana a Saulo, iiwalleeye wi Abinere ohiiphiwa o Hebroni, aakhumuwa nave Aisraele attheene yahoova wunchichi.

2 Samuele 4:1 Iomraidhean Croise

2 Samuele 17:2

Vano kineerooya kawanena atopille nave atathillalle murima. Nave kineeromoopopiha. Athu attheene ayo ariiyena eneerothawa. Miyaano kineeromwiipha mweneve yooyo.

2 Samuele 2:8

Enthawi yeella Abinere mwaana a Nere, oyo aari akhoto muullupalli a Saulo aari amukusalle Ishibosheti mwaana a Saulo, oyaana okhopella, o Mahanaimu.

2 Samuele 3:27

Vano Abinere ahokollweelleeye o Hebroni, Yowabu aamukusella vakhwipi waatamella va mullako wa etawoneeyo, anakhalla wonanko anaaka akambiranena ddeko ddawi athu amodda ehiiwe. Vano Yowabu aamuhoma Abinere vamirimani, akhwella vaavo. Yowabu enre ddenndda kaambiiwa Abinere aamwiipha Asahele mwanamunne a Yowabu.

Ezara 4:4

Vano athu a mwiillaponimmo yahaakukhumulla mwiilli Ayuda ni owoopopiha wi ehiye omakattho.

Nehemiya 6:9

Vawi attheene yapaalla onoopopiha vooganizani wi Ayuda eneerohiya muttekooyo nave khovirellella. Koma vano Mulluku, llipihani mattaaka.

Yesaya 13:7

Sika matta mattheene eneerofooka nave murima wa arive muthu oneerotthomowamo.

Yesaya 35:3

Mullipihe matta oofooka, mwaavahe masiva makuttha oovelleveddeya.

Yeremiya 50:43

Mwene a o Babiloni ohiiwa epilliiwa, masiva ammallella. Annakhupanya ni wiiwa ovoreya wonanko wa mutthiyana vooyarani.

Yeremiya 6:24

A o Yerusalemu enaakhulla wi, “Nohiiwa epilliiwa nave masiva aanimallella. Ninimakhupanya ni wiiwa ovoreya wonanko wa mutthiyana vooyarani.

Zefaniya 3:16

Nllapo nenno eneeromulleella Yerusalemu wi, “We Ziyoni, ohoove, mattaawo ehifooke.