2 Samuele 13:3 - Mawu a Mulluku

³ Koma Aminoni aakhalla ni mukhwaaye, nnddina naye Yonadabu, mwaana a Shimea, mwanamunne a Davide. Yonadabooyo aari muthu oochenjera wunchichi.

2 Samuele 13:3 Iomraidhean Croise

Genesis 3:1

Enowa yaari yoochenjeresesa okhwaranya enama ddamuhakani ddittheddene ddaphatusiwe ni Apwiya. Enoweeyo yaamukoha mutthiyanoolle wi, “Ethiyo tti ddawoona wi Mulluku ahuuhiihani ocha ezipaso dda orive muteekho ori m'matanimmu?”

Genesis 38:1

Enthawi yeeyo Yuda ahaahiya asinne aya akhalla wa muthu mmodda a nlloko na Adulamu nnddina naye Hira.

Genesis 38:20

Vatulli viwa Yuda aamuruma mukhwaayoolle Hira woovelleella mwanapuroolle wi mutthiyanoolle amuhokolloselle echikoleelle. Koma mukhwaayooyo khaamuphwanyillevo mutthiyanoolle.

2 Samuele 13:2

Ekhove kheddaawa ekaamba ya Tamara, murokoriye, ophiyera wi ahaamba omuvoriiwa. Tamara aari Namwalli oohimudduwella mullopwana. Nave waanooneya wi tti wookatamiha wi Aminoni eerena erive ello.

2 Samuele 13:32

Koma Yonadabu, mwaana a Shimea, mwanamunne a Davide, aamulleella wi, “Apwiya, muhinakhulupilila ddawi aniinyu attheene ahiiphiwa, Aminonive sika iiphiiwe. Nndda ddeereyille ekaamba ya onanariwa wa Abishalomu ovenyera nllapo nenne, Aminoni amuwatihereeye Tamara murokora a Abishalomu weerana ddoonanara.

2 Samuele 13:4

Nllapo nimodda aamukoha Aminoni wi, “Ethiyo weyaano mwaana a mwene kaambiiwa tini onoondeewe nllapo ni nllapo? Killeelle enuukatamiha.” Aminoni aamwaakhulla wi, “Mi kinamupaalla Tamara, murokora a Abishalomu, mwanamunnaka.”

2 Samuele 14:2

Vano Yowabu ahaaruma athu a o etawoni ya Tekowa wi yamukusewo mutthiyana eezeru. Aamulleella mutthiyanooyo wi, “Okhalle wonanko mutthiyana ookhwelliwa, oware ddoowara dda mutthiyana ookhwelliwa. Ohiniihella makhura koma okhalle wonanko mutthiyana oyo akhanlle inllaka mallapo manchichi.

2 Samuele 21:21

Olliye aanyaambusalle Aisraele, Yonatani mwaana a Shimea, mwanamunne a Davide, aamwiipha.

1 Epilli 2:13

Yese aamuyara mwanaye awaamba Eliyabu nave oothwarellella yaari Abinadabu, Shimea,

1 Epilli 27:32

Yonatani, apwinnya a Davide sika aari oomulangizaaye vawi aari namalembella ni awiiwesesa. Olliye ni Yehiyele mwaana a Hakimoni yaahuddiha anamwani a mwene.

Estere 5:10

Naari ddaari ddiiddo komave Hamani aaphara murima nave voophiyani owaniwa aawiithaniha akhwaaye ni mwaariye Zereshi.

Estere 5:14

Vano mwaariye Zereshi ni akhwaaye attheene yaamulleella wi, “Mupotokose muteekho wawiimakellellavo woorekama mamita 23. Ohinase mumulleelle mwene wi amumakellelle vamuteekhonimvo Mordekai. Sika muyeewo moohakallalla omachellelloni ni mwene.” Malangizwaalla yaamuddivella Hamani, sika aapotokosiha muteekho wawiimakellellavooyo.

Estere 6:13

Wenko aamulleella mwaariye Zereshi ni akhwaaye attheene, ddittheddene nnddo ddamweereyelle. Sika akhwaaye eezeru ni mwaariye yamulleella wi, “Mohaambathi ogonja vamiitthoni va Mordekai. Vano vawi olliyoolle tti Muyuda, kheyiivo munaapambaneenyu. Moohikayika, muneerogonja ddawoona, vamiitthoni vaye.”

Miyambo 19:6

Anchichi ennaallapa athu oovuwa nave arive muthu tti mukhwaaye a muthu oovaha.

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

1 Akorinto 3:19

Vawi eyo eneeriiwa ya ezeru va ellapo yavatthimva tti yoohikhalla ni ezeru vamiitthoni va Mulluku. Moollikana ni mawu a Mulluku awi, “Mulluku anaphariha mutteko ochenjera wa athu eezeru wonanko musampha vawaapharani alliwaayo,”

Yakobo 3:15

Ezeru ddenndda khaddinavenyera oddullu koma tti dda vatthi vaava, ohiri ddoovenyera wa Munepa Waweella koma wa minepa ddoonanara.

Oweeruza 14:20

Enthawi yeeyo attiitthinnya a mwaara Samisoni yaamutthelliha wa mukhwaaye a Samisoni oyo aari oomuvelleella vookwatini valle.

1 Samuele 16:11

Vano Samuele aamukoha Yese wi, “Anaawo tti yaallave?” Yesooyo aallota wi, “Ookhallavo mmodda ethwako ahanlle koma olliyoolla anachiha enkhosa.” Samuele aamulleella Yese wi, “Murumeni muthu amukuse vawi khanivelleella mukutho ophiyera olliyooyo awiille.”

1 Samuele 16:9

Yese aamwiithana Shama wi aye wa Samuele. Koma Samuele aallota wi, “Yoollattho Apwiya khemutthoonlle.”