2 Samuele 10:3 - Mawu a Mulluku

³ Koma enduna dda Aamoni ddaallota wa Hanuni pwiyiiwooyo wi, “Ethiyo munaganiza wi Davide uurumihelleeyeni athu wi yuukhurumuseni murima vawaavahani olemu attiitthaanyu? Woohikhalla wi Davide aarumihalle oorumeyellaayaayo wa nyuwaano wi yaashaashe ni azonda muzindoolla nave vatulli viwa ewoononge?”

2 Samuele 10:3 Iomraidhean Croise

Genesis 42:16

Murumeni mmodda mwa nyuwaano wi aye amukuse. Amodda attheene oohallanyu munaawallelliwe mundendeni ophiyera mawaanywaalla esimikizelliwe, noone mwaarimi mullotaka ddawoona. Olephela mvo, kinimallupella mu okumi wa Farao, nyuwaano tti oozonda.”

Genesis 42:9

Nave ahuupuwella mmo allohelleeye dda alliwaayo nave aallota ni asinnaayo wi, “Nyuwaano tti oozonda. Muweelle wi moone mmo efookelle ellapwaahwiilla.”

2 Samuele 3:25

Nyu amwene khamunamudduwella Abinere, mwaana a Nere? Olliyooyo aweellathi wuumarani muyeepe owiitthoni. Apaalla wi adduwelle okhuma ni ovollowa wanyu nave wi adduwelle nnddo muneereenyu.”

1 Epilli 19:3

Koma enduna dda Aamoni ddaallota wa Hanuni wi, “Ethiyo munaganiza wi Davide aarumihalle amithenga wi yuukhurumuseni murima vawaavahani olemu attiitthaanyu? Ethiyo khewiille wi ezonde ellapo nave vatulli viwa eyaakhe?”

1 Akorinto 13:5

Echikondi khenakhalla ni makhallello oonanara apaalle kheniikonda apaalle khenasha murima mwawaakuva, echikondi khenasungella mangawa a athu amodda,

1 Akorinto 13:7

Echikondi ennamaalleya mu ddeko ddittheddene, ennakhulupilila ddeko ddittheddene, ennatiyera mu ddeko ddittheddene, ennavillella mu ddeko ddittheddene.