2 Samuele 1:2 - Mawu a Mulluku

² Nllapo naneeraru aamoona akhoto oovenyera o mulloko wakhoto wa Sauli. Aawara matapwata nave ahiihella ethaya m'muruni mwaye wooniha omoriwa ethakaraka. Aphiyalle wa Davide aakokhora amuvaha olemu.

2 Samuele 1:2 Iomraidhean Croise

Genesis 22:4

Va nllapo naneeraru Abrahamu aatukhulla miittho nave aawoonella mwaangooyo voorekama.

Genesis 37:29

Vano Rubeni ahokollweelle wiihimeni wulle amuphwanyille Yosefe ahiimo. Vaavo ahaahulla ddoowara ddaye moomoriwa ethakaraka.

Genesis 37:34

Sika Yakobo ahaahulla ddoowara ddaye nave awara echiguduli vawoonihani ethakaraka. Nave ahinlla maliro a mwanayaayo va enthawi yoorekama.

Genesis 43:28

Alliwaayo yahaakhulla wi, “Oorumeyellaanyu, attiitthiihu, aakhallawo nave aakhalla phaama.” Vaavo attheenaayo yaamukokhorellattho emuwaramella Moomuvaha olemu.

2 Samuele 1:3

Davide aamukoha wi, “Onavenyera wuuwi?” Nave aamwaakhulla wi, “Kithawille omisasani dda akhoto dda Aisraele.”

2 Samuele 13:19

Vano Tamara ahiihella ntuura omuruni aahulla yoowara eyo awarilleeye. Nave aaphara muru anarowa inllaka mookhuwa mawu musewu muttheene.

2 Samuele 14:4

Mutthiyana a o etawoni ya Tekowoolle aphiyalle wa Davide ahiikuha apopheya ekhovaaye vatthi amullapella mwenooyo nave aallota wi, “Amwene kikavihereni,”

2 Samuele 15:32

Davide aphiyalle vaddullu va mwaango mvo amullapelleeyevo Mulluku, aakumana ni Hushai Mwariki aahullalle mukanjwaaye nave iihenlle ethaya omuruni.

2 Samuele 24:20

Vano Arauna aatukhulla miittho nave aamoona mwene awaaka ni oorumeyellaaye wa olliye. Enthawi yeeyo Araunooyo aaya amuvaha olemu Davide moopopheya ekhove.

2 Samuele 4:10

Muthu mmodda akilleelleeye wi Saulo ookhwa, aganiza wi anakilleella othenga waphaama. Kaamuphara nave kaamwiipha o Zikilagi. Yeeyo sika yoothuviwaaye ekaamba ya othengaayooyo.

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

Estere 5:1

Va nllapo naneeraru na ohalla ocha,* Estere aawara mukanjwaaye woomwene nave aaya iimella munthatoni na muwari na mwene, voowehana ni echipinda yuullupalli ya mwene. Va enthawi ella mwene aari akeraatthille va mpandwaaye woomwene muwari mwa echipindeeyo, moowehana ni mullako woovollowella muchipindanimmo.

Masalimo 66:3

Mulleelleni Mulluku wi, mitteko ddanyu tti ddoottikhiniha. Masivaanyu tti muullupalli, adanaanyu ennawaramella vatthi moowoovani.

Ezekiele 27:30

Attheenaayo ennawinllella wunchichi owinllella, yiihellaka nthupi omuruni, edduupurusaka muntuurani.

Hoseya 6:2

Vamalla mallapo meelli eneeronihihimulla. Va nllapo naneeraru eneeronivenyiha wi nikhalle ni okumi vamiitthoni viwa.

Yowele 2:13

Ahullani murimaanyu ohiri ddoowara ddanyuve.” Hokollweellani wa Apwiya Mullukwaanyu vawi alliwa tti eechifundo ni ooreera murima, oohisha murima mwawaakuva ni ooddalla ni echikondi yoohisintheya, ni oohiya ollaka.

Mateyu 12:40

Vawi Yona akhanlle m'mirimani mwa ehomba yuullupalli mallapo mararu otthaana ni mahiiyu, emoddamoddave yeeyo mi, Mwaana a Muthu, kinaakhalle vatthi va ethaya mallapo mararu otthaana ni mahiiyu.

Mateyu 16:21

Waambeella enthawi yeeyo oya muhoollo Yesu ahaamba waalleella oohudderaaye wi tti woophwanella wi olliyooyo aye o Yerusalemu wi ahoosiwe wunchichi ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenyihiwa wa ookhwa.

Yoswa 7:6

Yoswa ni attekweene a Aisraele yiiwalle ddenndda yaamoriwa ethakaraka wunchichi nave yahaahulla ddoowara ddiwa, yiivokhella vatthi moopopheya ekhove vahoollo va nibokosi na echipangano na Apwiya ophiyera misikuwa, yiihella nthupi omuruni wiwa.

Yawuupullulla 3:9

Athu ayo eri a mulloko wa Satana, athu awoottha ayo enallota wi tti Ayuda ehiri yaayo, kineerowaana wi yuukokhorelleni. Attheenaayo eneerodduwella wi kinnuukondani.

1 Samuele 20:41

Vano mullupa muttekoolle arowille, Davide aakhumellella okhwipi wa malluku yuukelliwaalle avelleella olemu voopopheyani ekhovaaye vatthi oraru. Yaakhupaarellana attheene yaamba winlla koma Davide ahinlla moollipiha.

1 Samuele 25:23

Abigaile amoonilleeye Davide aakittha vabuluni vaye mwawaakuva iikuhella vatthi moopopheya ekhove vamiitthoni va Davide.

1 Samuele 4:12

Muthu mmodda a nlloko na Benjamini aathawa okhotoninko aphiya o Shilo nllapo nenno. Aari aahullalle ddoowara ddaye nave ahiihella ethaya m'muruni wooniha wi anamoriwa ethakaraka.

1 Samuele 4:16

Muthoolle aamulleella Eli wi, “Mi kinavenyera okhotoni. Kithawillewo ollello vaava.” Eli aamukoha wi, “Ekhoto eri mwawiidde, mwanaka?”