2 Epilli 7:3 - Mawu a Mulluku

³ Nave Aisraele attheene yoonille munllooyo okitthaka ni ntitimiho na Apwiya va enyumbeeyo yaawarama epopheya ekhove ddiwa waallapella Apwiya ellota wi, “Ddawoona, Apwiya tti aphaama, echikondiiwa yoohisintheya tti yoohimalla.”

2 Epilli 7:3 Iomraidhean Croise

2 Epilli 5:13

Nave yaaniipa ni mawu oophwanaphwana voollapellani ni voowaatitimihani Apwiya. Ni misangwa, azeze ni magitala, yaaniipa wi, “Ddawoona, Apwiya tti aphaama, echikondiiwa yoohisintheya tti yoohimalla.” Vaavo enyumba ya Apwiya yaaddalliwa ni murapo.

2 Epilli 20:21

Vano aakohilleeye ezeru athwaayo, ahaatthoolla amodda wi ewiipelleke ni waatitimiha Apwiya mu ottekweeniiwa nave yaaya vahoollo va mulloko wa akhoto ellota wi, “Athokozeni Apwiya, vawi echikondiiwa yoohisintheya tti ya o enthawi yoohimalla.”

Luka 1:50

Anaweerella echifundo ayo enamoova olliye ovenyera va mbado mmodda ophiyera mmodda.

Yesaya 63:7

Kineerollota dda echikondi yoohisintheya ya Apwiya, kineerewaatitimiha ekaamba ya ddittheddene eneerenlliiwa. Ahaadalisa wunchichi athu a o Israele, voothwarani echifundwiiwa ni wunnuwa wa echikondiiwa yoohisintheya.

Ezara 3:11

Nave yaaniipa moohimaana, mowaatitimiha ni mowaathokoza Apwiya. “Apwiya tti aphaama, echikondiiwa yoohisintha eri va Israele.” Nave athu attheene yaakhuwa wunchichi yaatitimihiiwa Apwiya ekaamba yawi matthipello a enyumba ya Apwiya yaamakiwattho.

Eksodo 4:31

Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Masalimo 103:17

Koma echikondi yoohisintheya ya Apwiya tti yawaambeella enthawi yoohimalla wa enthawi yoohimalla, wa ayo enawoova, ennaddeerella ddoolungama edduullu ddiwa ddittheddene,

Masalimo 95:6

Waawoni naavekelle nave naallapelle, hankoni nikokhore vamiitthoni va Apwiya oophatusaahu.

1 Epilli 29:20

Nave Davide aallota wa mutthukumano muttheenoolle wi, “Atitimiheni Apwiya Mullukwaanyu.” Vano athu attheene yahaatitimiha Apwiya Mulluku a makhollwiiwa nave yaakokhora yaallapella Apwiya ni omuvaha olemu mwene.

1 Epilli 16:41

Athwaayo yaari vamodda ni Hemani ni Yedutuni ni amodda ayo yatthoolliwe mowaaromolla manddina wi yaathokozeke Apwiya vawi echikondiiwa yoohisintheya tti ya o enthawi yoohimalla.

1 Mamwene 18:39

Vano athu attheene yoonille ddennddo yaamoriha ekhove ddiwa vatthi ellota mookhuwa wi, “Apwiya sika Mulluku! Apwiya sika Mulluku!”

Numeri 16:22

Koma alliwa yaakokhora ellota wi, “Nyu Mulluku, mwaneena a minepa dda athu attheene, ethiyo mwaashenlle murima athu attheenaalla ekaamba ya ochimwa wa muthu mmodda?”

Numeri 14:5

Mose ni Aroni yaamora ekhove ddiwa vamiitthoni va mulloko wa Aisraele.

Levitiko 9:24

Nave Apwiya yaakhariha munllo oshellelliha mukutho wooshellelliha ni makhura nnddo ddaari vanikuwanimvo nave athu yoonilliiwa munllooyo, yaakhuwa emora ekhove ddiwa.

1 Epilli 16:34

Athokozeni Apwiya vawi tti aphaama, echikondiiwa yoohisintheya tti ya enthawi yoohimalla!

Masalimo 100:5

Vallethi Apwiya tti aphaama, echikondiiwa yoohisintheya tti ya enthawi yoohimalla, ororomelleya wiwa tti wa mibado ddittheddene.

Masalimo 106:1

Aleluya! Athokozeni Apwiya vawi tti aphaama, echikondiiwa yoohisintheya tti ya enthawi yoohimalla.

Masalimo 107:1

Athokozeni Apwiya kaambiiwa tti aphaama, vawi echikondiiwa yoohisintheya tti ya enthawi yoohimalla.

Masalimo 118:1

Athokozeni Apwiya kaambiiwa tti aphaama, echikondiiwa yoohisintheya tti ya enthawi yoohimalla.

2 Epilli 20:18

Vaavo Yehoshafati aakokhora nave athu attheene a o Yuda ni Yerusalemu yaakokhora ellapella vamiitthoni va Apwiya.

2 Epilli 29:28

Mutthukumano muttheene waallapella, amachipo ni amapallapata yiipaka. Ddittheddenenndda ddaavirellella ophiyera mukutho wooshellelliha omanlle.

2 Epilli 29:29

Vano mukutho omanlle, mwene ni athu attheene yaakokhora ni enaallapella Apwiya.

2 Epilli 29:30

Vano mwene Hezekiya ni enduna ddaye yahaalamula Alevi wi yiipe machipo owaatitimiha Apwiya moollikana ni mawu a Davide ni namallotella Asafu. Vano yahiipa moohakallalla nave yaakokhora ellapella.