1 Samuele 8:8 - Mawu a Mulluku

⁸ Waambeella nllapo kaakhumihalleemi o Iguputo ophiyera ollello ddaweera ddiwa tti ddookikhootave miyaano nave enarumeyella milluku ddimodda. Vano naweenettho enaweerella ddennddo.

1 Samuele 8:8 Iomraidhean Croise

Eksodo 32:1

Athu yoonille wi Mose oollekellawo omwaangoni wulle ahikitthakawo, yaatthukumana emwaapheella Aroni nave yaamulleella wi, “Noopelle mulluku awi anihoollelleke vawi khaninadduwella emweereyelle Mose, oyo anikhumihalle o Iguputo.”

Oweeruza 13:1

Aisraele yaheerattho ddoonanara vamiitthoni va Apwiya. Vano Apwiya yahaavelleella m'mattani mwa Afilisti wa miyakha 40.

Oweeruza 6:1

Aisraele yaheerattho ddoonanara vamiitthoni va Apwiya. Vano Apwiya yahaavelleella m'mattani mwa Amidiyani wi yaalamulelle wa miyakha mitthanu ni miilli.

Oweeruza 4:1

Ehudi akhwille Aisraele yaheerattho ddoonanara vamiitthoni va Apwiya.

Oweeruza 2:20

Sika Apwiya yahaashella murima Aisraele, ellota wi, “Athwaalla khenathwara echipanganwaaka eyo kaalamulalleemi makhollwiiwa nave vawi kheyaawiiwellelle mawaaka,

Deuteronomo 9:24

Mookhalla mwaawukilaka Apwiya ovenyera nllapo nno kuudduwenlleemini.

Numeri 16:41

Koma osaka wene Aisraele attheene yahaahumullulla Mose ni Aroni wi, “Nyu moowiipha athu a Apwiya.”

Eksodo 17:2

Vano athwaayo yahaamba okangana ni Mose nave yaallota wi, “Nivaheni maaddi oowirya.” Mose ahaakoha wi, “Kaambiiwa tini munakanganeenyu ni miyaano? Kaambiiwa tini munaweeseenyu Apwiya?”

Eksodo 16:3

“Waweerokhalla phaama Apwiya yaniiphelleke o Iguputo weewulle, nko nakhalleseehu nichaka enama ni buledi nave naanavona. Koma nyuwaano munikuselle o echipululu wuno wi muniiphe attheene ni ettalla.”

1 Samuele 8:7

Apwiya yaallota ni Samuele wi, “Wiiwellelle ddittheddene nnddo athwaayo enuulleelliiwa. Khenuukhoota weyaano koma miyaano. Khenapaalla wi kikhalle mweniiwa.

1 Samuele 8:9

Sika owiiwellelle nnddo enuulleelliiwa. Koma waachenjeze wunchichi nave waalleelle makhallello a mwene anaawaalamulellekooyo.”

Yeremiya 34:14

Echipanganweeyo yaari yawi miyakha mitthanu ni miilli ddamalla, arive muthu mwa nyuwaano amuttaphulle mu okaporo arive Muheberi oyo iikullihalle wa nyuwaano aphara mutteko miyakha mitthanu ni mmodda. Koma makhollwaanyu kheyaakiiwellelle nave kheyapwathillewo naari vang'ono.

Ezekiele 2:3

Aakilleella wi, “We mwaana a muthu, kinuuruma wa Aisraele, mutundu wa athu eekuku ayo ekiwukilalle. Alliwa ni makhollwiiwa aakhalla ekichimwellaka ophiyera ollello.

Masalimo 78:8

wi Ehikhalle wonanko makhollwiiwa, athu awumma murima ni oowukila, mbado wa athu ayo mirima ddiwa ddiri ddoohikeraattheya, ayo okumiiwa muttheene ori woohiroromelleya wa Mulluku.