1 Samuele 7:9 - Mawu a Mulluku

⁹ Vano Samuele aamukusa mwaanaankhosa awaamwa amwiipha amuphaddaphadda amuvelleella amututha wa Apwiya mukutho wooshellelliha. Ahaavekellella Aisraele wa Apwiya nave Apwiya yaamwaakhulla

1 Samuele 7:9 Iomraidhean Croise

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Masalimo 99:6

Mwa allupa mukuthwiiwa mwaakhalla Mose ni Aroni, Samuele aari mmodda awiithana nnddina niwa yaaninllella wa Apwiya, alliwa enawaakhulla.

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Levitiko 22:27

“Eng'ombe, enkhosa apaalle epuri yarelliwa, ekhalle ni meewa wa mallapo matthanu ni meelli. Nave waambeella nllapo naneetthanu ni raru oya muhoollo ttuuwaakhelliwa wi ekhalle mukutho wawoosiwa viikho, woovelleelliwa wa Apwiya.

Deuteronomo 9:26

Nave kaavekella wa Apwiya wi, Nyu Apwiya Mulluku, pepaani muhiwoononge athu ayo mwaatthoollilleenyu wi ekhalle yoohallanaanyu. Athu yaalla mwaawoopolla nave mwahaakhumiha ni masivaanyu muullupalli o Iguputo.

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.

Oweeruza 6:26

Vano vaddullu va mpandamva omakevo nikuwa na Apwiya Mullukwaawo ni malluku ootthatta phaama. Okuse eng'ombe yaamullopwana, yaneepiilli, yamiyakha mitthanu ni miilli, yaattiitthweelle ovelleelle mukutho wooshellelliha. Okuse nifano na Asherimu nno onaakuheewe wi okhalle ekhuni.”

Oweeruza 6:28

Athu a m'muzindanimmo yavenyiiwa ohinase, yahoona nikuwa na Baala nikumulliwe, nifano na Asherimu nne naari vakhwipi va nikuwanno nikuhiwe. Nave eng'ombe yaamullopwana, yaneepiilleelle evelleelliwe mukutho vaddullu va nikuwa namakiwe vaavonno.

1 Samuele 10:8

Onaahoolle tti weyaano oya o Giligala. Okitiyere wa mallapo matthanu ni meelli vawi kineeroowa wi kivelleelle mukutho wooshellelliha ni wa eyaattano. Wenko kineerewuulangiza ddawi weere.”

1 Samuele 12:17

Ethiyo ella khehiyo ellimwe, enthawi yoomuhata tirigu? Koma kinapaalla kaaveke Apwiya wi emurupihe murimu oowa ni ogugudeya. Moona ddenndda mudduwelle wi ochimwa wanyu tti wuullupalli, voovekani wi mukhalle ni mwene.”

1 Samuele 16:2

Samuele ahaakoha Apwiya wi, “Kinaawore mwawiidde oyaawo? Saulo iiwa ddenndda, aneerokiipha.” Apwiya yaallota wi, “Waayaakawo okuse eng'ombe yaamutthiyana nave wallote wi, ‘Kaweella waaheraatthella mukutho Apwiya.’

1 Samuele 2:35

Vatulli viwa kineeromutthoolla mullupa mukutho oyo anaakhalle oororomelleya wa miyaano ni weera nnddo ddiri m'murimani mwaka ni ddoopaalla ddaka. Kineeromwinnya edduullu nnddo ddinaarumeyelleke vamiitthoni va mwenaaka oozoziwa enthawi ddittheddene.

1 Samuele 7:17

Eeddiiddo aanahokollowella o Rama vawi sika waari owaniwa. Wenkottho aanaweeruzawo Aisraele nave ahaamakellawo Apwiya nikuwa.

1 Samuele 9:12

Yahaakhulla wi, “Ee, ari wenko, tti oyo anaya muhoollo mwanyummo, akuvakani. Ttuuphiya wene m'muzindanimmu vawi ollello athu enaya yavelleelleke mukutho o nipuro noollapellamo.